14日東京加北海道之旅2008 - Day 12

Day 12

 

(17/Sep) 住札幌 – JR Tower

圓山動物園 --> Shopping

 

今日一早起身本來打算去旭山動物園架! 不過係GPS Search路線既時候, 就發覺路費非常之貴, 

自己揸車去既車錢油錢, 仲貴過搭JR, 左諗右諗後, 我地就決定放棄, 改去圓山動物園喇!

今次去到圓山動物園, 多咗駱駝同埋柴狼, 駱駝係我第一次見咋, 仲要係雙峰駱駝, 好大隻架! 

至於柴狼, 我地係睇既時候, 就即刻諗起小紅帽卡通片呀! 因為係睇柴狼既地方, 有好大班小朋友係到睇, 

而隻柴狼又好緊張係到行來行去, 好似係到諗緊”我點先出到去食佢地呢?” 個情景好搞笑架!

我地係到遊玩咗兩個幾鐘就走喇! 跟住我地就去咗一個好遠既地方食湯咖哩喇!

這裡既湯咖哩非常好味道, 個湯濃度剛剛好, 肉質又鮮美, 不枉我地行咗半個鐘既時間呀! 

食完我地又去Fruitcake Factory食甜品喇!







嘆完甜品, 我地就去Shopping Shopping Shopping!!!!!!!

今晚既晚餐, 我地又去咗活一鮮到食壽司, 這裡既壽司真係又新鮮又好味, 同東京比, 

簡直無得比呀! 個grade錯好遠呀! 我地差不多食咗20碟, 先HK$300咋! 而且仲食咗6碟超肥美既吞拿魚腩, 

真係好正呀!

食完我地就返酒店喇! 因為我地又要食Cake呀!

 

14日東京加北海道之旅2008 - Day 14

Day 14

 

(19/Sep) 札幌 à HK

 

今日就要返香港喇! 勁唔捨得呀! 不過又勁掛住粒珠Wor! 人真係矛盾喇!.

今朝我地再出去行多一陣, 就出發去機場喇! 去到機場, 我地又去食函館鹽拉麵, 







跟住再Shopping, 就上機返香港lu!!!!!!!

14日東京加北海道之旅2008 - Day 13

Day 13

 

(18/Sep) 住札幌 – JR Tower

Shopping

 

今日無特別節目, 只係一整日都係Shopping, 同埋食美味既東東, 簡直食唔停口呀!

今朝行完街, 我地就去咗一間專食餃子既鋪頭醫肚! 這裡既食品真係非常美味, 

尤其個餃子雞翼, 真係好味到……………, 跟住我地又再買甜品返酒店食, 同埋休息一下.

休息完, 我地又出發Shopping, 同埋約咗一位朋友仔去蟹將軍食全蟹宴, 今次可以三個人食全蟹宴, 

我地食咗勁多東東呀! 真係飽到癲咗呀! 

血拼!!!!!Sogo Thankful Week

半年一度既Sogo Thankful Week又嚟喇! 我這個Sogo人又去血拼一番喇!

今次Thankful Week 比上次買多咗東東, 慳既指數又多咗, 

而且今次既特價品同上次既價錢又差不多, 所以總括來講係比上次抵d既, 

因為物價指數高脹, 好多東東既原價都貴咗, So 真係好抵呀!



我今次就係買咗以下東東喇!



1. Johnsonville Sausage 2包      原價$52.8x2       特價$37.8x2

2. CC Lemon   x 5                        原價$14.5x5          特價$9.9x5

3. 爽健美茶 x 3                             原價$16.8x3       特價$15.12x3

4. 日本名古屋鹽拉麵 2pack       原價$39.9x2       特價$26.8x2

5. 午後紅茶                                   原價$11.5x1       特價$10.35x1

6. 栗子豆沙叮噹燒餅 1 pack      原價$29.8.x1       特價$26.9x1

7. 意大利Olitalia提子核油           原價$78x1       特價$42.5x1

8. 北海道帆立貝 3S                     原價$231x1        特價$208x1

9. 日本骨附腸                               原價$19.9x1       特價$17.9x1

10. Prum Jelly Peach                   原價$13.5x1       特價$12.2x1

11. 日本提子桃汁                          原價$9.9x1         特價$8.9 x 1

12. 王將餃子                                 原價$41x1          特價$29.9x1

13. 日本蛋                                     原價$15.9x2       特價$14.3x2

14. Japan Pumpkin                      原價$42.8x1       特價$29x1

15. 日本素麻油                             原價$21.5x1       特價$19.35x1

16. 巨蜂提子                                 原價$55x1          特價$49.5x1

17. 五茶                                        原價$14.5x1        特價$13.05x1

18. 日本蟹柳                                原價$26.5x2         特價$39.8

19. 讚岐手打烏冬                        原價$28.8x1         特價$20.8x1

20. 綠茶粉                                   原價$69.8x1         特價$62.82x1

21. 廣島oyster                            原價$188x1         特價$97.2x1

22. 日本上白糖                           原價$31.5x1         特價$28.35x1

23. Exspenza Boots                  原價$1775x1         特價$1163x1

24. Heroic Rendezvous T-shirt 原價$395x1         特價$198x1

25. Innotec暖風機                     原價$828x1         特價$598x1





做個統計先, 今次總共用咗HK$2,888, 慳咗HK$1,373,

真係好抵呀!

