第二日
16/Oct/2009
函館
函館朝市 -> 元町教堂 -->舊函館區公會堂 -->東正教堂 -->五稜郭公園(住夢空館)
今朝一早起床, 我地首先就向朝市進發, 去到朝市我地就立即去吃早餐喇!
今日既早餐就係魚生飯喇! 我地去返上年食過既店鋪, 每人一碗魚生飯,
果然味道依舊, 美味非常, 超讚呀! 連老公都食晒成碗飯呀!
(因為佢不嬲朝早都唔係食太多東東架!)
食完東東後, 我地就四圍逛喇! 行到一半, 見到我既至愛-海膽呀! 我梗係立即買來食喇!
上兩次係朝市, 因為唔係食海膽既日子, 完全不見影蹤, 今次見到如果唔食,
就真係蝕抵喇!
這裡既新鮮海膽真係好味到無野講呀! 入口清甜, 有淡淡既海水味,
超級好味呀! 食完個人都開心晒.
食完海謄, 我地見到有”函館奶”賣, 於是又買來飲,
函館出產既牛奶, 味道香濃, 唔會稀, 又無酥味, 係老公既至愛.
係朝市行完, 我地就去元町教堂果帶影相喇!
這裡已經來過好幾次, 所以都係一如已往, 四周影影相, 跟住去食杯雪糕, 超正呀!
影完相, 我地一上車就落雨喇! 真係好好彩呢!
跟住 我地就去五稜郭公園, 去到五稜郭公園就啱啱停雨, 不過天色仍然好暗, 我地唔理喇!
既然嚟到一定要出去影幾張相的, 不過係影相既途中, 突然打了幾個大雷.
於是我地就立即快快走入五稜郭公園塔內, 入到去不消五分鐘, 就落大雨喇!
我地真係幸運呢! 如果係戶外, 有遮都無呀!
我地係塔內, 又飲咗兩支奶, 不過這兩支係咖啡味, 老公覺得比較”流”,
但我就覺得一樣咁好味.
行咗一陣, 買一些手信, 見無咁大雨, 我地就過咗隔離食拉麵喇!
這間拉麵館-函館麵廚房, 本來老公超鐘意架! 但今次食完之後,
總覺得有些不同, 但又唔知有什麼唔同咗, 有些失望呢!
不過老公話係機場一定要再食多一次, 咁就知有咩唔同喇!
食完, 我地就返民宿休息一陣, 因為仲落緊雨呀! 我地hea咗個幾鐘先停雨!
一見無雨, 我地就立即去金森倉庫行街shopping, 同埋食甜品喇!
係金森倉庫內有Pastry Sanffle’s既店鋪, 這裡既芭菲杯同蛋糕好好味架!
我每一次嚟到, 都一定要食架!
買完, 食完, 開心完, 我地就返民宿食晚餐喇!
這頓晚餐係民宿男主人主理的, 經這頓晚餐, 我發現民宿既男主人好細心呢!
因為這晚只得我同老公兩個客人, 而佢每樣餸都係做到細細SIZE, 有多種款式,
有些餸既作法亦比較複雜, 只係得我他兩個人食, 佢又炸, 又炒, 又焗, 又炆…………
我真係非常不好意思呀!
所以我地把完部食物都食晒, 唔好晒咗民宿男主人既心意, 我同老公食到勁飽呀!
第一日
15/Oct/2009
香港 -> 新千歲 ->函館 (住夢空館)
今年4點鐘就去到北海道喇!比之前快咗好多呀! 我地落機後, 就立即去攞車,
然後就要出發去函館喇!
我地四點半開車, 車上既GSP顯示由新千歲去到函館要270km, 而需要既時間係5個鐘,
我地一睇到之後, 個心即刻沈一沈, 兩人二話不說, 從速前進喇!
我地由天光開到天黑,
老公一直開住140, 有時更會開到160, 係既漆黑一片, 又唔熟識既環境開快車,
個心真係有d驚, 但又唔可以開得太慢”side”自己既時間, 好彩係一切順利下,
我地用咗3個鐘就去到夢空館喇!
