Saturday, September 27, 2008

14日東京加北海道之旅2008 - Day 2





Day 2


(08/Sept) 住新宿-Kero Plaza




上野
-> 淺草 ->秋葉原 ->原宿 ->涉谷 ->新宿


我地今朝係酒店食咗早餐後,就搭JR去上野既合羽橋道具街喇!這條街係我去東京既唯一目的呀!

我地去到上野大約行咗十五分鐘就到喇
!這裡係一條清潔整齊板既上海街,所有煮食用具都齊備,

真係你想買什麼都可以買到呀
! 我地行咗差不多兩個鐘,買咗好多包裝用品及烘焙用品,

跟住我地就去淺草既雷門寺.



















由道具街去雷門寺,大約要行十五分鐘,我地行咗一陣已經覺得又重又累,

於是我地就去咗途徑既星巴克飲咖啡,休息一會喇
!


休息完,我地行多五分鐘就到雷門寺前既“仲見世通”喇! 這條路有好多傳統特色既物品買,

我地行吓,買吓,影吓,不經不覺就行到去雷門寺喇!我地入寺參觀咗一陣,

跟住我地就去秋葉原睇電器喇!















去到秋葉原JR 站,我地第一件事就係要搵locker,我地要放低我地所買既物品先呀! 

因為實在太多同太重喇
! 我地攞住咁多東西係行唔到街架! 放好物品後,

我地就四處走走喇
! 我覺得這個地方都幾特別,每一間商店或者商場,

唔係買電器就係買
figure,這裡真係好啱男士呀!而我就一般喇!至於老公呢! 

佢都係覺得一般咋!因為香港既電器產品好
update,所以在這裡都沒有特別既驚喜,

我地最後行咗一個鐘就走喇!







行完秋葉原,我地決定返酒店放低所買既物品,然後再去原宿.


我地係酒店休息咗一陣,就去咗酒店附近既間居酒屋醫肚.







跟住我地就去原宿既竹下通喇!這裡係日本既女人街,衣飾鞋襪,古靈精怪物品樣樣齊,

我地源住竹下通行去明治通,再由明治通行咗去涉谷,我地係涉谷行咗d大型商場就返新宿喇
!






返到新宿已經八點喇!我地第一件事就去Takashimaya 14今半食全牛宴喇!

這間食肆係我個家庭醫生介紹既,環境好,服務好,味道一流

我地兩個人先食咗HK$1400咋,超抵呀!



























返到酒店,我地仲食咗兩件cake先瞓,真係又累又滿足呀!










 

Friday, September 26, 2008

14日東京加北海道之旅2008 - Day 1





Day 1 


(07/Sept) 香港 ->東京 ->新宿  (住Kero Plaza)




今朝我地六點十五分就出發去機場喇
! 今日既心情好興奮呀! 好想快些去到呀

今次我地係乘坐九時十分既飛機去東京, 理應下午兩點三十五分就到達架喇

不過不知道什麼原因, 我地既飛機遲咗差不多三十至四十五分鐘先起飛呀

就係因為咁樣, 我地就大約遲咗一個鐘先去到東京成田機場, 亦都係因為咁樣

我地就搭唔到三點三去新宿果班JR. 真係激死人呀! 到最後我地差不多六點先去到新宿

去到新宿車站搵埋出口, 去到酒店已經六點半喇! (咁就冇咗成日喇! 仲耐過去北海道呀!) 







我地係酒店放下行李後,就立即去醫肚喇! 我地去咗朋友介紹既“新宿北澤俱樂部”到食壽司,

這裡既食物質素都算可以喇
! 如果同北海道比就冇得比架喇!











































我地食完壽司就返酒店休息喇!因為實在太累喇!而且又落緊雨.



 




今日第一日來到東京既感覺真係唔太好呀!JR新宿站既出口,

真係人又多又唔清楚,佢個站真係大得好誇張呀!

希望明天會更好喇
! 




第七日 - 北海道之旅2007~夏 (04/07)

Day 7 (4/7) 札榥 住JR Tower

Shopping Day 



第七日

 



 


今朝我地冇再第六浸就出返札幌喇!我地返札幌既途中, 係街上見到好多薰衣草, 好靚,北海道係美化城市方便真係做得幾好,係開車途中見到咁靚既花,人都開心D! 返到札幌, 







我地就去咗拉麵共和國到食拉麵,起初我地諗住去返上兩次食過好好好好味既函館盬味拉麵,點知食開果間冇咗,於是我地就搵一間差不多既,結果係一d都唔好味,仲搞到我地有d唔開心
tim! 最後我地都希望機場會有得食好好味果間麵館呀!(因為上次係機場食過)






今日係shopping day,我地行咗大丸,Stella Place, Parco一陣,買咗一d戰利品, 買咗兩件cake就返酒店喇,隔咗一陣,我地就去食飯喇,今日我地係食炭燒肉肉,依間鋪頭係叫“牛角我地上年係小樽食過,係好好味既炭燒肉,今次係札幌見到,當然一定要去喇!去到食物水準一樣,服務態度一棣,又係一個字”正“呀!













食完我地又去咗大丸買兩件
cake,兩個Milk Pudding返酒店食,今晚又飽住嚟瞓喇!





第六日 - 北海道之旅2007~夏 (03/07)

Day 6 (3/7) 登別 住第一淹本館

龍宮海產感動市場 --> 昭和新山 



第六日

今日有小小雨, 我地食咗一個好豐富既早餐, 休息一陣, 再去浸一浸(第三浸), 跟住就開車去海鮮感動市場,果度有小小似札幌既二条市場, 又係賣海鮮同埋精品, 我地買咗小小精品, 食咗兩串海鮮(海螺及魷魚),就走喇!













返到登別市中心, 我地去咗一間地道日本料理食LUNCH, 買咗兩個布甸返酒店









跟住老公就話想去遠小小既地方
(昭和新山), 就係咁就有一d唔太好既事情發生咗喇. 事原我地沿住地獄谷附近既山路去昭和新山, 但係當時天色昏暗, 大霧, 有微雨, 我地上到山既一半, 我就有開始D驚喇! 於是我就示意老公返轉頭, 就係落山既時候, 老公突然開倒後車 (佢話想睇小小嘢), 就係咁就撞咗去條細柱到, 我果一刻不知幾驚呀! 好彩我同老公都冇事咋! 不過架車就................

我地泊好架車, 休息一陣, 就去咗地獄谷影相,















跟住返酒店睇吓電視, 又去第四浸喇! 食完晚餐, 我地又嚟多個第五浸,就係咁我地就結束登別浸到甩皮之旅喇!