回來喇 !!!!!!!!!!!!!!!!!!

回來喇! 尋日10點幾就返到屋企喇!

今次整個旅程都非常順利, 尤其係第一日,

我地由新千歲機場去函館太約要開270KM既車程,

時間起碼要四個鐘, 但係我地用咗3個鐘就到喇!

老公全程差不多開140, 有時仲會開160, 簡直飛住咁去呀!

不過係好黑既情況下開快車, 真係有D驚架!



今次個TRIP本來打算唔買咁多東東,

因為日元實在太貴喇!

但係唔知點解, 我都可以買到咁多野番來呀!hahahahahaha



我影咗8成既戰利品相, 仲有兩成無影到!

因為有D已經放晒係雪櫃, 有D又唔方便影出來,

大家睇住以下既東東先喇!



新鮮北海道男爵薯,又平, 又抵, 又好味





粒珠的禮物





粒珠的零食





今年買咗一對鞋咋!





我最愛的玻璃廚具, 不過好重呀!





去到日本都買LC............. hahahahahah





skin care & make up





packing, 仲有d烘焙東東架! 不過我無影相喇!





買咗好多襪呢! 日本d襪真係好好著的.





食物

10日北海道賞紅葉之旅即將出發.

仲有4日就出發返鄉下喇! 好開心呢!

今次既行程大至和舊年既差不多, 係改咗某些酒店, 同埋加咗一d新既shopping既地方



Day 1 (15/Oct/2009) 香港 -> 札幌 ->函館 (住夢空館)

這天希望一切順利, 可以八點鐘到達函館



Day 2 (16/Oct/2009) 函館 (住夢空館)

遊覽朝市, 金森倉庫, 東正教堂……..等等既景點



Day 3 (17/Oct/2009) 函館 -> 登別 (住第一淹本館)

浸溫泉, 睇JNB主辦既”鬼花火開催”



Day 4 (18/Oct/2009) 登別 (住第一淹本館)

浸溫泉, 行有珠山, 浸足湯, 去洞爺湖既壯瞥水果村, 摘生果



Day 5 (19/Oct/2009) 登別 -> 小樽 (住宏樂園)

係小樽行街, SHOPPING, 浸溫泉



Day 6 (20/Oct/2009) 小樽 -> 札幌 (住CROSS HOTEL)

在”乙女のきもの “租和服遊覽小樽運河及影相, 去白之戀人.



Day 7 (21/Oct/2009) 札幌 (住CROSS HOTEL)

去豐岼峽浸溫泉, 再過North Safari Sapporo 動物園睇貓頭鷹



Day 8 (22/Oct/2009) 札幌 (住CROSS HOTEL)

百合之原公園, Peitoro製果專門店, Entremets 製果專門店, SHOPPING



Day 9 (23/Oct/2009) 札幌 (住CROSS HOTEL)

羊之展望台, SHOPPING



Day 10 (24/Oct/2009) 札幌 -> 香港

中秋節的大製作(@V@)

仲有兩日就到中秋節喇! 係到提早祝大家中秋節快樂, 人月倆團圓!

今年係粒珠甜點第一年接月餅order, 開始既時候都好緊張架! 好驚無人購買,

不過好彩反應好好, 真係好多謝大家既支持.

我總共整咗超過300粒呀! 日日都係整月餅, 整到個人都呆晒.........

連上網打機都無心機, 真係超累, 但又好開心wor, hehehehehe



以下你月餅既製作過程.



已量好的材料





已包好皮的蛋黃白蓮蓉





已印模的月餅(係最後一盤先記得影相, 所以得幾隻)





包裝好的月餅







多謝收看!!!!!!!!!

血拼 LE CREUSET

自從上次係Sogo買咗LC既產品之後, 一直都想再繼續買,

但奈何真係唔太捨得, 所以次次都得個睇字.............



今次適逢LC開倉, 我又怎能錯過呢!

本來打算係開倉既頭一兩日去既,

但係我實在太忙喇! 完全抽唔到時間去,

好彩係尾二果日能夠去到, 如果唔係真係蝕底喇!



我今次買咗三個煲, 2支膠括, 非常抵, 又非常重呀!

