綠茶豆腐布甸

今日又整布甸食, 今次係跟Miss Jubie既食譜做, 

不過我係材料成份上就作出咗小許修改, 

因為咀鵰王要食勁綠茶味既, 而且我又唔鐘意食魚膠粉, 

所以就將佢改改改喇!

做出來既製成品非常唔錯, 咀鵰王話好味! Good!

食譜原自-Miss Jubie's

日式抹茶豆腐布甸

日式抺茶豆腐布甸



材料: (4人分量)

抹茶粉---4 teaspoon

絹豆腐---200g

牛奶---250ml

whipping cream---100 ml

糖--- 60g

魚膠片---7g

水---18 g





布甸裝飾

whipping cream + sugar---適量

做法

1. 將抹茶粉 + 絹豆腐 用攪拌器打勻

2.  水 + 魚膠片 隔熱水坐熱, 至微暖

3. 開中火, 將 奶 + whipping cream +糖 煮熱, 出煙.....

4. 在mixing bowl 內放入抹茶豆腐漿, 先加入少許熱奶攪勻, 再將剩餘的奶加入mixing bowl內

5. 將魚膠水加入抹茶豆腐漿, 將合物用篩隔2次, 抹茶豆腐布丁會更滑...

6. 放入雪櫃雪凍最少3小時





布甸裝飾做法:

1. whipping cream + sugar打勻至企身

2. 唧上甜whipping cream, 灑上抹茶粉, 完成

Green Tea Pound Cake

今朝上網既時候, 睇到"AM730"輝Sir既食譜,

見材料簡單, 做法容易, 而且又可以幫我清清d Green Tea Power,

所以就立即整喇!

食譜來自-Jo.Homemade



Green Tea Pound Cake [4" x 7.5"]



材料

1. 室溫牛油 - 105 g

2. 砂糖 - 105 g (我用咗 85 g)

3. 全蛋 - 105 g

4. 低筋粉 - 58 g

5. 高筋粉 - 50 g

6. 綠茶粉 - 8 g

7. 發粉 -  1/2 tsp

8. 淡奶 - 35 g (我改用鮮奶)

做法

1. 預熱焗爐170度，蛋糕模鋪牛油紙。

2. 所有粉過篩備用。

3. 將牛油及糖打至奶白色，分數次加入蛋，再加入淡奶打勻。

4. 將(2)加入，fold勻，倒進模型中。

5. 在麵糊中間唧一條菜油線，入爐焗45-50mins。

P.S.1. 蛋要分數次加入避免分離。

P.S.2. 菜油線可幫助蛋糕分裂得更漂亮。

[食譜參考 : 輝sir AM730]

14日東京加北海道之旅2008 - Day 10

Day 10

(15/Sep) 住札幌 – JR Tower

小樽 --> 千歲Rare-outlet -->札幌

今朝我地浸個溫泉, 食完早餐就check-out喇! 我地返札幌喇! 不過係臨返札幌前, 

我地就去咗千歲Rare-outlet Shopping, 我覺得這個outlet比起東京果個正好多呀! 上年已經嚟過一次, 

係臨上機之前嚟, 完全唔夠時間買東東呀! 所以今次就特登安排時間過來, 

這個outlet都係有好多不同種類既物品售賣, 而且每一樣都好啱我心水, 真係行得開心, 

買得開心呀! 我地大約行咗兩至三個鐘, 就去咗醫肚喇, 我地去咗食豚肉拉麵, 這碗拉麵非常好味, 

佢有三塊不同部位既豚肉, 每一塊都不同口感, 不同味道, 真係非常出色, 而且這碗拉麵食完係非常之飽架!

連老公都話點解一碗拉麵可以咁飽, 可想言之我真係飽到………….







食完麵我地就真係返札幌喇! 返到札幌, 我地去JR Check-in後, 就去周邊商場四處Shopping喇! 

買完東東, 我地又去食食喇! 今晚我地去食串鳥, 又係去我上年食到嘔個間, 

今次我地每人食咗13串, 比起上年小咗一串, 我今次冇飲啤酒, 所以冇嘔喇! 

這間串鳥真係又抵食又好味, 我地total食咗26串, 再加2杯飲品, 先HK$300咋! 真係好抵.











食完我地就返酒店喇!, 返到去休息一陣, 我地又食甜品喇!每人兩款, 勁呀!!!!!!!!  

粒珠@西貢獅子會

我地好耐無帶粒粒珠珠出去玩喇!

今日見唔太曬, 又冇落雨, 於是就去西貢獅子會玩一陣喇!

今日粒粒珠珠玩得好開心呀! 尤其是粒粒心情超好, 

全程自己行, 又冇要抱, 非常乖呀!



























超八卦的珠珠













珠珠跑到飛起呀!!!!











粒粒珠珠: 多謝各位收看

伴手禮~~香蕉鬆餅

今日會有兩個小聚會, 所以我就特意整了一些香蕉鬆餅做伴手禮,

希望大家都歡喜喇!

