Alice's Kitchen

Saturday, October 02, 2010

結婚四周年之旅 - 大阪 2010 day 5 & 戰利品篇

Day 5

大阪 -> 香港

今日返香港喇! 時間真係過得好快呀!

今朝整頓所有行李後, 我地就check-out喇!

我地KEEP咗d行李在酒店, 跟住我地就去黑門市場果邊作最後刺,

Shopping完我地就去返道頓屈食午餐,

跟住就返酒店拎行李去機場喇!

咁就玩咗5日喇! 第一次去日本去咁小日子, 真係唔係好慣呀!

下次最小都要8日呀! 會更加開心呀! Hahahahahah

戰利品篇

今次唔係買咗好多東東咋! 主要係食既唯主,

有好已經食咗係影到添! hahahahaha

結婚四周年之旅 - 大阪 2010 day 4

Day 4

7/SEP 湯樂 - > 大阪市內shopping

今日去我既至愛………..浸溫泉喇!

我地太約搭20分鐘地鐵去北加賀屋站, 然後再行10分就到喇!

湯樂是日浸溫泉, 內有很多不同種類既風呂, 而且環境仲十分優美,

我地浸咗個幾鐘, 再休息咗個幾鐘, 跟住就走喇!

浸完溫泉整個人都舒服晒, 真係累氣全消呀!

我地去咗道頓屈一帶行街, 跟住就去食四天王拉麵,

四天王仍然都係好味道的, 讚!!!!

食飽飽, 仍然繼續Shopping Shopping Shopping. 我地去埋難波果邊行,

因為我要去阪神急買我既至愛小食, 牛油多士,

這種多士真係超級好味道,可以吃不停的.

晚餐我地又係去咗手羽大王到食,

因為上次食完已經覺得好好味,

所以今次都要來吃呀!

結婚四周年之旅 - 大阪 2010 day 3

Day 3

6/SEP 大阪天守閣 - > 天神橋 -> 天王寺 -> 神戶

今日一早起床吃過早餐後 , 我地就立即出發去大阪著名地標天守閣喇!

我地搭地鐵去到森之宮站, 然後再看指示, 行咗太約10-15分就到喇!

天守閣係在大阪城公園內, 這座城邑是建於1585年豐臣秀吉的王朝,

但在1665年, 由於雷擊, 天守閣被焚燒殆盡, 直至1931年在市民的熱切期望下,

天守閣才得以重建, 並成為博物館的一部分保存至今天.

這個大阪城公園超大, 我地參觀完天守閣, 由另一條路線走,

係可以行咗去另一個地鐵站, 這兩個站既相距都幾完架!

真係行到勁累呀!

雖然累, 但都係要繼續呀!……………………….

全長2.6km的天神橋筋商店街, 是日本第一長的商店街

只行不看都要45分鐘才會行完, 我地兩個食咗個墨魚燒,

行咗幾丁目就走人喇! 因為真係好長好長,

行完真係什麼地方都唔駛去喇!

行完街後我地就搭JR去天王寺既通天閣食午餐,

好多旅遊書都係話去通天閣係在天王寺站下車行去的.

但事實應該在地鐵的動物園前站下車才正確,

由天王寺站行去通天閣係好好好好遠架!

我係一個列日當空下, 無風, 行咗太約20-25分鐘才到!

去到既時候勁熱呀! 再見到個動物園前站直頭怒火上升呀!

我果刻真係唔明旅遊書點解會話天王寺站……………………………..

去到通天閣周邊商店街, 我地就揀咗去食雞泡魚午餐,

雞泡魚………我同老公都是第一次食, 為怕唔啱口味,

我地叫咗一個和牛定食, 一個雞泡魚定食,

和牛無特別, 一貫的好味道, 雞泡魚係好好味的,

刺身口感幾好, 好爽口, 好特別, 無吃過咁既口感既魚生,

雞泡魚既火鍋, 係勁鮮甜勁好味, 我同老公飲晒d湯呀!

食咗這一頓咁豐富既午餐, 我既心情加體力才回復呀!

食飽飽, 我地就再在商店街走走, 行行吓見到一間懷舊彈珠機店舖,

佢係拉扞式的, 而且佢既賭博成分不大, 贏了只是換零食,

我地梗係入去玩吓喇! 100日元一局, 有25粒彈珠,

我玩咗一陣就無晒彈珠, 但老公十分強勁呀!

不停中, 不停中, 我地總共贏咗100粒彈珠呀!

可以換到一盒大阪手信, 這盒手信價值500日元的.

老公打機真係好犀利, 玩咩都咁勁架!

我地玩完之後, 懷著這個勁興奮既心情去神戶喇!

去到神戶, 我地首先去新長田車站旁的1:1鐵人28像,

這個鐵人28, 高18米, 重50噸, 是耗資一億三千萬日元,

花了半年時間建造而成的.

我地影完相後, 就去埋大丸3樓既懷舊玩具展, 跟住就搭JR去元町,

去元町又係行商店街, 因為我要買杉養蜂蜜, 這個蜂蜜自從係登別買過後,

我而家每一次去日本, 只要佢有分店我都一定會買的. 我好鐘意佢既味道.