一到達夢空館後, 我地就立即辦理check-in手續, 跟住就火速去醫肚喇!
我地去咗金森倉庫附近, 隨意入咗一間食肆食日式料理,
我同老公每人都叫咗一個魚生飯, 又叫鹽燒手羽先, 又叫巨蜂jelly,
吃一口後, 我已經大叫好味, 老公都話好正呢!
函館既魚生簡直一流呀!
食完我地就係金森倉庫, 西波子場影相,
影完就返民宿喇!
回來喇! 尋日10點幾就返到屋企喇!
今次整個旅程都非常順利, 尤其係第一日,
我地由新千歲機場去函館太約要開270KM既車程,
時間起碼要四個鐘, 但係我地用咗3個鐘就到喇!
老公全程差不多開140, 有時仲會開160, 簡直飛住咁去呀!
不過係好黑既情況下開快車, 真係有D驚架!
今次個TRIP本來打算唔買咁多東東,
因為日元實在太貴喇!
但係唔知點解, 我都可以買到咁多野番來呀!hahahahahaha
我影咗8成既戰利品相, 仲有兩成無影到!
因為有D已經放晒係雪櫃, 有D又唔方便影出來,
大家睇住以下既東東先喇!
新鮮北海道男爵薯,又平, 又抵, 又好味
粒珠的禮物
粒珠的零食
今年買咗一對鞋咋!
我最愛的玻璃廚具, 不過好重呀!
去到日本都買LC............. hahahahahah
skin care & make up
packing, 仲有d烘焙東東架! 不過我無影相喇!
買咗好多襪呢! 日本d襪真係好好著的.
食物
仲有4日就出發返鄉下喇! 好開心呢!
今次既行程大至和舊年既差不多, 係改咗某些酒店, 同埋加咗一d新既shopping既地方
Day 1 (15/Oct/2009) 香港 -> 札幌 ->函館 (住夢空館)
這天希望一切順利, 可以八點鐘到達函館
Day 2 (16/Oct/2009) 函館 (住夢空館)
遊覽朝市, 金森倉庫, 東正教堂……..等等既景點
Day 3 (17/Oct/2009) 函館 -> 登別 (住第一淹本館)
浸溫泉, 睇JNB主辦既”鬼花火開催”
Day 4 (18/Oct/2009) 登別 (住第一淹本館)
浸溫泉, 行有珠山, 浸足湯, 去洞爺湖既壯瞥水果村, 摘生果
Day 5 (19/Oct/2009) 登別 -> 小樽 (住宏樂園)
係小樽行街, SHOPPING, 浸溫泉
Day 6 (20/Oct/2009) 小樽 -> 札幌 (住CROSS HOTEL)
在”乙女のきもの “租和服遊覽小樽運河及影相, 去白之戀人.
Day 7 (21/Oct/2009) 札幌 (住CROSS HOTEL)
去豐岼峽浸溫泉, 再過North Safari Sapporo 動物園睇貓頭鷹
Day 8 (22/Oct/2009) 札幌 (住CROSS HOTEL)
百合之原公園, Peitoro製果專門店, Entremets 製果專門店, SHOPPING
Day 9 (23/Oct/2009) 札幌 (住CROSS HOTEL)
羊之展望台, SHOPPING
Day 10 (24/Oct/2009) 札幌 -> 香港
自從上次係Sogo買咗LC既產品之後, 一直都想再繼續買,
但奈何真係唔太捨得, 所以次次都得個睇字.............
今次適逢LC開倉, 我又怎能錯過呢!
本來打算係開倉既頭一兩日去既,
但係我實在太忙喇! 完全抽唔到時間去,
好彩係尾二果日能夠去到, 如果唔係真係蝕底喇!
我今次買咗三個煲, 2支膠括, 非常抵, 又非常重呀!
攞到我成隻野咁!
Saucier 21cm 原價 HK$2,400, 現在只需HK$580
Sauce Pan (Iron Handle) 24cm 原價 HK$1,728, 現在只需HK$380
Marmitout Pan 22cm 原價 HK$1,978, 現在只需HK$800
而且2用架!
