情人節的晚餐

 

今年情人節我地無出街食飯呀!

我地係屋企煎牛排食.

今次係我係屋企第二次煎牛排咋! 因為老公覺得我煎牛排麻麻地,

所以好多時佢都會話唔好, 不過今次我得到阿Cool(佢煎牛排好勁架)既指點,

煎出來既牛排真係好正, 又唔會太生, 又唔會太熟, 完全係我要既medium, 正呀!

多謝你呀!!!!!My Cool Cool....



除咗煎牛排, 我仲焗咗羊架! 今次個羊架係在TASTE買, 好得呀! 好酥, 好正呀!





另外我地仲有買香檳飲, 這支香檳既酒精含量好勁呀!

我飲咗兩杯已經好Wing喇!

情人節快樂!

今日係2月14日情人節喇!

祝大家情人節快樂, 有情人終成眷屬!!!!



尋日係屋企整咗好耐無整過既Melty Kiss 朱古力呀!

這個朱古力真係好易整, 又唔駛調溫, 啱晒我咁lazy呀!

大家時間都可以試試.

Melty Kiss

 

材料:

黑朱古力  200g

牛奶朱古力  200g

淡忌廉 100g

無鹽牛油 35g

橙酒 2湯匙

可可粉  適量

 

做法:

1.      切碎黑朱古力及牛奶朱古力

2.      用熱水把已切碎的朱古力座溶

3.      加入牛油在已溶的朱古力中, 攪至溶化混合

4.      叮暖/座熱水煮暖淡忌廉(微曖就可以), 加入(3)中 拌勻.

5.      加入橙酒拌勻.

6.      倒入已鋪保鮮紙的器皿.

7.      放入雪櫃2小時, 取出後用切成cube狀就可灑上可可粉. 即成.

 

 

** 黑朱古力和牛奶朱古力怎樣配搭都可以, 總之Total要400g



食譜是來自某一位貓友, 唔記是誰人.....Sorry

hApPY bIRthDAy tO ME!!!

今日就係小妹既生日喇! 不過今日無乜特別節目, 

只係今晚會同老公出去食東東, 究竟會去食d咩東東.............

聽日先話比大家知, Wakakakaka

粒珠@西貢獅子會

我地尋日朝帶咗粒粒珠珠去獅子會玩, 佢地玩得好開心呀!

今年粒珠係第之次出街咋!

因為我地係新年都好忙, 都無時間同粒珠出去.

法國傳統小甜點~~Madelines(貝殼蛋糕)

這個貝殼蛋糕是我第一次做的....都頗成功呀!

我是做給泡泡茶和Esther的伴手禮, 希望佢地會愛吃喇!

我係用"創意蛋糕50款"裡面既食譜做. 大家都可以試試.



以下是我的包裝, 大家係咪睇到有粒珠印呢!

這個印章係泡泡茶整比我架! 真係好多謝佢呢!

泡泡茶既手藝真係好好, 好精美呀! 我好鐘意呀!

Madelines食譜



材料及份量:

蛋 2 個

糖 80克

低筋麵粉 100克

泡打粉 2克

溶化無鹽牛油 120克

蜂蜜 30克

高筋麵粉 少許



製法:



1. 蛋用打蛋器打散, 加入糖打至呈濃稠狀。

2. 加入已篩粉的類攪拌勻, 不要有任何粉塊殘留。

3. 趁熱加入溶化牛油拌勻 。

4. 最後加入蜂蜜攪勻。

5. 放入雪櫃冷藏2小時以上，待用。

6. 模內掃上牛油，再掃上高筋麵粉放入雪櫃冷藏。

7. 麵糊加入模內，放入已預熱至攝氏230度的焗爐焗8-10分鐘，待涼脫模完成。

賀年蘿蔔糕@V@

我尋日終於有時間整咗我想整好耐既蘿蔔糕喇!

這個蘿蔔糕, 我係跟阿蘇整既, 製作程序唔太難, 不過係切東東, 切到手軟啫.

