月餅派對

尋日奉獻咗我嘅第一次, 就係整月餅喇, hehe
尋日我哋一班貓友參加咗由"心心"攪嘅"五餅二娛"活動, 我哋由貓友"Kei師傅"主持大局,教我哋整廣式月餅.
這次活動既開心, 又興奮, 又滿足呀! 開心係因為又可以同一班貓友相聚, 大家傾吓整嘢食嘅樂趣和心得; 興奮係因為當我整月餅嘅時候, 心裏有一種無明嘅興奮心情, 就係原來自己都可以識整月餅架>v<, 至於滿足就係當我整好一個月餅嘅時候, 由模具拍出, 雖然 未焗, 但係已經好有滿足感喇! 另外o係這個整月餅嘅過程, 真係好多謝"Kei師傅"嘅悉心教導, 又有耐性, 同埋有問必答. 其次我亦都要多謝"心心"借出屋企作為月餅工場, 又幫我哋預備咗好多用品. 今次嘅活動好開心呀!

以下就係焗月餅嘅前後喇!






依d係我尋晚o係屋企整嘅冰皮月餅喇! 有綠豆餡及綠茶餡, 好好味呀!

青提子蒟蒻

尋晚整咗青提子蒟蒻, 味道非常之好, 口感亦帶煙un.

香橙雪芳蛋糕

我依排唔知點解特別喜歡整雪芳蛋糕呀!
於是今日就整咗香橙雪芳蛋糕喇!
好香橙味, 好鬆軟呀>v<

食譜如下:
用具 - 8"模具一個

材料
1. 雞蛋 3隻
2. 砂糖 80克
3. 麵粉 100克
4. 植物油 (liquid) 35ml
5. 他他粉 1/4 tsp
6. 發粉 1 tsp
7. 鮮橙汁 60ml
8. 橙皮茸 一個小橙分量


製法
1. 預熱焗爐 大約180 C 度。
2. 先將發粉、麵粉、2/3份量的糖(即50克）撈勻，再篩好，加入植物油、橙汁、橙皮茸, 蛋黃於粉內，用電子打蛋器(或人手打蛋器) 攪至冇粉粒為止，待用。
3. 用一個清潔的盆，不可有任何油份，將蛋白倒入，加入他他粉，用電子打蛋器(或人手打蛋器)打至起泡，加入剩下的 (30克) 糖（分三次加入），打至企身。
4. 將(2)倒在蛋白上，用鏟由底鏟上面，重覆此動作直至蛋黃和蛋白混成一體，看不到蛋白為止.
5. 把麵份糊倒在模中，入焗爐焗55分鐘，焗完後把模子倒轉，待冷卻後脫模便成。

薰衣草雪芳蛋糕

我一向都好鐘意薰衣草嘅味道, 於是就整咗衣個蛋糕喇!
佢有淡淡嘅薰衣草香味, 又有適量嘅雞蛋味, 所以非常好吃.
希望你哋都歡喜喇>v<

食譜如下:

用具 - 8"模具一個

材料
1. 雞蛋 3隻
2. 砂糖 70克
3. 麵粉 100克
4. 植物油 (liquid) 35ml
5. 他他粉 1/4 tsp
6. 發粉 1 tsp
7. 薰衣草 15-25粒
8. 熱水 60ml

製法
1. 先用熱水浸泡薰衣草大約10分鐘, 然後放至和暖, 備用.
2. 預熱焗爐 大約350-360 F 度 (即 180 C 度)。
3. 先將發粉、麵粉、2/3份量的糖(即45克）撈勻，再篩好，加入植物油、薰衣草水、薰衣草,
蛋黃於粉內，用電子打蛋器(或人手打蛋器) 攪至冇粉粒為止，待用。
4. 用一個清潔的盆，不可有任何油份，將蛋白倒入，加入他他粉，用電子打蛋器(或人手打蛋器)
打至起泡，加入剩下的 (25克) 糖（分三次加入），打至企身。
5. 將(3)倒在蛋白上，用鏟由底鏟上面，重覆此動作直至蛋黃和蛋白混成一體，看不到蛋白為止.
6. 把麵份糊倒在(已沾上油份的)模中，入焗爐焗50分鐘，焗完後把模子倒轉，待冷卻後脫模
便成。

星星, 月亮, 心心班蘭蛋糕

依d蛋糕係同埋尋晚整o個d曲奇一次過今日DHL過日本架!
希望佢哋去到日本完整無缺喇!

Double Chocolate Cookie

我今日整咗d朱古力味勁濃嘅曲奇餅呀, 我係整嚟DHL過日本送比我一個好朋友架 希望佢會歡喜喇!

Blueberry Chiffon Cake

早幾日o係sogo買咗幾個silicon模, 於是就整咗依個Blueberry Chiffon Cake.
d silicon 模好抵呀, HK$21 per each. 你哋都去睇吓. 係貝印牌子架!
個味道幾清, 同埋好鬆軟呀.

Soya Chocolate Muffin

依個Muffin好健康, 好好味呀!
我係用豆渣加可可粉整架!
多謝"Yves"嘅食譜>3<

心形班蘭雪芳蛋糕

好開心, 好成功呀!我係第一次整班蘭雪芳蛋糕架!
個蛋糕真係好香, 好軟滑呀!

7月31日 為食貓Party

尋日去咗阿貓嘅party真係好熱鬧, 好開心呀! 阿貓好靚女架!,仲要見到好多jjmm呀!
依d photo就係某d貓友嘅製成品喇>v<
我食咗好多嘢呀!最記得係Yves-Orange Cake & 豆渣藍莓蛋糕, 小檬-提子汁雙 Berry 啫喱,
貓大師- Bailey Cheese Cake(Poon Poon頭), ZANNA - 越式米紙卷, 仲有好多好多架!未能一一盡錄.