今次個鬆餅係用咗一個新食譜, 這個食譜係來自我一位好朋友既,

係佢自己修改出來既. 有興趣既朋友都可以試試.



香蕉鬆餅



有鹽牛油(置室溫放軟)  6 oz 

砂糖   9oz

全蛋 3pcs

蛋黃 2pcs

低筋麵粉  6oz

高筋麵粉  9.5oz

泡打粉   ½ tbsp + 1 tsp

梳打粉   ¼ tsp

牛奶  13.5oz

香蕉  3pcs

做法:

預熱焗爐180℃

1. 將牛油,砂糖一起攪拌至質地鬆軟及淺色 (中速)

2. 蛋液分次加入, 每次都需攪拌均勻之後再加入其他蛋液 (慢速)

3. 所有粉類混合過篩後分4次加入攪拌 (慢速)

4. 香蕉用叉子壓爛後與少許牛奶混合成備用

5. 餘下之牛奶分3次加入(3)內攪攪 (慢速)

6. 最後加入香蕉糊攪拌 (慢速)

7. 把鬆餅漿置室温待30分鐘



8. 用180℃上下火焗20分鐘, 將焗盆前後對調再焗5分鐘後轉用150℃上火焗2分鐘至金黃色即成.

溫馨提示: 所有攪拌過程需用電動打蛋器

 

再來香蕉戚風蛋糕!!!!!!!!

今朝去咗上毛毛媽搞既寵物遊學課程, 

今次個課程令我知道帶寵物去旅行真係唔係一件易事,

有好多手續需要辦理, 而且時間又要配合得好好,

不過只要處理得適當, 安排得妥善,

帶小寶貝去旅行, 又係一件令狗主及狗狗好開心既事,

所以我會努力加油, 我要帶粒粒珠珠去日本見識見識........



就係因為今日要去上課程,所以就特意整咗香蕉戚風蛋糕比毛毛媽及一位好朋友,

本來兩位朋友都係用plastic box包裝架!, 不過d box, 一pack五有四個爛既,真係激死人!!!!!!!

所以我唯有將其中一個切件用袋裝, 希望大家都喜歡喇!



******大家以後去二記買任何物品, 記得Check真d呀! 唔好好似我咁, 又中蕉喇!

而家搞到我聽日又要特登去買過, 因為我整咗個豆腐戚風比奶奶生日, 一定要用盒架!

又不能切件, 佢又唔要裝飾, 佢鐘意食清清地既, 用Paper Box又好似好古怪咁! 

所以都係要買返plastic box, 不過我今次一定會檢查清楚, 不容有失呀!

如果可以的話, 我會去另一間買呀!!!!!!!!

14日東京加北海道之旅2008 - Day 9

Day 9

 

(14/Sep) 住小樽 – 宏樂園

登別 -->小樽 – 花園街

 

今日起身食完早餐後, 我地就去進行第九浸喇! 這浸係在登別最後一浸呀!勁唔捨得呀! 

我地浸完, 收執行裝, 就check-out喇! 我地向小樽出發喇! 由登別去小樽, 我地大約揸咗2個鐘頭車, 

去到已經12點喇! 我地立即去我地最鐘意既食店-翼鮨, 食午餐喇! 這裡既食物水準一樣保持得非常之好, 

尤其個海螺刺身, 真係百吃不厭架! 食完午餐後, 我地就係花園街四處遊覽及Shopping. 

花園街有好多玻璃精品, 用品及裝飾品賣, 我簡直睇到唔捨得走呀! 樣樣物品都想買, 

而且又有好幾間蛋糕店, 我地買到好滿足, 食到好好滿足後, 就揸車去宏樂園喇!

宏樂園又係一間有私人風呂既溫泉酒店, 這裡有14間不同主題既私人風呂房間, 

而且每一個都係室外風呂, 我地就根據web-site所見, 選擇咗一間叫”Hagi”.

我地離開花園街, 大約十五分鐘就到, 去到宏樂園, 感覺好舒適, 環境好優美, 

而且這裡既服務人員都略懂英語及國語, 係溝通上又份外方便, 當進入房間的一刻, 

簡直嘩聲四起呀! 因為房間擺設和景色. 係同web-site一模一樣架! 真係好靚,

我地放好行李後, 就立即試試個私人室外風呂, 個感覺真係極好, 非筆墨可以形容, 

我地嘆完溫泉, 休息一陣, 就食咗一個極級豐富既晚餐喇~這頓晚餐有燒鮑魚, 

又有極美肥美既吞拿魚腩, 仲好多不同既美食, 真係食到我地好滿足呀!

食完晚餐, 我地又去浸, 係黑漆漆既天空下浸溫泉, 又有別一番風味呢!

