Sunday, April 25, 2010

粒珠的玩具





今日又要講吓d寶貝,

粒粒珠珠都有話多唔多, 話少唔少既公仔架!

佢地有分係床玩既公仔, 同埋係地下玩既公仔,

如果大家有睇之前既post就知粒粒只愛海豚,

所以基本上而家所有公仔都係珠珠既,

不過珠珠都有一個辟好, 就係特別鐘意紅色既公仔,

其他顏色既公仔佢係會玩, 不過只係3分鐘熱度,

但係紅色既.........就永遠不離不棄.



所以我而家買佢地既公仔, 就只會揀紅色的.



我兩隻囡玩公仔都玩得特別麻煩.................





比大家睇吓佢地d公仔喇!



這些是在地下玩既







這些是在床上玩既







這些係新既

Saturday, April 24, 2010

Today is Shopping Day *V*





今日一早就同老公過海食早餐, 跟住就去SHOPPPPPPPPPPPPING喇!

我地好耐無去買咁多東東, 仲要買得咁開心tim!

我地又買袋, 又買衫, 又買褲連刀都買埋呀!

真係好正呢!



我地係sogo買咗把日本kyocera京瓷陶瓷刀,

這把刀切東東真係好輕鬆, 好似唔駛用力咁,

而且都幾安全, 啱晒我依d倫盡王呀!

見佢特價由千幾蚊減到六百尾,

老公話無問題.......即買, 好開心呢!



日本kyocera京瓷陶瓷刀





Shopping完後, 我同老公再去咗YVES KITCHEN既春季田園市集,

去YVES KITCHEN就係要支持我的好朋友泡泡茶喇!



以下就是我的收穫喇!

Friday, April 23, 2010

日式清酒煮蜆@v@





日式清酒煮蜆, 我同老公都好鐘意食架!

不過一直都未試過係屋企整.

直至前日見到yycake整咗, 而且又post咗食譜,

最重要做法又非常簡單.



今日我就立即整嚟試試喇!

真係好易整同好好味,

我同老公都好鐘意,

我仲用咗一個未用過既LC嚟整,

個feel仲正呀! hahahahaha



yycake, 非常多謝你既分享呀!



yycake的食譜-->日式清酒粉絲煮蜆



我係用咗這支日式料理酒嚟整架!

酒精成份有12.5度架!

Thursday, April 22, 2010

粒粒的至愛 - 海豚公仔





粒粒好好好好鐘意這隻海豚公仔架!

佢係由兩個半月開始同佢一齊到現在架喇!



粒粒所有公仔佢都唔會玩,

只會同這隻海豚傾計同埋玩,

當我知道佢咁鐘意這隻海豚後,

我已經係DOL買晒佢d貨, TOTAL6隻,

但當我買晒之後, 係依2年,

佢已經無番過貨喇!

我係好多地方搵過,

都唔見這隻海豚既影蹤,



我而家得返一隻新架咋!

如果大家見到這隻海豚既影蹤,

麻煩通知我,

謝謝!



這是已經玩到舊咗架喇!







現在唯一一隻新的.





Tuesday, April 20, 2010

日本米

崇尚日本東東既我, 終於係早幾日買咗包日本新潟下田米嚟試喇!

本來係好早前已經好想買架喇! 不過以前要返工唔係成日煮飯,

一個星期只會煮一日飯, 我唔想嘥咗包米, 所以一直都無買.

既然而家有咁多時間, 梗係要試試喇!



買咗返來就立即煮飯試食喇!

日本米真係唔同d, 煮既時候,

用水既分量比中國米和泰國米都要小,

但煮出來的口感比較軟身和有"lim"性,

同我係日本食既一樣, 正呀!

雖然係比較貴, 但係值既.

我仲溝埋台灣既五穀米一同煮,

食既時候更有口感, 更好味道.



這是在城市超級買的日本米-

跟據我啲朋友所講新潟縣出產既白米, 係good good good的.








這是好好好朋友從台灣買回來給我的, 香港無得賣架!

這個免浸的五穀米, 真係又方便, 又健康, 又好味, 我同老公都好鐘意架!


Thursday, April 15, 2010

日向夏(二)





一個日向夏整咗戚風, 另一個就當生果吃.



日本人食日向夏既方法:

只要批去外面橙黃色的果皮,

然後把白色的纖維質和果肉,

一片片的切來吃, 

這樣的食法就會消除咗它的酸瀝味. 



纖維質和果肉互補不足,

吃起來非常美味呢^^



我一定會再買呢! hahahaha

日向夏(一)





日向夏(ひゅうがなつ)是原產於日本宮崎縣的柑橘類水果,每年只有初春先有得買

佢既果肉多汁帶為酸澀,味道近似柚子,好香, 但不太甜, 而且會有d澀味, 

我地通常會用來整蛋糕或甜點.



早前見吉之島有我賣, 諗都無諗就立即買吓來試試.

佢個外型沒有什麼特別, 比西柚細些少.



我用咗一個來做戚得蛋糕,

成品非常滿意, 口感細密, 濕潤, 吃進口裡有著淡淡的柚子味, 好清新呢!

另外我再用日向夏的果皮, 煮咗個焦糖醬淋面, 食既時候更加特別.



日向夏戚風的內心世界, 好細密呢!







這就是日向夏柑的樣子喇!

Sunday, April 11, 2010

西式晚餐





今日整咗個西式晚餐,

有蕃茄肉醬辣肉腸意粉及自製忌廉蘑菇湯,

一陣仲有甜品食, 正呀!



我同老公都好鐘意飲自家製既忌廉蘑菇湯,

又濃蘑菇味, 又香滑,

相比街外的餐廳, 真係好飲好多呀!



大家有興趣都可以試試



忌廉蘑菇湯



材料:

白蘑菇 一盒

雞湯 150ml

鮮奶 100ml

淡忌廉 100ml

洋蔥 適量

麵粉 適量





預備

白蘑菇切片

洋蔥切粒



做法:

1. 先用橄欖油起鍋, 然後把洋蔥粒炒香.

2. 跟住再放白蘑菇片炒香, 舀起備用.

3. 用攪拌機把2/3已炒香的蘑菇片和雞湯打成茸.

4. 把雞湯蘑菇茸和餘下的蘑菇片倒入煲內, 加入鮮奶用中大火煮滾, 需要不時攪拌.

5. 煮滾後轉中細火加入淡忌廉再煮滾,

6. 然後將麵粉溝少許水攪勻, 慢慢逐少地倒入湯內, 邊攪邊倒直至到喜愛杰身程度.

7. 飲時灑上胡椒粒, 即成.

Saturday, April 03, 2010

粒粒的行為





好耐無post我d囡囡喇! 今次就講吓粒粒喇!



粒粒有個好得意既行為,

就係佢好鐘意自己o係張被到整個洞嚟瞓,

好搞笑架! 我地都唔知佢點整出來架!



我同老公絕對無幫手架!



粒粒發現我地影佢





粒粒唔理我地喇!





粒粒已經再瞓番喇!

十下十下





今日同老公係屋企打邊爐, 好耐無試過喇! 好正呢!

今次我地唔係買咗好多野食, 不過都食到勁飽呀!

我仲整咗甜品都唔知食唔食得到呀V_V



今次我地飲咗支係北海道買既桃白酒,

好香桃味, 又唔會太甜, 正呀!



大家睇吓我地食咗什麼東東.



什錦丸及虎蝦





鮑魚及象拔蚌





A5和牛片及A3手切和牛





佐賀和牛粒及黑豚肉





仲有油麥菜無影到! 我地全部食物都食晒, 一D都無剩架!