Monday, December 29, 2008

檸檬芝士蛋糕





這款蛋糕係早前整既, 今日終於有時間出post喇!

這個蛋糕我係跟Tony Wong本書做既, 我覺得都好容易整, 而且都幾特別,

因為佢係用Oreo餅來圍邊呢! 至於個味道, 佢係有d似New York Cheese Cake,

不過個口感就鬆一d, 不New York Cheese Cake咁實.



這就是蛋糕的背面喇!

Saturday, December 27, 2008

爆笑家庭聚會@V@





尋晚我地去咗阿姨屋企開Christmas Party呀! 這個party真係既爆笑又難忘喇!

等我介紹吓個party先, 這個party我地有幾個精彩環節架! 有美食, 有抽獎, 有遊戲等等!!!!



首先梗係美食喇 ! 阿姨為我地預備咗多款美食, 有鮮果沙律, 壽司, Pizza, 串燒, 大蝦等等!!!!!!!!

而我呢就整咗藍莓芝士凍餅, 同埋瑞士雞翼











跟住就係緊張既抽獎環節喇! 今晚我地每人都有預備一份一佰蚊以上既禮物來抽獎架!





不過因為我哥哥無預備到, 所以就要取出二佰元來抽喇! 就係因為佢這二佰元, 

令到整個抽獎環節緊張起來.











以下就係阿姨為我地預備既特別獎品, 我果個係一個好靚既生果碟, 好啱用呢!





接著就係爆笑既遊戲環節喇! 

這個遊戲真係笑到我地每一個人肚痛呀! 而我喉嚨都沙埋呀!

遊戲規則係每個家庭成員都要參預, 除咗婆婆例外.

遊戲既玩法係每組人頭帶已聯上橡根的底褲, 然後就鬥快扯掉對方的底褲.



大家睇吓我地爆笑既樣子:







玩完這個遊戲, 有的就麻雀耍樂, 有的就看電視, 有的就玩電腦.

我地好開心過咗一個愉快既晚上呀!

Wednesday, December 24, 2008

Merry Christmas!!!!!!!!





好快就到聖誕節喇! 祝大家聖誕快樂! 襯這幾日既假期玩得開心d喇!



早幾日同老公去咗又一城食飯, 食完飯, 我地就去咗TASTE行咗一陣,

一行入去TASTE就比佢d士多啤梨吸引住喇! 

果d日本士多啤梨真係靚得好緊要, 好似假咁呀!

我地緊係忍唔住買咗一盒喇! 老公一食完就即刻話喇~!

貴都值架! d味零捨唔同架!







Tuesday, December 23, 2008

感冒下之食食!!!!!!!!!!!!!





瞓咗差不多兩日, 個感冒終於都好得七七八八, 今日有返d精神喇! 

本來星期日諗住整個紅豆卷蛋比奶奶食既, 不過因為病得滯, 無去到做冬, 所以就無整到,

見今日有d精神, 雪櫃又仲有紅豆茸, 於是就又再整咗綠茶紅豆卷蛋, 

而且仲整埋士多啤梨果醬, 這兩樣食食我都係送比阿cool架!

希望佢鐘意喇! 個綠茶紅豆卷蛋我覺得卷得唔太好, 希望Cool Cool唔好介意喇!



以下是包裝好的食食





以下係阿cool送給我既聖誕禮物, 個包裝超級精美, 係用粒珠包裝紙架!

勁鐘意呀! 好多謝你呀!









Thursday, December 18, 2008

聖誕薑餅人





早幾日收到泡泡茶送給我既聖誕薑餅人, 好開心呀!我係第一次收到聖誕薑餅人架! 

泡泡茶真係好有心機, 每一個薑餅人都畫得好精美, 而且個個都係唔同做型既, 真係細心喇!

好多謝你呀!















Sunday, December 14, 2008

三人兩狗BBQ Birthday Party!!!!!!!!





尋日個BBQ Birthday Party 個個都玩好開心呀! 

教主整既香蕉藍草莓狗狗蛋糕, 好得呀! 個個小寶貝都食到嘴lam lam呀!

大家想知開心既情況, 就睇片喇!
 



先來壽星仔女大合照







一到達, 兩個就立即相量吓去邊到玩好喇!







珠珠: 我件衫衫係咪好Cute呀!







珠珠: 我好開心呀!







