都知道我剛剛去完台灣返來,
今次去台灣係因為老公生日, 佢想係外地渡過,
但又攞唔到長假期,
所以我地就揀咗去台灣玩幾日喇!
今次台灣之旅, 主要係食食食, 同買買買,
台灣既東東真係好平, 買得非常好開心, 超級滿足, 好正呢!
首先比d戰利品大家睇睇先, 遊記會盡快出post架喇!
因為我非常忙呀! 無時間打呢!
Thursday, December 17, 2009
台灣次旅-戰利品篇
有睇我facebook既朋友,
都知道我剛剛去完台灣返來,
今次去台灣係因為老公生日, 佢想係外地渡過,
但又攞唔到長假期,
所以我地就揀咗去台灣玩幾日喇!
今次台灣之旅, 主要係食食食, 同買買買,
台灣既東東真係好平, 買得非常好開心, 超級滿足, 好正呢!
首先比d戰利品大家睇睇先, 遊記會盡快出post架喇!
因為我非常忙呀! 無時間打呢!
都知道我剛剛去完台灣返來,
今次去台灣係因為老公生日, 佢想係外地渡過,
但又攞唔到長假期,
所以我地就揀咗去台灣玩幾日喇!
今次台灣之旅, 主要係食食食, 同買買買,
台灣既東東真係好平, 買得非常好開心, 超級滿足, 好正呢!
首先比d戰利品大家睇睇先, 遊記會盡快出post架喇!
因為我非常忙呀! 無時間打呢!
Sunday, November 29, 2009
SOGO 感謝周年慶
SOGO 半年一度既 THANKFULL WEEK啱啱係上個星期日完滿結束喇!
我梗係一如已往地買買買喇!
不過今年買小咗好多東東, 唔係因為貴咗,
係因為啱啱係日本返來無幾耐, 我對好多野都無乜興趣,
所以買小咗.
今年THANKFULL WEEK既價格, 同對上一次差不多, 都係平既.
大家睇吓我買咗d什麼, 又用咗幾多錢喇!
| 貨品 | 原價 | 特價 |
| Johnsonville Sausage 4 包 | $52.8 x 4 | $36.7 x 4 |
| 日本博多豬骨及鹽味拉麵各 1pack | $49.9 x 2 | $30.6 x 2 |
| 栗子豆沙叮噹燒餅 1 pack | $29.8 x 1 | $24.2 x 1 |
| 意大利Olitalia提子核油 2 支 | $78 x 2 | $47.7 x 2 |
| 廣島蠔 | $188 x 1 | $104 x 1 |
| La Chainon濾水機連花灑 | $1688 x 1 | $868 x 1 |
| Temptation背心 | $499 x 1 | $238 x 1 |
| CasaBlanca床上用品 | $1090 x 1 | $648 x 1 |
| Exspenza Shoes | $795 x 1 | $495 x 1 |
| Exspenza Shoes | $499 x 1 | $300 x 1 |
今年total用咗HK$2980.6, 平咗HK$2274.6,
有56折呀! 都好抵呢!
SOGO Thankful Week 2009
SOGO 半年一度既Thankful Week今日係最後一日喇!
又要等半年先有喇~!!!!!!!!!!!!!!!!!!!!!!!
今次既Thankful Week同往年一樣, 我都係不停地買買買!
不過今年就無買Skin Care既東東, 因為我用開果隻品牌,
SOGO無得買, 真係慘呀!!!!!!!!!!!!!!
今次買既物品比起去一次係平d架! 全部物品計起來都有56折,
真係買得好痛快呢!!!!!!!!!!!!!!!!!!!!!!!
首先睇睇我今年買咗d乜東東同埋用咗幾多錢先喇!
