Monday, June 21, 2010

出發Luuuuuuuuuuuuuuuuuuuuuuuu

而家出發去機場喇! 真係十分興奮呀!

唔知今次個旅程有無去北海道咁正呢!



雖然今次係去大阪加東京近郊, 但都十分期待呀!



希望今次既旅程事事順利, 食得開心, 玩得開心!

粒粒珠珠係香港就聽聽話話, 健健康康!



我會keep住update個blog架喇!

大家密切留意呀!

hahahahahaha

Sunday, June 20, 2010

奇菜生日飯@喜來登





今次又係同好朋友食生日飯呀!

我發覺我原來成日都去食生日飯架!

而且差不多餐餐都係好味道的, 哈哈哈哈



今次319之友6月之星係菜菜同奇異果呀!

我地去咗喜來登食buffet, 我係第一次去咋!

估唔到, 這裡樣樣食物都好味道,

尤其是海鮮同甜品, 超讚! 而且Services好好,

可以再去……………………yeah!

這晚個個又係食到超滿足,

而且又係笑到癲咗, 真係勁開心呀!



今次有勁多相呀!

大家慢慢睇喇!





























超美味的食物



















































































































Friday, June 18, 2010

Ada生日飯@Pappamia





整餅之友6月之星又嚟喇!

今個月係Ada生日呀!

我地梗係會同佢食飯慶祝喇!

今次我地去Pappamia食,地點係我揀既,

因為佢地個個都未去過,

我可以帶佢地去試一試.



這餐飯已經係6月頭吃架喇!

不過因為我太忙唔得閒執相,

而家終於都出post喇!



Ada 生日快樂呀!

祝你身體健康! 日日都開心快樂!





我地仲有食橋底辣蟹架!  不過唔記我影相.





這是ESTHER整的綠茶紅豆生日卷蛋.

















Sunday, June 13, 2010

稻庭烏冬@Element





今日一早就去咗整頭髮, 又剪又電, 足足坐咗4個鐘,

不過都仲未整完, 下個星期仲要去多一日做colour,

因為個髮型師唔比我一日整晒兩樣呀!

佢話如果又電又染, 啲頭髮既wave會keep得無咁好.

今次剪到好短呀! 好耐無試過喇!



整完頭髮, 返到屋企不知幾累,

不過我地都係出咗去食dinner,

今次去咗Element既稻庭烏冬,

超級好味道呀!

係呢到食同係日本食既口感係一模一樣架!

而且這裡既烏冬全部都係日本佐藤養助出品,

有品質保證, 入口軟滑彈牙, 超讚!

即使身在日本都未必可以食到的,

因為全日本只係得幾個縣有得賣及食,

所以有興趣既朋友一定要去試試^^



十分多謝毛毛媽既好介紹呀!

我一定會再去呀XDDDDDDDD



餐廳鋪面的四周





我和老公無聊互拍







月見免治雞棒 - 我覺我同係北海道串鳥食既好相似, 個醬汁整得好好味, 正!

牛肉他他刺身 - 新鮮, 好味, 價格合理.







這是老公的冷烏冬配胡麻醬汁, 超讚!








鹽燒雞翼 - 正常味道, 沒有特別.

我的冷烏冬配熱豚肉南蛮汁 - 好特別, 個汁好多日本菇,

仲有半肥瘦既豚肉, 一冷一熱, 好正!







天婦羅炸蝦 - 超級好味道, 係同o係日本食既一模一樣, 炸漿鬆脆,

隻蝦既鮮甜又彈牙, 我好似係日本食緊咁呀!

我平時係香港食天婦羅炸蝦, 我係唔會食d炸漿架>.<

我係會全部"met"晒佢架! 因為好多都唔好味,

但這間就.............係晒我個肚到喇!XDDDDDDD





食完咁好味既一餐, 我地仲去咗G字頭飲"Greentea White Chocolixir"

超滿足呢!