至於個味道, 我自己覺得非常不錯呀!

今次個蘿蔔糕咁順利, 咁成功, 真係非常開心呢!

在此再祝大家步步高昇!



食譜: So Far蘇Good過牛年video-整蘿蔔糕

網友團拜日

 



今日我地一大班網友一起到尖沙咀飲茶團拜呀!

我地全部都係由為食貓認識架! 不經不覺已經好幾年喇!

雖然唔係成日見面, 但每一次出來都有說不完的話題, 真係好開心呢!



今次我做咗以上既藍莓牛油蛋糕來做伴手禮, 希望大家都歡喜喇!

另外我就收到泡泡荼同Gloria做伴手禮好開心呢!



這是我和Beku合照, 因為Beku不停地郁, 所以Beku個樣有小許震呢!





這是成日都笑咪咪既柏言喇!







我收到既伴手禮呀! 好精美呢!





以下就是泡泡茶的奶茶Muffin同埋金磚兩粒





以下是Gloria的好鬆脆曲奇







我地飲完茶後, 我同Gloria, Esther一齊去咗行超級城市,

跟住我地三個都買咗新年禮物比自己呀! 真係買得好爽呀!

恭喜發財!!!!!!!!

恭喜發財!  祝大家















以上牛牛揮春是copy from

http://hk.myblog.yahoo.com/jw!aHRWKCeZHxwESzd46dHErs0-/article?mid=28720

會說謊的藍莓牛油蛋糕

今日係年三十喇! 我要忙既東東已經忙完喇! 明天就係大年初一喇! 時間真係過得好快,

在這裡預祝大家牛年行好運, 事事順景.



今次整既藍莓牛油蛋糕, 係以前已經整過架喇!

不過今次就用咗一個係關島買返嚟既模整,

佢係一個八合一既模, 一整就可以整八個好似雪謊蛋糕既Size, 好正架!

我之前想用好耐架喇! 不過個焗爐入唔到,

而家換咗個焗爐之後, 入到e個模, 勁開心呀!







藍莓牛油蛋糕食譜:

(修改自貓友藍藍細雨)

材料：

牛油　　　　　　　　　　　100g

砂糖　　　　　　　　　　　80g

低筋麵粉　　　　　　　　　100g

雞蛋　　　　　　　　　　　2隻

雲呢拿香油　　　　　　　　1/2茶匙

泡打粉　　　　　　　　　　1/3茶匙

藍莓果醬                           2 湯匙 

急凍藍莓　　　　　　　　　適量



做法：

1. 焗爐預熱至180度；長形模內舖牛油紙。

2. 牛油置室溫中放軟，加砂糖打成軟滑忌廉狀。

3. 雞蛋略為打勻後，慢慢分4次加入(2)中攪勻，再加入雲呢拿香油。

4. 麵粉、發粉一同篩好，加入(3)中完全混合，然後再加入藍莓果醬拌勻,

5. 將(4)倒一半入蛋糕模中, 然後放入藍莓, 再把餘下的(4)倒入, 接著再把藍莓放在麵糊上。

6. 以180度焗40分鐘，出爐後離模放涼即成。

賀年曲奇@V@

仲有兩日就過年喇! 時間真係過得好快, 今年臨近過年前都好忙呀!

我係上個星期日先同老公出去辦完年貨, 接著就同屋企大掃除,

整完屋企既什項後, 係早幾日我就不停地整曲奇餅喇!

今年有兩位朋友同我訂購曲奇, 連埋我自己做來送禮既曲奇,

總共整咗差不多700塊呀!



希望訂購既朋友和我既至愛親朋都喜歡這些曲奇喇!

Cream Cheese Chiffon Cake

今次又係戚風蛋糕呀! 不過今次係芝士味, 係第一次整的,

這個戚風既味道有d似日式芝士蛋糕, 好軟綿綿, 非常可口.

如果大家屋企剩餘百幾個g芝士, 唔知用來整什麼的話,

最好就係整這個戚風喇! 啱啱好用埋餘下既芝士, 唔駛浪費食物.



