日本芝麻雪糕!!!!!!!!!!

{###_alice0209/12/1245010792.jpg_###}

依掛都比較忙碌, 好多時都無時間上網,
有時間的話都去咗玩pet, 我要釣魚呀!
所以儲埋好多Post都未有時間出呀!
淨係掛住玩呀!!!!!!!HAHAHAHA

這個芝麻雪糕係早前整架喇!
係老公特別request要食既, 我梗係唔會Say No喇!

雪糕材料用咗日本芝麻醬, 又用已炒香的芝麻粉,
出來既成品非常好呀!
老公食完大讚好味, 仲話真係好有芝麻味Wor! 好味過出面好多呢!
聽完老公咁講, 真係超滿足呢! WAKAKAKAKAK

Rocky Road @V@

尋日又整咗雪糕, 今次整咗Rocky Road,

這個口味我係超鐘意架!

有朱古力, 有綿花糖, 又有果仁, 好似出奇蛋咗咁, 滿足晒三個願望, hehehehehe.



我一定會再encore!!!!!!!!!!!





以下食譜修改自"我愛冰淇淋"



Rocky Road雪糕



材料:

可可粉 1.5大匙

(A) 砂糖 1大匙

牛奶 180ml

蛋黃 2 隻

(B) 砂糖 45g

56% 朱古力 60g

淡忌廉 120ml

夏威夷果仁(已烘) 太約10粒

綿花糖 適量



做法:

1. 先把已微烘的夏威夷果仁切成小粒, 備用

2. 把可可粉和(A)砂糖混合均勻, 備用.

3. 小鍋入倒入牛奶加熱至快沸騰即可, 備用.

4. 在大盆中放入蛋黃和(B)砂糖, 打發至接近白色的狀態.

5. 將(3)的牛奶小量多次倒進(4)的蛋黃糊裡攪拌均勻.

6. 然後把(5)的混合物倒回煲內, 煮至82度(要一邊煮, 一邊攪拌), 離火. 接著待它降溫至60度, 把朱古力加入, 

攪拌至融化.

7. 取小量(6)加入(2)的可可粉糖裡攪拌均勻, 然後再把剩餘的(6)也加入攪拌均勻, 再以篩網過濾.

8. 然後放在冰水上, 邊攪拌邊使其降溫.

9. 待大至冷卻後加淡忌廉混合均勻, 接著放入雪櫃3至4小時

10. 當雪糕漿完全冷卻後, 在雪櫃取出, 倒入雪糕機攪拌大約10-20分鐘.

11. 雪糕完成後, 把夏威夷果仁小粒及綿花糖加入, 用木刮充分攪拌均勻,接著倒入保存容器內, 

放入冰箱, 雪至凝固, 即成.

超好味道!!!!!!!綠茶雪糕@v@

夏天都未到, 我已經開始整雪糕喇!

這次已經係今年第2次整既雪糕喇!

我係早前已經整咗豆腐雪糕, 好好味呢!



這個綠荼雪糕, 老公好鐘意呢!

有綠荼既微苦, 又有忌廉既順滑濃郁, 超滋味呀!



大家有興趣可以試試, 如果唔想太濃綠茶味, 可自行減綠茶粉.



食譜來自: 我愛冰淇淋



綠茶雪糕



材料:

綠茶粉 3大匙

(A) 砂糖 2大匙

牛奶 150ml

蛋黃 2 隻

(B) 砂糖 70g (我用咗60g)

淡忌廉 150ml

做法:

1. 先把綠茶粉和(A)砂糖混合均勻.

2. 小鍋入倒入牛奶加熱至快沸騰即可, 備用.

3. 在大盆中放入蛋黃和(B)砂糖, 打發至接近白色的狀態.

4. 將(2)的牛奶小量多次倒進(3)的蛋黃糊裡攪拌均勻.

5. 然後把(4)的混合物倒回煲內, 煮至82度(要一邊煮, 一邊攪拌), 離火.

6. 接著取小量(5)加入(1)的綠茶糖裡攪拌均勻, 然後再倒回(5)中, 充分混合均勻.  

7. 放在冰水上降溫, 待大至冷卻後放入雪櫃3至4小時

8. 當雪糕漿完全冷卻後, 在雪櫃取出, 把淡忌廉加入混合均勻.

9. 倒入雪糕機攪拌大約10-20分鐘.

10. 雪糕完成後, 充分攪拌並倒入保存容器內, 放入冰箱, 雪至凝固, 即成.

 

以下就是我早前整既日本豆腐雪糕喇!

好Creamy的北海道紅豆雪糕

又係雪糕呀!!!!!!遲早變大肥婆喇!!Hahahahahahahaha



今次老公提意要食紅豆雪糕, 於是我就整咗北海道紅豆雪糕喇!

這個雪糕好Creamy, 好濃郁紅豆味, 老公好鐘意呀!



食譜來自"我愛冰淇淋"一書





紅豆雪糕



材料:

牛奶 100ml

蛋黃 2 隻

砂糖 55g

顆粒紅豆沙 150g

淡忌廉 150ml



做法:

1. 小鍋入倒入牛奶加熱至快沸騰即可, 備用.

2. 在大盆中放入蛋黃和砂糖, 打發至接近白色的狀態.

3. 將(1)小量多次倒進(2)裡攪拌均勻.

4. 然後把(3)倒回煲內, 煮至82度(要一邊煮, 一邊攪拌), 備用.

5. 把顆粒紅豆沙放入另一大盆中, 再將(4)分成兩次加入混合均勻.

6. 然後放在冰水上降溫, 待大至冷卻後放入雪櫃3至4小時

7. 當雪糕漿完全冷卻後, 在雪櫃取出, 把淡忌廉加入混合均勻.

8. 倒入雪糕機攪拌大約10-20分鐘.

9. 雪糕完成後, 充分攪拌並倒入保存容器內, 放入冰箱, 雪至凝固, 即成.



**顆粒紅豆沙-我是用北海道紅豆煲成.

牛奶 – 我是用上北海道特選3.6牛乳

超FRESH的藍莓乳酪雪糕

又係雪糕呀! 大家係咪覺得好涼快呢!!!!!!

我依排好鐘意整雪糕呀! 簡直中咗毒咁呀!



這個藍莓乳酪雪糕既新鮮又健康,

因為佢全無雞蛋和牛奶,

如果對以上食物敏感的人士, 絕對適合不過呀!

大家有興趣一定要試試.



食譜修改自我愛冰淇淋一書



藍莓優格雪糕



材料:

藍莓(冷凍/新鮮) 200g

原味優格 120ml

砂糖 70g

檸檬汁 1大匙

淡忌廉 120ml



做法:

1. 先把藍莓150g, 檸檬汁和砂糖倒入小鍋中混合均勻, 然後用中火煮至藍莓軟身及杰身, 離火.

2. 接著用叉背或打蛋器把藍莓弄成果茸, 然後放在冰水上降溫,

3. 待大至冷卻後, 把原味優格加入混合均勻, 放入雪櫃3至4小時

4. 當雪糕漿完全冷卻後, 在雪櫃取出, 把淡忌廉加入混合均勻.

5. 倒入雪糕機攪拌大約10-20分鐘.

6. 雪糕完成後, 加入餘下的藍莓充分攪拌均勻, 然後倒入保存容器內, 放入冰箱, 雪至凝固, 即成.