伴手禮~綠茶磅蛋糕

今朝整咗綠茶磅蛋糕來做伴手禮呀! 

因為今日約咗Winnie(Travel Cake), Yumi & 心心出來聚一聚, 

不過好可惜心心病咗冇出到來呀!

今次既聚會, Winnie同Yumi都有帶佢地既小朋友出來呀! 佢地兩位小朋友都十分可愛, 首先介紹吓小柏言先, 

佢既眼睛又大又亮, 而且成日都笑, 係一個好開心既小朋友, 至於小Beku呢! 佢係有好多不同既表情, 

而且又成日係到講BB話, 好得意架!





小柏言





小Beku





 希望大家都鐘意喇!





最後好多謝Winnie整既Cookies呀! 好好味, 我好鐘意食呀!

係未返到屋企前已經食晒喇! so 冇影到相呀!

Raspberry Chocolate Mousse Cake

尋日咀雕王既舊同學攪大食會, 我就整咗一樣甜品, 一樣咸點, 

甜品係Raspberry Chocolate Mousse Cake, 咸點就係瑞士雞翼.

今次個Cake係一層Raspberry Mousse, 一層Chocolate Mousse, 再加一層朱古力淋面,

做出來既效果好好, 個個都話好好味, 好開心呀!

至於個瑞士雞翼都唔錯呀! 我又係跟大少奶本書既食譜整既,

佢既食譜真係非常得呀!



Mousse Cake 的內心世界







瑞士雞翼

窩心的禮物~*V*~

今日係公司突然收到Catherine 速遞給粒粒的生日禮物,

這份禮物係粒粒第一份既生日禮物呀! 好開心呀!

雖然係早咗小小, 但係就非常之有心, 仲要早得好合時, 

因為Catherine買咗帽連頸巾比粒粒呀!

佢知道粒粒怕凍, 所以就特意早一點送比佢, 

等佢係現時既天氣, 可以暖一暖, 唔駛咁容易著涼呀!



Catherine 真係好多謝你呢!













 

白白的焦糖乳酪蛋糕????

好似好耐冇焗芝士蛋糕喇! 見尋日有時間, 就立即翻翻書本, 睇吓有怎麼東東整喇!

左揀右揀, 於是就揀咗黑川愉子既焦糖乳酪蛋糕, 不過不知什麼原因,

我個焦糖乳酪蛋糕係白雪雪, 一d焦糖既顏色都冇, 我估可能係我煮焦糖既時候,

未到茶褐色就加其他材料, 所以就白白的喇! 好彩味道尚算滿意呀!

食譜來自"小小乳酪蛋糕"一書

焦糖乳酪蛋糕

材料 (12cm 圓型烤模一個)

1. 奶油乳酪 160g

2. 砂糖 30g

3. 雞蛋 1個

4. 蛋黃 1個

5. 鮮奶油 2大匙

6. 低筋麵粉 1又2/3大匙

7. 萊姆酒 1小匙

(焦糖奶油)

1. 砂糖 35g

2. 水  1小匙

3. 熱開水 1大匙

4. 鮮奶油 3大匙

作法.

1. 先做焦糖奶油. 將砂糖和水放進小鍋裡用中火煮, 等到呈現茶褐色後就熄火, 

將熱開水沿著鍋倒入同時攪拌(注意別讓熱開燙傷). 然後加入鮮奶油, 

並用木製刮刀攪拌均勻, 之後移到耐高溫溶器內靜止冷卻.

2. 將奶油乳酪放進碗裡, 用橡皮刮刀攪拌到順滑後, 再加入砂糖, 然後用打蛋器攪拌均勻, 

直到整體呈軟綿狀後, 再依序加入蛋黃, 雞蛋, (1)的焦糖奶油, 鮮奶油, 萊姆酒和

低筋麵粉(灑進去)拌勻, 每加一樣材料, 都必須攪拌均勻, 才可加另外一樣.

3. 倒入烤模裡, 輕輕在桌上敲2-3下讓底部紮實, 再將表面抺平, 然後放進180度烤箱烤15分鐘, 

再轉為170度烤30分鐘, 稍微冷卻後, 可從烤模取出, 雪一晚會更加美味.



蛋糕的全相

14日東京加北海道之旅2008 - Day 11

(16/Sep) 住札幌 – JR Tower

North Safari Sapporo --> 豐坪峽溫泉

今朝食完早餐後, 我地就去一個可以近距離接觸動物既動物園喇! 由札幌去Safari太約都要一個鐘, 

不過我地去到差不多搵咗十五分鐘先知道在那裡呀!

