Saturday, May 29, 2010

栗子包 - 直接法





好耐無動手整包包喇! 

今日突然好手痕, 好想整吖!

於是就立即上網睇吓有咩食譜勒!

我過咗travelcake個blog睇,

一睇就睇啱這個栗子包喇!

因為所有材料我都有齊,

而且我係突然想整,

這個用直接法啱晒我呀!



我全程用KA搓, 好快就搓到薄膜喇!

跟住就用電飯煲作第一次發酵,

接著排氣, 分割, 滾圓, 鬆弛,

包餡, 再作第二次發酵, 

跟住就入爐喇!

整個程序都好緊張呀!

因為太耐無整喇*.* 好驚唔成功, 嘥晒啲食材呀!

好彩樣樣都順順利利, 而且成品都尚算滿意!



WINNIE,多謝你個食譜呀!

我同老公都覺好好味呀!



食譜:-->
栗子包



這是包包在爐中及已出爐的樣子.





栗子包包的內心世界, 好軟綿綿呀^^

Friday, May 28, 2010

SOGO THANKFUL WEEK





又係SOGO THANKFUL WEEK啦!

我又梗係唔會錯過喇! 不過今次唔係買咗好多野咋!

可能就嚟去日本, 係香港無乜購買欲.



雖則話唔買!唔買!

但都差不多日日落SOGO,

最終TOTAL都買咗幾千蚊野,

真係................



我今次好懶, 唔計數, 唔打表喇!

我淨係知今次啲東東都係好平,

我平均都平到6成, 真係好抵.



另外,今次唔係樣樣東東都有影相呀!

大家睇住呢啲喇!











九龍城





九龍城這個地方, 我同老公成日都去食dinner既,

我地一係就食泰國菜, 一係就食清真牛肉館,

今次我地揀咗清真, 兩個人食咗4個餸:

咖哩羊腩, 牛肉餅, 蔥油餅及乾扁四季豆, 唔係好多啫!



佢既咖哩羊腩真係超級好味,食過咁多次都係咁好味,

鐘意食羊既朋友一定要試.

不過"清真"最出名既牛肉餅差咗,

我今次覺得一d都唔好味, 唔知係咪新人整,

真係唔得.

另外兩樣餸都係正常, 好味道的.











食完"清真", 我地就去咗Tony Wong既甜品鋪買甜點,

我地仲係門口見到Tony, 同佢咁耐無見, 梗係傾咗幾句喇!



Saturday, May 22, 2010

12日京阪神及東京近郊之旅2010





仲有差不多一個月既時間, 我就出發去日本喇!

不過今次唔係去北海道喇! 老公話要去吓其他地方先,

唔好次次都去北海道呀!



今次我地揀咗去京阪神及東京近郊,

我對京阪神唔係抱太大希望咋!

因為好多朋友玩完返來都話麻麻地,

而且仲話樣樣食物都唔係太好味,

所以我都係唔好有期望會好d呀!

至於東京近郊應該幾舒服及休閒既.



我最尾果幾日都會stay係東京,

我要去shopping呀!

今次去日本既時間,

啱啱撞正佢地半年一次既大減價,

我諗一定可以買得好開心呢!!!!!



以下就是我今次暫時既行程表:-



Day 1 (6/22) HK  Osaka (住 Hilton Osaka)

Rinku Premium Outlets 及梅田行街, 餃子浪花世界, Sweets Museum.



Day 2 (6/23) Osaka (住 Hilton Osaka)

難波, 心齋橋, 堀江等等地方行街 , 下午再去神戶.



Day 3 (6/24) Osaka –Kyoto (住 Hilton Osaka)

Kyoto – 玩著和服, 遊清水寺, 再去衹園, 有時間去埋宇治



Day 4 (6/25) Osaka (住 Hilton Osaka)

大阪港 - 海遊館 & 天保山market place



Day 5 (6/26) Osaka ->伊豆高原 (住赤沢溫泉鄉)

Teddy Bear Museum, 伊豆シャボテン公園等等



Day 6 (6/27) 伊豆高原 -> 箱根 (住箱根湯本吉池)

海賊船, 元箱根港, 手信街



Day 7 (6/28) 箱根 - > 輕井澤 (住Cottage in Log-Cabin)