以下食譜係我一位好朋友比我的.



芝士戚風蛋糕



17cm 戚風模

材料:

1. 蛋黃(L) 3個

2. 忌廉芝士 100g - 200g (今次我用咗150g)

3. (A)砂糖 20g

4. 沙拉油 40g

5. 牛奶 100g

6. 低筋麵粉 80g

7. 蛋白(L) 4個

8. (B)砂糖 40g



準備:

1. 低筋麵粉過篩,備用.

2. 預熱焗爐180度.

3. 將忌廉芝士室溫放軟.



做法:

1. 將忌廉芝士和(A)砂糖用電動打蛋器打至軟滑忌廉狀.

2. 然後分２次加入牛奶拌勻, 接著再加入沙拉油拌勻．

3. 然後將蛋黃分３次加入拌勻．

4. 接著把已篩過的低筋麵粉一次過倒入(３)中, 用打蛋器攪拌至光滑柔潤. 備用

5. 在別的鋼盆放入蛋白, 用電動打蛋器打至發泡, 加入一半(B)砂糖 , 繼續攪拌, 

再加入剩餘的(B)砂糖 ,繼續打發, 打至可以拉出尖角後, 蛋白霜完成.

6. 取1/3蛋白霜加入(4)中, 用打蛋器攪拌均勻, 再倒入剩餘的蛋白霜, 輕手地攪拌均勻.

7. 將(6)從稍高一點的位置一口氣倒進模中,

8. 用兩隻手提起模型然後放下輕敲, 讓裡面的空氣釋出, 用180度焗30分鐘即成,

9. 一出爐後, 立即倒扣. 冷卻後, 脫模, 即可

再來柚子戚風*V*

這個戚風蛋糕係在早幾日好凍既時候做既,

我覺得係好凍既時候, 食一些柚子味既食物或者飲一些柚子味既飲品,

整個人都會覺得特別滋潤和溫暖, 唔知大家有冇這樣既感覺呢!



食譜: 柚子戚風蛋糕

三色唧花曲奇@V@

早幾日終於整咗輝Sir既唧花曲奇喇, 真係好易做, 又鬆脆, 又好味呢!

希望收到既朋友仔都會歡喜喇!



我覺得如果有多餘既蛋白做這個曲奇就最好喇! 

因為唔駛浪費食材, 我早前整Cream Brulee既時候,

不知餘下幾多蛋白, 所以做這個cookies就perfect喇!













另外我係送曲奇比泡泡茶既時候, 佢又做咗個提拉米蘇比我呀!

真係十分開心呢! 個提拉米蘇好好味架! 又香, 又滑, 超讚!!!!!!!!





三色唧花曲奇

(食譜參考自 : AM730食譜 by 輝SIR 和 TraVeL CaKe)