攞到我成隻野咁!









Saucier 21cm 原價 HK$2,400, 現在只需HK$580





Sauce Pan (Iron Handle) 24cm 原價 HK$1,728, 現在只需HK$380





Marmitout Pan 22cm 原價 HK$1,978, 現在只需HK$800

而且2用架!

粒珠郊遊日

今日本來約咗朋友同埋大家既小朋友一齊去沙田彭褔公園跑跑跑架!

點知出發之後, 有一位好朋友來電, 她告訴我新界區行雷閃電, 叫我唔好入去彭褔.

知道新界區突變既天氣後, 我地就唯有轉戰近近地既札山道野公園喇!

我地好好彩, 玩咗個幾鐘都無落雨. 大家都好開心呢!



先來珠珠姐姐條條

















然後就係米奇老鼠粉粉喇!













跟住就係粒粒喇! 佢今日好開心呀!





















以下就是公主珠喇!

















最後就係難得的大合照, 起初影來影去都影唔到架!

因為珠珠實在太唔合作喇!

成日都唔肯企埋一齊, 後來要我同阿貓一齊夾住佢地先影到咋!



這就是珠珠唔合作的模樣







三個小朋友合照







強迫性的大合照呀!

日本芝麻雪糕!!!!!!!!!!

{###_alice0209/12/1245010792.jpg_###}

依掛都比較忙碌, 好多時都無時間上網,
有時間的話都去咗玩pet, 我要釣魚呀!
所以儲埋好多Post都未有時間出呀!
淨係掛住玩呀!!!!!!!HAHAHAHA

這個芝麻雪糕係早前整架喇!
係老公特別request要食既, 我梗係唔會Say No喇!

雪糕材料用咗日本芝麻醬, 又用已炒香的芝麻粉,
出來既成品非常好呀!
老公食完大讚好味, 仲話真係好有芝麻味Wor! 好味過出面好多呢!
聽完老公咁講, 真係超滿足呢! WAKAKAKAKAK

書展2009

我今年本來打算唔去書展架! 但因為有時間, 所以最終都係去咗喇!

今日去書展都好多人呀!勁多人排隊入場, 又熱又辛苦呀!

好彩入到會場唔係好多人咋! 而且今日又無果啲肉蛋o靚模,

我覺得會場既氣份都好好多, 起碼唔會有一大班中年男性係到睇女仔呀!

而且又唔會太迫呢!



以下係入場前既情況, 真係好多人呀!





入場後的情況, 行得都幾舒服









以下就是我既戰利品喇!

今年收穫都幾豐富, 而且價錢都好相怡呀!





行完書展後, 個人好似散晒咁呀!

一個人又唔知食什麼好, 啱啱又係LUNCH時間, 處處都係人,

於是我就去咗MC Cafe飲咗杯焦糖咖啡及食咗件Blueberry Cheese Cake

食完果一刻......好滿足呢!

我將會又返鄉下喇!!!!!!!!!!!!!!!!!!!!!!!!!!!!

今年10月中我又返鄉下喇!

今次已經係第五次喇! 雖然係第五次………..但都萬般期待呢!

好多人問我, 你年年都去北海道…..唔悶咩?

我真係覺得一啲都唔悶架!

北海道有超級美味既食食, 又有美麗如畫既景色,

最重要係喺我心目中有一段非常美好既回憶.

每一次去到北海道, 都會令我想起當初既浪漫又感動既片段,

真係好SWEET呢!



今次既行程同以往差不多,

不過就加插咗一啲新玩意,

個行程遲啲先POST喇!

一號風球下的西貢

今日一早就同咗粒珠入西貢啦!

因為珠珠又要去扮靚靚喇!

今次個一號仔都好大風, 而且仲要潮水脹,

平時係西貢碼頭, 係水平線係唔會見到賣海鮮既船架!

今日潮水脹d船升晒上嚟好特別呀!





頭先同粒粒珠珠影咗d相呀!

珠珠扮完靚.......真係好迷人呀!



先來珠珠





















再來粒粒













兩個唯一一張合照, 叫極都唔肯坐埋一齊.