浸完溫泉, 休息咗一陣, 我地再食咗一個5寸既Chocolate Cheese Cake, 真係飽到癲咗呀! 

今晚我地懷著超級脹脹的肚子瞓覺………

芝麻布丁~~^v^~~

尋日係屋企有煮飯, 整咗3個餸, 不過無影相, 只係影咗甜品-芝麻布丁,

這個布丁好軟滑, 甜度適中, 而且仲好香芝麻味, 連咀鵰王都話好味, 

我又懶靚咁用埋係北海道帶返既布丁樽, 真係食落都特別好味呀!

我係跟啱啱到手既"我愛布丁"一書做既. 大家都試試吖!

以下食譜來自"我愛布丁"一書



芝麻布丁

材料



布丁糊

1. 魚膠粉　　　9g

2. 水　　　　　30ml

3. 黑芝麻醬　　45g

4. 砂糖　　　    70g (我用咗60g)

5. 牛奶　　　    250ml

6. 淡忌廉　　　150ml

做法

1.  將魚膠粉倒入室溫水泡開備用；



2.  黑芝麻醬仔細攪拌軟化之後，量取指定的份量倒入鋼盆，加入砂糖仔細拌勻，

再把牛奶分數次加進去混合；



3.  將1.用微波爐加熱20秒左右溶化，加入2至3大匙的2.拌勻之後，

再倒回2.裡仔細拌勻；



4.  在3.的鋼盆裡加入淡忌廉混合之後，在鋼盆的底部隔冰水攪拌冷卻。

出現濃稠度之後，注入模型裡；



5.      放進雪櫃冷卻凝固後，再從模型中倒扣出來。

Remarks:



1. Step(2).的牛奶先加入一點點混合次後，再把剩下的部份少量多次加進去，

一口氣加入的話會產生分離現象，要小心留意；



2. Step(4) 在沒有濃稠度的情況下冷卻凝固的話，芝麻會沉到底部，

所以必須在鋼盆的底部隔冰水攪拌冷卻，再注入模型裡。

湯種 - 芝士火腿麵包

我都無麵包一段時間喇! 基於我懶, 

而且又整咗手指甲, 所以就梗加小搓包喇!

不過買咗KA後, 就立即試試喇~

用KA果然方便快捷, 唔駛搓到隻手"立"次次, 

而且KA搓到個麵糰真係好靚仔,

雖然個包做型唔太靚, 不過非常鬆軟架! 

我以後會多多整包喇!



包包的內心世界.

14日東京加北海道之旅2008 - Day 8

Day 8

 

(13/Sep) 住登別 – 第一瀧本館

大湯沼-奧之湯 --> 天然足湯 --> 昭和新山 --> 有珠山

 

今早吃過早餐後, 我地就出發去奧之湯喇! 奧之湯係在地獄谷附近, 我地沿著地獄谷周邊既山路行, 

大約20分鐘就到喇! 這裡係被原始林包圍著, 有滾燙的溫泉湧出, 而且仲有好濃郁既硫黃味呀! 

我地參觀咗一陣, 就繼續向前行, 去天然足湯喇!









天然足湯係在森林裡面, 我地太約再行多十五分鐘就到喇! 整條用溫泉水營成既溪流都被叢林包圍住, 

環境優美, 我地到達後, 立即就試試喇! 個感覺真係好舒服, 水溫剛剛好, 

行完山來浸一浸, 人生一大樂事呀! 正呀! 

我地浸完後就沿著山路行返酒店喇!  







返到酒店, 我地要去第六浸喇! 浸完後, 我地去溫泉街行一陣, 再去食個好好味既拉麵,







接著就出發去昭和新山喇! 由登別溫泉街去昭和新山車程大約要一個鐘, 我地到達後四處參觀, 

發覺這裡係一個大型既郊野公園, 地方清潔, 影色怡人, 跟住我地就去乘坐空中纜車上有珠山喇! 

有珠山預測係一個會定期爆發既火山, 最近一次爆發係在2000年3月. 

我地從山頂上可以望見1977年大爆發後, 產生既”銀沼火口”, 而且這裡有個”洞爺湖瞭望台”, 

我地可以俯瞰洞爺湖和昭和新山既影色. 這裡既環境真的很優美, 來到這裡人都靚D, 心情都好D,















影完相後, 我地就落山喇! 去返昭和新山, 老公係一片大草地既斜坡上, 玩咗一個低能遊戲呀! 

佢係山頂到碌下來, 而且仲要我同佢拍連環快拍, 真係比佢笑死我呀! 



大家睇吓佢碌佢情況! wakakakkakaa



















碌完喇! 佢話暈暈地呀!!!!!



我地玩完一大餐後, 就返瀧本館, 返到去我地有咩做吖, 咪又去第七浸law, 浸完, 休息一陣, 

又再食一個好豐富既晚餐, 食完, 又再休息一陣, 再去第八浸, 正呀! 我實在太鐘意浸浸浸喇!