Alice's Kitchen

劉德華Wonderful 演唱會 2007

尋睌同我既好朋友去咗睇劉華演唱會呀!

等咗三年終於有得睇喇! 我朋友幫我攞到第五行既飛.

好前好正呀! 握手既時候, 我仲捉住佢隻手唔放! wakakakakaka

今次既演唱會:

一個字嚟形容"正"呀!

二個字嚟形容"好勁"

三個字嚟形容"唔夠喉"

四個字嚟形容"要睇多場"

D相影得麻麻, 我用傻瓜機真係慘,

早知重d都攞大舊飯喇!

e個係我坐既位望出去

全場爆滿, 坐無虛席, 你地睇幾多營光棒

升到好高架! 勁恐怖!

早前參加咗明報舉辦"讀者教室之男人廚房"既烹飪課程,

其實本來我係參加跟名廚學甜品架!

不過佢full晒喇!所以就去咗"男人廚房"跟Ricky Cheung(張錦祥)學整法國菜!

果日除咗我之外, 仲有一位智趣相投既Blog友Mariana一齊跟Ricky學整法國菜!

由於明報尚未刊登這篇稿, 所以果日烹煮既詳情情況要遲小小先可以同大家報導.

在此要首先要多謝"Cherry"既介紹, 等我有機會可以跟名廚整法國菜.

另外就要多謝記者-Simon及攝影師-阿安.

Merry Christmas!!!!

大家好!聖誕快樂呀!

今年聖誕節係香港渡過,

我覺得冇乜氣氛呀!

我同老公都冇去街口, 費事同人迫.

只係夜晚o係屋企打邊爐咋!

齊齊學蛋糕之八杯檸檬茶

尋晚約咗一幾個朋友仔!(Ter, Winnie & 泡泡茶)去學蛋糕, 我地又係去跟輝Sir學,

不過今次學既八杯檸檬茶都幾難呀!

又朱古力茶杯到檸檬茶慕絲都係自己一手去做, 個朱古力茶杯好難甩模架,

我起初個個都甩唔到幾驚呀!好彩去到last minute都甩到咋! 如果唔係就................

果晚我仲收到好多禮物呀!多謝晒你地呀!(Ter, Winnie & 泡泡茶)

大家飲杯茶law!!!!!!

剛剛回到家的模樣

大家送給我的

聖誕快樂!!!!!

聖誕快樂!!!!!

祝大家聖誕節開心快樂!

就嚟又到新一年喇! 祝大家身體健康, 事事順利!

這個聖誕朱古力屋蛋糕係o係輝Sir到學架!

個蛋糕好好玩, 唔太難, 而且成間屋都食得架!

個底層係黑森林朱古力蛋糕, 唔太甜, 都幾好味!

今次個蛋糕好滿意呀! 雖然都有一定既瑕疵

但係我自己覺得好靚呀!

啱啱整好既古古力屋

好可愛既Strawberry Snowman

未裝飾既黑森林蛋糕!

返到屋企既模樣

蒙羅麗莎

昨晚和一位朋友仔去咗輝Sir到學蛋糕, 今次學既蛋糕叫蒙羅麗莎,

其實佢係紅桑子加車厘子Mousse Cake,

中間有紅桑子,車厘子啫哩夾心再有個蛋糕圍邊.

今次個cake唔係好難, 味道酸酸甜甜, 用嚟做飯後甜品一流,

不過我整得唔太好呀! 個蛋糕圍邊整得好差呀!

希望下次係屋企可以整得好D喇!

輝Sir的製成品

本人的劣品

齊齊學蛋糕^^

昨晚相約咗幾位貓友一齊去學蛋糕,

我哋一行六人有Yves, Yumi,. ter, QQlam & 泡泡茶

今次學既蛋糕係Double Layer Oreo Chocolate Cheese Cake,

個蛋糕唔係好難整咋,

不過朵朱古力絲帶花就真係要多多練習,

先可以整得靚d, 我覺得自己今次都係整得麻麻地咋^.^

昨晚我哋整得好開心呀! 有説有笑, 希望遲d再有下一次喇!

特別多謝QQLam既糯米滋, 好好味呀!

裝飾前

朱古力絲帶花

蛋糕的內心世界

菊花芝士蛋糕

尋日又跟Tony Wong學蛋糕, 今次學既係菊花芝士蛋糕,

e個蛋糕真係勁複雜, 勁多步驟, 由兩點鐘整到六點鐘,

真係人都癲呀! 好彩個製成品都好靚, 好滿意,

大家唔好誤會呀!上面幅相個cake唔係我整架! 係Tony整架!

下面果個先係我整既.

這個蛋糕既味道好特別, 唔係人人都鐘意, 我自己就覺得幾好喇!

我有個同事就話好似食緊菊花茶蛋糕呀!

蛋糕圍邊

齊齊學蛋糕

尋晚又同一班貓友&朋友一齊去輝Sir到學蛋糕.

今次有YUMI, QQ & QQ'S FRIEND, GLORIA, TIGER WONG,

我同埋兩個朋友MUN & BETTY.

今次學既蛋糕都好好玩, 主要係整個用朱古力膠做既玫瑰花,同埋嘖朱古力獎,

今次個蛋糕叫做"GRAND MARNIER DOME 金萬利拔蘭地半圓球"

個味道係有小小酒味既, 我覺得幾好味, 而且個樣都好靚仔呀!

不過尋晚返到屋企個蛋糕面既朱古力裂咗, 激死....................

依個朱古力膠玫瑰花, 我整咗半個鐘呀! 不過都幾滿意^^

嘖朱古力之前, 係白雪雪架!

啱啱嘖完既模樣, 幾靚仔, 冇裂架!