行完商店街, 我地就去食晚餐喇!今次我地隨意揀咗一間食神戶牛鐵板燒的.

味道不錯, 可以再試呀!

今日係結婚四周年紀念日呀!

這日行程相當豐富, 我同老公都勁累呀!

不過我地兩個都開心呢!

希望每一年都可以去結婚周年紀念旅行喇^^

結婚四周年之旅 - 大阪 2010 day 2

Day 2

5/SEP 京都 – 銀閣寺, 金閣寺, 宇治

今日一早起身吃過早餐後, 我地就搭JR去京都喇!

去到京都第一時間就去買one day bus pass,

然後我地睇路線圖, 揀一些上次無去過既地方,

我地首先搭100號巴士去銀閣寺,

銀閣寺正式名字叫慈照寺, 卻因為場內的銀閣十分有名,

而被稱為銀閣寺的. 這裡最受歡迎係回遊式庭園,

內有白沙堆”向月台”, 以及向月台前一大片的”銀沙灘”.

這裡既景觀真係十分優美, 如果在秋季來一定更加美好,

可惜今日既天氣實在太熱喇! 在列日當空下遊覽, 真係有點兒辛苦呢!

遊覽完畢後, 我地立即去附近食甜點既店舖休息一吓,

我食咗一個綠茶冰, 老公就要咗一杯芒果冰汁,

我地差不多休息咗半個鐘就起行呀!

休息完畢後, 我地就繼續去下一站喇!

本來打算去下鴨神社的, 但基於大熱喇!

我地都係去一些出名d先, 於是就去咗金閣寺喇!

金閣寺是京都最人氣的寺院, 亦被列為世界文化遺產,

金閣寺閃閃生輝, 真係好壯觀, 好靚呀!

佢既前方鏡湖池, 亦是一處極美的地方吖!

我地四周影相, 行咗一陣就走喇! 因為真係太熱喇!

熱到整個人都無晒心機呢!

遊覽完畢後, 我地就搭巴士返回京都駅食午餐喇!

這個午餐真係唔太好味, 老公直情難食呀!

我地係在伊勢丹內的餐廳吃架! 真係無諗過會咁差的.

食飽後, 我地就搭JR去宇治喇!

由京都去宇治都要30分鐘呀! 宇治是盛產綠茶既地方,

只要步入宇治川, 就會有好多綠茶店舖, 由傳統抺茶, 煎茶,

至綠茶為的蛋糕, 雪糕, 餅乾, 烏冬都應有盡有,

我地不停睇, 不停買, 好滿足呢! 因為我好鐘意綠茶架!

行完宇治川, 本來打算去中村藤吉食甜點的,

但這裡既店舖竟然有二三十人在排隊, 我地梗係唔等喇!

於是我地唯有返京都駅食喇!

點知……….伊勢丹內的中村又係有二三十人在排隊, 真係激死人喇!

時間已經5點幾喇! 都有咁多人食甜點架!

在這樣既情況, 本來打算返回大阪架喇!

但我實在太想食喇! 於是我地搭巴士到衹園, 去咗茶屋到食,

這間店舖已經食過架喇! 水準依然…………………….好好味道呢!

食完這個綠茶芭菲杯, 整個人都開心晒, 超滿足呢!

跟住我地就搭巴士回京都駅再搭JR返大阪心齋橋喇!

返到心齋橋第一件事就係返酒店沖涼呀!

我同老公都覺得整個人好大汗味, 好唔舒服呀!

我地梳洗完畢後, 就再出去食晚餐喇!

今晚我地去咗食串燒, 這是我地隨意揀的,

味道好好, 夠新鮮, 又抵食.

結婚四周年之旅 - 大阪 2010 day 1

Day 1

4/SEP 香港 -> 大阪 - 心齋橋 (住Best Western Hotel Fino Osaka Shinsaibashi)

今朝坐十點鐘機, 下午日本時間兩點半就到關西機場喇!

一到埗處理晒所以過關程序後, 我地就立即搭JR去心齋橋喇!

由關西空港去心齋橋太約都要個幾鐘呀!

今次搭jr既時候, 見到一d香港人好自私既行為, 令到我超燥底呀!

就係有2個香港中女O係日本JR霸四個坐位，

有日本人行埋去想坐，但佢地都無意思拎起D手袋及行李，

繼續傾計, 扮睇唔到.........................

佢地呢d行為真係超自私，超失禮，我不知幾想影佢相呀！

去到心齋橋後, 我地立即到酒店CHECK-IN,

擺好行李後, 我地就去搵食喇!

今次我地去咗食烏冬,

這間烏冬超超超超級好味道呀!

我地點咗一客牛肉沾烏冬

和天婦羅烏冬set,

烏冬軟滑,煙韌, 牛肉濃湯又夠鮮味,

兩者一併食, 超讚呀!

另外天婦羅烏冬set做得好好,

天婦羅香脆可口, 熱烏冬軟滑爽口,

一d都唔會粉口, 真係好好味呀!