粒粒 : 媽咪你睇我幾型女





粒粒: 比返個正面你睇先





兩個囡囡既合照







珠珠 :媽咪, 我笑得幾甜, 唔會好似粒粒姐姐咁架! 成日都咁無奈.







我尋日唯一一張合照呀!











粒粒: 嘩! Cat EE係果邊呀!





粒粒: Cat EE我好掛住你呀! 你可唔可以錫錫我呀!!!!!!!!!!!!!!!!







再來合照, 你地睇粒粒個樣, 勁慘呀!







珠珠同粉粉傾計呀!









型仔粉粉嚟喇!







First Round大合照





芝芝大合照, 不過全部都唔望鏡頭架!







瑟瑟大合照, 又係全部都唔望鏡頭架!







瑟瑟芝芝大合照











好開心的娃娃





好多謝大家送給粒粒&珠珠的禮物





仲有這個是我做給大家既伴手禮 : HOmEMaDe BluEbErRy JAm & 雪梨水

Saturday, December 13, 2008

綠茶朱古力慕絲蛋糕





今日我地會為我老公, Catherine, Emily, 粒粒 & 珠珠攪個BBQ生日Party呀!

因為佢地全部都係12月生日架! 真係好啱呀! 尤其是我老公同粒粒珠珠呀!

老公係14號, 粒粒係2號, 珠珠係27號, 真係全個月都比佢地大晒呀!



今次個生日蛋糕我參考咗"創意蛋糕50款"個綠茶慕絲,再加上朱古力慕絲, 個餅底就用咗Oreo.

裝飾我就參考咗泡泡茶既, 不過我冇泡泡茶唧波波Cream唧得咁靚呀! 有待改進.

希望大家都鐘意個蛋糕喇!



在此祝大家生日快樂! 心想事成! 日日都開開心心快快樂樂! 最重要係身體健康呀!

Thursday, December 11, 2008

hOMe mAdE bLUebERRy jAm





尋日終於整咗我想整好耐既藍莓果醬喇! 今朝試咗我覺得非常好味呀! 我用來配原味乳酪一流呀!

這個食譜比較特別的, 係用醋整, 唔係用檸檬汁整, 相對就更加健康喇!

大家都試試看!!!!



以下食譜參考自"超人氣活力甜點", 做法是參考自"蔡師奶"

因為這本書是教用微波爐做的, 我把它改了用明火做.




藍莓果醬食譜:

材料: (成品大約240毫升)

1. 鮮藍莓   200

2. 黃糖/砂糖  90

3. 蘋果醋/穀物醋 2湯匙

做法:

1) 藍莓洗淨抹乾,放在煲內加入半份黃糖及蘋果醋攪勻,

2) 然後開中火將藍莓連糖煮至軟身,收慢火,加入其餘半份黃糖至溶解,

然後開大火,煮至杰身即成

3) 趁熱倒入瓶中 (需預留少許空隙位置,不要倒太滿) ,稍涼後上緊瓶蓋即可.

Cooking Tips: 1. 盛在果醬的玻璃樽, 必需要清洗消毒乾淨

                          2. 如開封的果醬, 可以儲放在雪櫃6個月.

                          3. 如開封的果醬, 可以儲放在雪櫃1個月, 不過最好就盡快食完喇!










伴手禮 - HOmE MAde sTRawBErrY jAm





今朝一早起身起, 就整兩咗樽士多啤梨果醬送比兩位朋友仔, 

佢地兩個工作既地方, 都好近我屋企架! 所以今朝一做起後,就暖暖的送比佢地喇!

希望佢地兩位都歡喜喇!



士多啤梨果醬食譜:

材料: (成品大約240毫升)

1. 鮮士多啤梨   200

2. 黃糖/砂糖  100

3. 蘋果醋/穀物醋 2湯匙

做法:

1) 士多啤梨洗淨抹乾,切蒂及一開二, 放在煲內加入半份黃糖及蘋果醋攪勻,

2) 然後開中火將士多啤梨連糖煮至軟身,收慢火,加入其餘半份黃糖至溶解,

然後開大火,煮至杰身即成

3) 趁熱倒入瓶中 (需預留少許空隙位置,不要倒太滿) ,稍涼後上緊瓶蓋即可.

Cooking Tips: 1. 盛在果醬的玻璃樽, 必需要清洗消毒乾淨

                          2
. 如開封的果醬, 可以儲放在雪櫃6個月.

                          3. 如開封的果醬, 可以儲放在雪櫃1個月, 不過最好就盡快食完喇!