Day 2
19/MAR/2011
泰國 – 曼谷 (住BANYAN TREE)
今日在酒店吃早餐,
BANYAN TREE既早餐非常不錯呀!
大部分食物都是好味的, 超滿足呢!
食飽後就出發去SHOPPING喇!
今日我地去行SIAM PARAGON, SIAM CENTRE, MBK等等.
行咗一陣我地就去食雪糕, 味道不錯.
跟住我地又繼續SHOP SHOP SHOP……………………..
行到差不多我地就打算去食LUNCH喇!
我地由伊勢丹走, 打算去水門橋附近食海南雞飯,
點知一出到來就見到好多紅衫軍和警察,
整條馬路都係紅衫軍, 真係有D驚呀!
不過好彩佢地係和平地遊行,
有遊客舉機影相或拍VEIDO,
佢地不但沒有抗拒, 而且還舉出V字手勢, 面帶笑容.
我都有影咗幾張相呀!!! HAHAHAHA
當知道沒有什麼特別後, 我地越過紅衫軍,
去到水門軍那邊, 去吃海南雞飯喇!
這些地道海南雞飯, 我都係第一次食咋!
味道非常好, 尤其是個汁, 超超超超超級好味道呀!
食飽後, 我地返酒店休息咗一陣,
跟住我地又出發去食野喇!
我地去咗食建興炒蟹, 朋友介紹我地去的,
仲指定要去板塔通果間, 因為果間係最好味的.
朋友真係無介紹錯, 這個咖哩炒蟹真係超讚,
個汁可以令人吃多幾碗飯呀!
另外佢地既泰式生蝦都係好好好味的.
D蝦係新鮮的, 唔係急凍架!
個汁係超辣果一種, 勁正呀!
食飽後, 我地行咗一陣就去唐人街喇!
去唐人街要買手信和食翅,
老公帶我去咗一間比較地道的店舖,
這裡的翅材料好豐富呢!
有好多翅和蟹肉, 食極都食唔完呀!
食埋這碗翅, 真係飽到郁唔到喇!
雖則係好飽, 不過我地都照買芒果糯米飯返酒店食,
我地每人仲要食咗一大碟,
我地兩個今日好似生積咁呀!
HAHAHAHAHHA
七年無去過泰國, 今次再去既感覺真係好好呢!
泰國既地方清潔咗好多, 人民企理咗, 市面繁榮咗.
亦都多咗好多人妖呢! HAHAHAHA
Day 1
18/MAR/2011
香港 -> 泰國 – 曼谷 (住BANYAN TREE)
今朝一早搭9:20飛機, 泰國時間11:00就LANDING喇! 好快呢!
我第一次踏足泰國的新機場, 真係好新, 好大, 不過過海關超耐,
我地差不多等咗成個鐘呀! 勁慢呢!
過完海關, 拎埋行李, 我地就搭的士去BANYAN TREE喇!
由機場去位於SALA DAENG BTS站附近的BANYAN TREE,
大約30分鐘就到喇!
一到達BANYAN TREE就已經可以CHECK-IN喇! 估唔到可以咁早上房呢!
今次佢比咗50樓我地, 好高呀!
間房的環境非常不錯, 好大, 好舒服,
而且每日都有不同氣味的香薰, 不同的新鮮生果和小禮物,
非常細心呀!
我地放下行裝後, 老公已經話好肚餓喇!
於是立即去酒店LOBBY的LOUNGE,
吃免費的AFTERNOON TEA,
這個TEA一般喇! 杯咖啡就好好飲,
三文治和蛋糕都係正常味道, 既然是免費,
就沒有太特別的要求了.
醫飽了肚子, 我地就去SIAM PARAGON SHOP SHOP SHOP喇!
不過一去到SIAM PARAGON,
我地第一時間都係去FOOD COURT食多一碗粉先, HAHAHA
這個肉丸粉好好味, 正呀!
行咗一陣, 買咗一陣, 我地就返酒店休息喇!
因為我地BOOK咗6:30去WATER LIBRARY 食法國餐呀!
我地6:00在酒店出發, 計埋塞車15分鐘就到喇!
WATER LIBRARY是一位好朋友介紹我去吃的,
這裡環境十分舒適, 而且裝飾很特別,
我地點了TESTING MENU, 有8道菜,
另外我地又叫咗一杯果汁和一支水,
這裡叫得ATER LIBRARY,
真係有好多水比你揀架! 揀完仲會比你個樽你睇啱唔啱,
好似飲紅酒咁呢! 好特別呀!
這裡既菜色樣樣都好好味, 每一道菜是什麼東東就唔記喇!
但總括來說都係好味既, 而且有一些特別原因,
餐廳又每人送了一杯紅酒比我地, 這杯紅酒都不錯呢!
食完這頓晚餐後, 我地發覺這一餐飲咗好多野呢!
有特色礦泉水, 果汁, 紅酒, 砵酒(和甜品一起吃的)和綠茶,
真係有D誇呀! HAHAHAHA
食完晚餐後, 我地已經好飽喇!
不過我地都再去Thong To既Mae Varee Fruits Shop
買芒果糯米飯返酒店吃,
這間生果店, 好多朋友都話好好好味,
而且仲要食完後唔會吃其他呢!
我地試咗後, 發覺大家真係無介紹錯,
這兒的芒果糯米飯真係超讚呀!!!!!
個糯米飯勁好味呢!
我同老公又好飽咁瞓喇! HAHAHAHAHA
今日出發去泰國旅行lu!!!!
這個trip都好期待呀!
我已經7年無去過泰國喇!
我以前年年都差不多會去一次,
唔知而家果邊會係點呢!!!!!!!!!!
今次既行程十分隨意,
主要係hea hea hea,
真係要離開抖一抖,
出去差差電呢!
當311發生後,
日日心情都不太好呢!
每一日睇見日本既情況,
真的令我十分心痛................
我既LC STONEWARE 蔬果系列已經儲到8成喇!
真係勁開心呀!
好多謝毛毛媽幫我係日本拎咗4隻返來,
如果唔係都無咁快有8成呀!
而家仲欠RED APPLE, PURPLE PEPPER,
GARLIC, PEAR & RESPBERRY就齊喇!
我要努力儲齊佢地呀!
這套蔬果真係好靚呀!
越睇越鐘意呀!