| 貨品 | 原價 | 特價 |
| Johnsonville Sausage 4 包 | $52.8 x 4 | $37.8 x 4 |
| CC Lemon x 10 | $14.5 x 10 | $9.9 x 10 |
| 爽健美茶 x 2 | $16.8 x 2 | $15.1 x 2 |
| 五穀茶 x 2 | $15.8 x 2 | $14.2 x 2 |
| 日本博多豬骨及鹽味拉麵各 1pack | $40.5 x 2 | $27.8 x 2 |
| 午後紅茶 x 2 | $14.5 x 2 | $10.8 x 2 |
| 栗子豆沙叮噹燒餅 2 pack | $29.8 x 2 | $24.1 x 2 |
| 意大利Olitalia提子核油 3 支 | $72 x 3 | $46.8 x 3 |
| 北海道帆立貝 3S | $217 x 1 | $195.3 x 1 |
| 讚岐手打烏冬 | $32 x 1 | $17.8 x 1 |
| Japan Pumpkin | $50 x 1 | $28.6 x 1 |
| 綠茶粉 | $69.8 x 1 | $62.8 x 1 |
| 北海道3.6特選牛乳 | $29.5 x 1 | $21.8 x 1 |
| 堅薯片 | $17.5 x 1 | $15.8 x 1 |
| Mizkan純米醋 | $32 x 1 | $28.8 x 1 |
| Dunlop 29”旅行箱 | $1688 x 1 | $688 x 1 |
| Le Creuset 煲 | $1545 x 1 | $618 x 1 |
| Le Creuset 杯 | $388 x 1 | $165 x 1 |
| Glass Lock 400ml x 3 | $42.9 x 3 | $34.3 x 3 |
| Mixing Bowl x 1 | $39 x 1 | $31.2 x 1 |
| Strainer x 1 | $35 x 1 | $28 x 1 |
| 百靈牌耐熱甜品杯 x 4 | $80 x 1 | $56 x 1 |
| Timberland 涼鞋 | $699 x 1 | $489.3 x 1 |
| Betula 涼鞋 | $299 x 1 | $269 x 1 |
| Exspenza Shoes | $595 x 1 | $395 x 1 |
| Heroic Rendezvous T-shirt | $300 x 1 | $158 x 1 |
今次買既東東原價係HK$7050, 而特價後係HK$3950咋!
太約有成56折呀!!!真係好抵呀!
以下就是戰利品既相喇! (個旅行箱無影到)
自從上次買咗個Le Creuset既玫瑰色煲之後, 我就越來越鐘意這個品牌既東東,
係早幾日又去行個圈, 不過今次無買到煲 (因為我鐘意既Colour, 已經無晒喇!)
只係買咗兩個有蓋既小杯, 這兩個杯都好抵呀! 原價HK$388, 特價HK$165,
我好想再買多一對架! 不過老公一定唔批准, so…………………..
你地睇吓!!!!!!!!!!!!!!!係咪好靚呢!!!!!!!!!
Saturday, November 21, 2009
10日北海道賞紅葉之旅2009 Day 9 & Day 10
第九日
23/Oct/2009
札幌 (住CROSS HOTEL)
今日沒有什麼特別行程, 主要係行街同不停地食.
今日既午餐, 我地去咗一間係四年前食過既湯咖哩店鋪,
這裡既湯咖哩係我地食過最好味既一間, 之前幾年一直都搵唔返個地點,
今次有時間, 我地憑記憶慢慢搵, 終於搵到, 勁開心呢! 真係非常好味.
今日五點鐘, 我地就開始晚餐, 我地要食兩餐呢!
第一餐去咗食串鳥, 今次我地無往年食得咁多,
每人食咗10串咋! 因為我地要留肚呢!
串鳥既串燒真係整得好好味, 食咗咁多次,
仍然都想再食, 如果香港有一間就好lu.
食完休息咗兩個鐘, 我地就去食第二餐喇!
我地去咗活一鮮呢! 活一鮮又係我地次次都會幫襯既,
雖然好似悶d, 不過真係好好味, 唔去對唔住自己呢!
食完返酒店再食cake, 今日真係好飽呢!
第十日
24/Oct/2009
札幌 -> 香港
今日要返香港喇! 真係萬般捨不得呢!
我地食完早餐check-out後, 就keep行李係酒店, 跟住再行咗一陣街, 就搭JR去機場喇!
今次去到機場, 無什麼特別要買, 只係要買芝士蛋糕啫! 其他東東係早兩日已經買咗喇!
既然無東東要買, 就去check-in先喇! 當行李過磅既時候,
竟然超重七磅呀! 要比兩萬幾日元呀! 我地梗係唔比喇!
立即無奈地開喼執執執, 最後過磅都過3磅, 要比一萬日元, 真係勁唔抵呀!
今年唔知什麼問題, 過小小都唔得, 我上年過咗好多都唔駛比架! 不過都無辦法喇!
辦理晒登機手續後, 我地就去食拉麵喇! 今次只係老公一個人食.
因為我心情唔好, 食唔落呢!
老公食完函館鹽拉麵之後, 就知道同早幾年食既有什麼不同喇!
就係d麵差咗, 好重鹼水味, 所以無以前咁好味呢!
至於我就食咗個便當, 就上機lu.
Sunday, November 15, 2009
10日北海道賞紅葉之旅2009 Day 8
第八日
22/Oct/2009
札幌 (住CROSS HOTEL)
百合之原公園 ->Rera Outlet
今日天氣好好, 我地吃過酒店既早餐後, 就開車去百合之原公園喇!