原味唧花曲奇

材料

牛油 125g

高筋粉 75g

低筋粉 45g

粟粉 45g

糖粉 50g

蛋白 30g



做法

1. 牛油室温放軟。

2. 高筋粉，低筋粉，粟粉同篩，備用。

3. 牛油攪勻，加入糖粉攪至奶白色，再分次加入蛋白。

4. 加入所有粉類攪勻後，放入唧袋唧花。

5. 以180度焗15-20mins至金黃色 。





朱古力味唧花曲奇

材料

牛油 125g

高筋粉 50g

低筋粉 38g

粟粉 38g

無糖可可粉 30g

糖粉 55g

蛋白 30g



做法

1. 牛油室温放軟。

2. 高筋粉，低筋粉，粟粉及無糖可可粉同篩，備用。

3. 牛油攪勻，加入糖粉攪至奶白色，再分次加入蛋白。

4. 加入所有粉類攪勻後，放入唧袋唧花。

5. 以180度焗15-20mins至金黃色 。





綠茶味唧花曲奇

材料

牛油 125g

高筋粉 72g

低筋粉 42g

粟粉 42g

綠茶粉 9g

糖粉 50g

蛋白 30g



做法

1. 牛油室温放軟。

2. 高筋粉，低筋粉，粟粉及綠茶粉同篩，備用。

3. 牛油攪勻，加入糖粉攪至奶白色，再分次加入蛋白。

4. 加入所有粉類攪勻後，放入唧袋唧花。

5. 以180度焗15-20mins至金黃色 。





備注：

1. 焗好後可繼續把曲奇放在焗爐內，用餘温把曲奇內的多餘水份抽出，曲奇就會更鬆化及存放一點

北海道牛奶布丁

早前見阿Ter整咗多牛奶布丁, 而且佢又講到咁好味,

最重要係似北海道牛奶布丁既味道,

於是我一有時間就立即試試喇!

果然無介紹錯, 真係非常好味道, 連老公都話好似, 讚!



牛奶布丁

(來自"我愛布丁"一書



材料:

魚膠粉 10g

水 2大匙

牛奶 320ml

砂糖 60g

鮮奶油 150ml

雲哩拿油 小許



預備:

將魚膠粉倒入水裡, 泡開備用



作法:

1. 在鍋裡倒入牛奶, 砂糖用小火加熱.

2. 砂糖溶化之後熄火, 加入已泡開的魚膠粉攪拌至溶化.

3. 依序加入鮮奶油, 雲哩拿油混合.

4. 用萬能濾器等過濾.

5. 注入模型, 放進雪櫃冷藏至凝固.

CrEMe BRulEe

早前睇大少奶個Blog, 見到這套Creme Brulee Set, 一睇就好想買喇!

一知道從那裡可以購買之後, 我就第一時間去訂購.



我係早幾日就試咗槍喇! 我整咗美味DIY既Creme Brulee,

口感同味道都非常好, 個焦面呢! 我就燒得唔太靚, 有幾點黑點.

有待練習去改進呀!

這套Set既火槍真係非常唔錯, 火力唔太大, 而且又比較安全.

老公都話放心比我用.

Happy New Year!!!!!!!!!!!!!!!!

新的一年新的開始, 在此祝大家身體健康, 事事順利, 日日開開心心, 快快樂樂.

尋晚除夕夜, 我同老公都無出到去慶祝, 我地只係在屋企整食食.



今日係2009年既第一日, 我就發生咗一件超開心既事情,

事原係今朝同老公去九龍灣大榮華飲茶, 因為一張點心紙而發生既.

我地既對話如下:



我 : 唉! 張紙唔係好多點心咋喎! 不如你背咗去囉!



老公 : 你咪玩喇! 不如你背喇!



我 : 好呀!



老公 : 如果你一個星期內背晒張點心紙, 我送個LV比你............



我 : 好呀! 係咪真既先!



老公 : 真既, 你背晒就得喇!



我 : OK! 絕對無問題! (心想: 今次羸梗喇! 背東東係我既強項呀!)



跟住係飲茶既途中, 我已經背咗12個, 返到屋企我就繼續努力, 

唔駛二個鐘, 我已經背晒整張點心紙喇! 

跟住就係老公面前背墨, 結果係全對呀! Wakakakakakaka



我啱晒老公梗係遵守佢既承諾喇! 今晚我地就立即出去買袋袋喇!

而我就請老公食峰壽司, 今日真係好開心呀!

老公好多謝你呀!



以下就是我背的點心紙喇! 要背得順次序同埋有number架!





這就是我羸咗既LV袋袋喇!

 



以下是今日買比粒粒珠珠的新年禮物

檸檬芝士蛋糕

這款蛋糕係早前整既, 今日終於有時間出post喇!

這個蛋糕我係跟Tony Wong本書做既, 我覺得都好容易整, 而且都幾特別,

因為佢係用Oreo餅來圍邊呢! 至於個味道, 佢係有d似New York Cheese Cake,

不過個口感就鬆一d, 不New York Cheese Cake咁實.



這就是蛋糕的背面喇!