因為我地一宜都係跟GPS既路線行走, 不過當到達既時候竟然係在山的中間, 無論我地怎麼看, 

都唔覺得會有一個動物園在這裡, 係咁既情況下, 我地就決定駛返出大路再看看, 但係大路中, 

我地都唔發現有動物園既指示牌, 係一個好失望既情況下, 我地唯有去豐坪峽溫泉先喇! (因為順路的, 

原本諗住玩七完就去浸, so perfect!!!) 點知當揸咗5分鐘車後, 我地係道路上見到動物園既指示牌, 

於是我地就立即掉頭, 沿住指示牌再入返山, 但係入到去後, 我地都唔發覺那裡有動物園, 

就正當想掉頭之際, 我地見到一位老伯伯, 他向兩位日本人派發單張, 於是我地就駛過去看看, 

一看之下簡直無比既興奮呀! 原來伯伯在派發緊動物園的單張呀! 於是我地取下單張示意進入, 

但在進入動物園停車場既途中, 我地都仲未發現有關動物園既東西, 泊好車後, 我地沿住山路行, 

大約行咗5分鐘, 我地就見到一個類似動物園既入口喇! 當肯定係入口之後, 我地簡直超級興奮呀!

因為係當時既地理環境, 真係唔似有一個動物園在這裡. 



我地入場後, 首先要通過一個爬蟲類館, 然後先可以進入裡面既世界, 一入到去第一眼就見到塘鶴, 

跟住就有南美既海狸(ビーバー), 小袋鼠, 企鵝, 海豹, 貓頭鷹等等. 在這裡每一種動物都可以接觸的, 

我餵咗塘鶴, 小袋鼠, 企鵝同海豹, 真係十分有趣呀! 我地大約玩咗兩個鐘就走喇! 

最可惜就係唔能夠接觸貓頭鷹, 因為佢地既作息時間係上午, 根據動物園既timetable, 

最早都要下午三點先可以叫佢出來, 但係我地玩完既時候先一點, 所以等唔到喇! 希望下次有機會再去喇!

接著我地就去豐坪峽溫泉浸溫泉喇! 豐坪峽溫泉係一個日浸溫泉, 佢係以室外天然溫泉為主,

果到景色好靚架! 不過唔影相, 所以只可以記係腦裡面, 浸吓! 休息吓! 又浸吓! 又休息吓! 

真係人生一大享受呀! 我地大約浸咗三個鐘就走喇!

今晚既晚餐係去食和牛鐵板燒, 又係去上年去過果間, 這間鐵板燒任何東西都冇改變, 無論食物品質, 

味道, 環境樣樣都仍然咁好, 連燒比我地食果個廚師都係同上年同一個人, 真係好good呀!

食完一頓豐富既晚餐, 真係好滿足呀! 不過我地返到酒店仍然繼續食, 

我地又食巨蜂提子, 又一人一件cake, 我同老公實在太鐘意食野喇!Wakakakakaka!!!!

Passion Fruit Cheese Cake

尋晚終於係Citysuper買到mascarpone, 今日可以整咗我想整果個cheese cake喇!

今次個cake有好多第一次, 第一次係屋企做朱古力淋面, 第一次同朱古力調溫做裝飾, 

好彩兩樣都幾成功, 個朱古力淋面仲十分滿意.

今次個食譜係參考自貓網"Psyche"貓友既 raspberry cheese cake.

Passion Fruit Cheese Cake

recipe: (可以做4寸及6寸蛋糕各一個) 



材料:

Mascarpone cheese 500g

淡忌廉 250g 

Passion Fruit果茸 280g 

糖 100g 

魚膠粉 10g

水 50g 



餅底:

oero 60g +牛油 35g (6寸的)

oreo 50g+牛油25g (4寸的)



做法:

1. oreo整碎, 加入溶液拌勻, 放入餅模壓實, 再放入180度焗爐焗10-13分鐘 

(聞到好香的餅乾味就可以了), 放涼備用

2. Passion Fruit果茸, 解凍, 備用

3. mascarpone + 糖打勻, 加入已打起七成的淡忌廉拌勻, 再加入(2)拌勻

4. 加入已開好的魚膠粉溶液, 拌勻, 放入模中, 雪3-4小時, 即成



朱古力淋面的recipe: (食譜來自網友bea)

可可粉 16g

水48g

糖 16g

朱古力 80g

牛油 16g

淡忌廉 60g 



以下方法, 我係跟Psyche整的. 

1. 隔水煮朱古力和淡忌廉至朱古力溶化

2. 可可粉 (先篩一次), 糖, 牛油和水逐次加入, 煮成光滑沒有粒粒的朱古力漿 (必要時可過篩)

3. 放至微涼時可以用來淋在蛋糕上.