雲場池, 白糸之淹, 沢屋



Day 8 (6/29) 輕井澤 (住Cottage in Log-Cabin)

舊三笠酒店, 森之美術館



Day 9 (6/30) 輕井澤 -> 東京(住Hotel Century Southern Tower)

Disney land



Day 10 (7/1) 東京(住Hotel Century Southern Tower)

淺草 - 雷門-[仲見世通], 合羽橋道具街, 百貨公司shopping



Day 11 (7/2) 東京(住Hotel Century Southern Tower)

新宿, 原宿及池袋 Shopping



Day 12 (7/3) 東京 ->HK

新宿及原宿 Shopping

Friday, May 21, 2010

靜雯生日飯@Ruby Tuesday





整餅之友5月之星就係靜雯喇!

我地今次去咗食西餐-Ruby Tuesday

RT我係第一次去咋! 因為以前成日聽朋友講話唔好味,

所以一次都無試過,

但今次壽星女話想去, 而且佢食過話唔差,

咁一定要去食喇!



我覺得食物都幾好味, 不太咸,

係個burger差dd, 唔夠juice,

絕對可以再去既.



今次我整咗個味道比較特別既蛋糕 -

白朱古力開心果吉士蛋糕,

幾位朋友都覺得好味道, 好開心呢!



蛋糕上既生日牌, 有兩個字唔出得街,

果兩個字係我地之間既秘密, 出咗會比人打架!

hahaahahaha



在此再祝靜雯生日快樂, 日日都開心快樂!







芝士煙肉薯條 & 小食拼盤





芝士和牛漢寶包 & 蜜糖燒烤汁豬肋骨

















Tuesday, May 18, 2010

小望生日飯@Habitu





星期日既下午, 我地一班319既好朋友同5月之星小望食生日LUNCH,

我地去咗尖沙咀既HABITU食意大利餐,

這間意菜我地之前已經去過, 食物依然美味,

不過待應既服務態度差咗, 希望可以改善吓喇!!!!!



每次同這朋友食飯真係好開心,

次次都笑到肚痛, 好期待6月之星既聚會呀!



好朋友SOBI, 新髮型 - 我覺得好型呀!







































頭盆





主菜





送禮物儀式



















Sunday, May 16, 2010

King Ludwig Beerhall





今晚同老公去左食德國菜, 這間餐廳, 我同老公都去過好幾次架喇!

不過次次都唔記得帶相機, 所以冇得同大家分享.

不過今次終於有帶喇! wakakakakaka

這間食德國菜既餐廳, 我老公都好鐘意,

無論環境, 氣氛, 食物&服務都非常好,

不過最好係一班朋友去食, 因為佢既分量都幾多架!

今次只係得我地倆口子去食, 簡直飽到癲左呀!

如果大家有興趣都可以試試呀!



King Ludwig Beerhall

地址 :
尖沙咀梳士巴利道港鐵尖東站地面32號鋪

電話 : 2369-8328





今晚我地食咗1.農夫麵包; 2.匈牙利牛尾湯; 3.雜錦腸併盤; 4.德國咸豬手.

我地仲飲咗德國麥啤&荔枝特飲.





這個麵包係我既至愛呀! 

即叫即焗, 熱烘烘的, 配埋雜肉肝醬, 簡直好味到難以形容呀!







這個湯有濃郁既牛尾味, 如果愛吃牛既朋友, 就一定會愛上.





雜錦腸併盤











德國咸豬手, 皮脆肉滑.



結婚一週年





尋日係我同老公結婚一週年既大日子, 

我地尋晚就去咗SOGO 22樓既和三味食日式鐵板燒, 

跟住今日就齊齊請假, 同粒粒珠珠去玩.



其實係茫茫人海中遇到他, 我真係覺得自己好幸運, 

佢係一個好鍚我, 什麼都為我著想既人,

我地o係泰國認識, 跟住返到來香港有keep contact, 再慢慢發展.

我起初都冇諗過會同他拍拖結婚, 但係而家全部都做晒, 緣真係好奇妙!



老公我愛你! 希望我同你一直都相親相愛, 白頭到老,

我希望我地老咗既時候, 都能夠手拖手周圍去喇!