這個公園有多個主題庭園和溫室花園, 如果在賞花季節來到這裡,
係可以欣賞到好多不同品種既花卉架!
而且園內特設圍繞花田行駛的賞花列車, 火車慢慢駛過花田,
花香撲鼻, 十分寫意呢!
不過今次來到, 就欣賞唔到太多花喇!
只係欣賞到好靚既紅葉, 同埋好優美既庭園景色.
我地不經不覺係這裡玩咗兩個幾鐘呀!
跟住我地就開車去機場還車喇! 還完車後,
我地就順道去Rera Outlet行街Shopping喇!
一到達Rera後, 就立即去醫肚先喇! 我地去咗食拉麵,
這間拉麵上年已經食過, 今年又再食, 因為佢真係好好味,
一碗麵有香濃既湯底, 三片不同部位的豚肉厚切再加一隻溏心滷水蛋,
食完後會感覺到好滿足, 而且仲可以飽好耐.
食飽後, 我地立即去買買買喇! 行咗個幾鐘, 收穫都幾豐富, 好開心呢!
係Rera行完, 我地就搭shuttle bus返機場,
再係機場買購物一番, 跟住我地就搭JR返札幌喇!
返到札幌, 我地立即返酒店休息一陣, 跟住就去JR TOWER行街食晚飯喇!
今晚我地去咗JR TOWER內既牛角, 這裡係食炭燒肉肉的,
我地係早兩年已經食過, 今年特意安排再食, 因為老公想食,
這裡樣樣食物都好味道, 尤其是個麻油生菜沙律, 真係整得好好味,
係可以食唔停口架! 老公唔食生既菜, 都可以自己食晒一碗, 幾犀利呀!
食飽飽, 我地再行一陣, 跟住就返酒店食甜點喇~
10日北海道賞紅葉之旅2009 Day 7
第七日
21/Oct/2009
札幌 (住CROSS HOTEL)
豐坪埉溫泉 -> North Safari Sapporo
今日天色唔太好, 我地食過早餐後, 就出發去豐坪埉溫泉喇!
由札幌開車到豐坪埉溫泉太約要一個鐘, 我同老公係那裡玩咗半日呀!
浸一陣溫泉, 瞓一陣, 食吓東東, 又再浸一陣, 人生一大樂事也,
豐坪埉溫泉主要係室外露天溫泉, 景色非常優美,
一邊浸溫泉, 一邊欣賞紅葉, 十分寫意呢!
可惜這裡不能拍照, 只可係腦內回憶.
浸完溫泉, 我地就係溫泉餐廳內, 食印度咖哩和蒿麥麵作午餐,
這裡既 印度咖哩和蒿麥麵是非常出名的, 好多人唔浸溫泉,
都會專程嚟食咖哩架! 係食午餐既時候, 又落大雨喇!
原本係出緊太陽架! 而家又落大雨, 天氣真係十分不穩定,
我地食飽後, 發覺雨水開始收細,
便立即去Safari動物園喇! 這個動物園係山的中間,
GPS搜尋不到的, 經過上年的經驗,今年好快就搵到喇!
今次去這個動物園係有目的架!
因為我好想同貓頭鷹影相呀! 係企係肩膀上的.
去到泊好車後, 我地就立即買票入場,
係買票既時候, 我地發覺佢加開咗狐狸館和貓頭鷹館呀!
不過這兩個館就唔係原本既場地,
經查問清楚地點所在後, 就立即步行前往,
一到達門口既時候, 真係超興奮呀! 好多狐狸同貓頭鷹呀!
不過又落大雨喇! 我地只好提著雨傘,
近距離接觸狐狸同貓頭鷹,
我地玩咗一陣就走喇!因為好凍呀!
我同老公隻手都凍到僵咗, 雖然落雨, 但我都好開心呢!
返酒店休息一陣, 我地就出發去食鐵板燒喇!
今次間鐵板燒唔係以往我地去開既, 係睇香港雜誌介紹的,
這裡會用蛋漿畫公仔, 又好鐘意玩火, 食這裡既鐵板燒,
好有視覺享受呢! 另外, 佢地又送禮物, 又影即影即有,
好款待客人呢!至於味道, 都唔錯架!
價錢亦唔太貴, 我地食咗一萬八千日元,
可以一試呢! 不過唔知點解, 我同老公都係鐘意以前果間多d.
食飽後我地就返酒店喇! 返到去又係例行工作, 要食甜品呢!
Subscribe to:
Posts (Atom)