Wednesday, December 29, 2010

珠珠生日 @ 西貢





12月真係又忙, 又開心呀!

我家3位至愛都係12月生日,

仲要分別在頭中尾,

真係成個月都係佢地大晒呀!



依家輪到珠珠誕喇!

12月27日係珠珠生日,

珠珠今年4歲喇!

不過都仲好似一隻baby咁,

勁貪玩, 又愛痴住人.



珠珠誕我地又入咗西貢食飯,

今次去咗Pan Da Café, 佢個環境幾舒服, 幾靚架!

好有歐陸feel 的, 而且食物質數又幾好,

最重要係對我地既小寶貝非常好呀!



這間café係之前MIMI主人介紹我地去架!









佢門口棵樹d花好靚呢!







這是我地的聖誕餐

















珠珠連環圖







粒粒連環圖



Sunday, December 26, 2010

Merry Christmas!!!!!!!!!





Merry Christmas!!!!!!!!!!!

今年平安夜少有地出咗去食飯呀!

以往幾年都係在屋企整野食慶祝的.

今年好另外地出去食, 仲要係去食中餐.

我地去咗灣仔既新肥肥火鍋食小菜.

新肥肥開咗好多年架喇!

佢有好多熟客的.



我地兩個人食咗勁多野呀!

飽到郁唔到呀! Wakakakakaka

我地叫咗枝竹羊腩煲, 水蟹粥, 蒜茸雞翼, 紅燒蟹肉翅,

辣酒煮花螺, 西蘭花炒龍躉球.

個羊腩煲超超超好味呀! 夠酥, 正呀!

另外個龍躉球都勁新鮮, 又係超讚呀!



Wednesday, December 22, 2010

12月之星生日會2010





12之星生日PARTY又來喇!

不經不覺已經搞咗3年喇! 時間真係過得快.

今年我地又係去咗金喜花園BBQ呀!

本來我地係去荃灣一間私房菜食架! 佢係好歡迎小狗架!

不過果間食店突然有內部事故要取消BOOKING,

我地在無辦法之下又再選擇金喜喇!

金喜唔係唔好, 不過年年都去就無乜新意咁!



今次個PARTY我整咗3個蛋糕呀!

3個都係卡通立體蛋糕,

每一個都係佢地鐘意既公仔,

好成功,好滿意呀!

我知三位壽星仔女都好鐘意和好驚喜呀!

我好開心呀!



另外今年個狗蛋糕又係由教主負責,

無論外型和味道都好GOOD GOOD GOOD呀!

教主真係超掂呢!



今次個PARTY又係好開心呢!

我地一定要KEEP住呀!



 

































































Wednesday, December 15, 2010

Happy Birthday to my Hubby





尋日係老公生日吖!!!!!!!!

我地一如以往出去食好味道,

今次壽星仔揀咗去尖東食新式泰國菜

這間泰菜開業只有半年, 我地係睇雜誌介紹的,

連OPENRICE都未有食評呀!



餐廳環境幾好, 有露天座位, 不過尋晚已經有D凍,

我地座咗入面, 另外食物都好有水準, 賣相和味道都好好,

尤其是冬陰公湯好好味, 個湯底整得好好, 係會越飲越想飲的,

其次就係生牛肉沙律, 牛肉新鮮好有牛味, 個醬汁做得好好, 超讚!







尋日好成功地比咗個驚喜老公呀!

就係在餐廳同老公切生日蛋糕勒!

(雖然佢成日都會食蛋糕,

但佢真係好少會正日切生日蛋糕的.)

因為佢係唔知我會買蛋糕,

而且仲會喑地裡拎個蛋糕去餐廳架!

我知佢好開心呢!!!!! YEAHHHH



本來我係打算自己整個的

但基於時間問題, 我真係整唔到,

於是我唯有在出面訂喇!

我仲要在13號先訂………..好彩訂到咋!



我係訂Awfully Chocolate既冧酒車里子朱古力蛋糕,

味道都可以.













Monday, December 13, 2010

Happy Gathering @ 碗屋





星期六晚同咗一大班好朋友去咗中環碗屋食日本放題,

碗屋都有四五年無去過喇!

今次再去我覺得食物水準差咗,

侍應既服務態度都係咁串,

Book位既時間仍然都係咁耐,

我地8位個人, 足足book咗3個月呀!

真係有d誇呀!

我有朋友3個人都要book一個月呀!

果日既Gathering 真係好開心呀!

希望快d又有下一次喇!

















我整咗好靚仔既X’mas Cupcake比大家呀!

希望個個都鐘意喇!















當晚收到毛毛媽既聖誕禮物,

好靚既LC心心呀! 超鐘意呀! 好多謝你呀!











另外係早前亦收到COOL COOL的聖誕禮物,

十分滋潤呢! 好啱用呢! 鍚晒@v@



Friday, December 10, 2010

利小館和五代同糖





星期三同咗幾位好朋去利小館食飯,

在佢未拎到米之蓮一星餐廳既時候,

我地已經決定去架喇!

因為佢真係幾好味的,

有利苑既食物質數,

但就比利苑既價錢平,

所以真係幾抵食架!

係唯獨是侍應既態度麻麻地,

整體來講真係不錯的.



食飽飯後, 我地再去食甜點,

我地去咗早前少年食神介紹既”五代同糖”









這間甜品鋪真係超級一般呀!

松記, 發記, 滿記都好味過佢呀!

佢既招牌雞蛋布丁, 係完全唔掂呀!

又無蛋味, 又無雲呢拿味, 得個甜字,

我地話佢個名應該係”雞蛋殼布丁”至啱呀! 得個樣.

佢唔止雞蛋布丁唔好味, 樣樣都係麻麻地的, 而且仲要好甜.

下次真係唔會再去呀!



Monday, December 06, 2010

粒粒生日@v@





12月2 日係粒粒生日呀!

果晚我地一家四口入咗西貢食日本菜,

粒粒勁開心呀! 好似真係知道自己生日咁…………

不停依依哦哦係到講野, 真係比佢笑死呀!

果晚我地食咗勁多野, 而且樣樣都好好味, 正呀!

































粒粒, 



媽媽係這裡再祝你身體健康, 日日都開心快樂呀!



爸爸媽媽永遠都會鍚晒你架!