Day 7
(28/Jun) 箱根->輕井澤 (住Cottage in Log-Cabin)
今朝BOOK咗8:00點食早餐, 係在房吃的傳統日式早餐,
這頓早餐好似懷石料理 有好多款細細碟,
而且仲要樣樣都十分美味, 又好啱我口味, 超讚呀!
我覺得好味過晚餐好多呀!
食完早餐後, 我地再去浸多一次溫泉,
再係庭園影咗幾張相就CHECK－out喇！我地今日出發去輕井澤喇！
由箱根去輕井澤，大約有２７８ＫＭ呀！
仲遠過由札幌去函館呀！我地差不多開咗４個鐘車先到呀！
我地係開車既途中，不停吃小食，有時間又停一停休息站先唔覺辛苦咋！
我地一到達輕井澤範圍，就立即搵地方醫肚喇！
我地去咗食蕎麥麵呀！這間食店既食物質數非常好，
我地兩人分別叫咗天婦羅蕎麥麵和大盛天婦羅蕎麥麵，
兩者都做得好好，尤其是個婦羅炸漿，佢同一般食店有小許分別，
就係佢無用太多麵包糠，但又炸得特別脆口，又不油膩，好正呀！
食飽後，我地就去咗食店對面既ＳＡＷＡＹＡ ＪＡＭ，
這間ＪＡＭ店係輕井澤好出名的, 佢係採用新鮮水果來製作的,
出來的果醬大獲好評, 而且有多種口味選擇, 正常來說應該十分吸引,
但我什麼都沒有購買，我覺得北海道既ＪＡＭ吸引Ｄ呀！
行完ＪＡＭ鋪，跟住我地就開車到輕井澤銀座行喇！
輕井澤銀座係輕井澤最多店舖集中既地方, 你想買什麼手信都可以買到,
應有盡有, 我地行咗一陣，買咗小小東東,
跟住我地就去咗位於銀座的沢森之美術館參觀，
這裡有好多３Ｄ畫，我地玩咗好耐，影咗好多相呀！
去完美術館，我地再行咗一陣銀座，就開車去雲場池參觀,
雲場池景色極度優美, 加上清澈見底的池, 美得如詩如畫,
是到輕井澤不可錯過的景點.
去完雲場池返民宿喇！
今晚我地係住獨立木屋民宿呀! 這裡環境優美，
非常有渡假feel , 而且房間作簡潔的歐陸佈置,
十分舒適，民宿負責人又非常友善，超級滿意呀！
我地ＣＨＥＣＫ－ＩＮ，放好行李後, 就去輕井澤OUTLET行喇!
輕井澤OUTLET店舖唔係好多, 但好多都好特色,
我地買咗小小東東就返民宿食晚餐喇!
今日的晚餐係民宿預備的, 我地揀咗食牛肉燒,
這裡既牛肉係選用日本各地的頂級貨式,
我地只要把牛肉燒至7成熟, 不需加入任何調味,
已經十分美味, 入口即溶, 超讚呀!
Day 6
(27/Jun) 伊豆高原 ->箱根 (住湯本吉池)
今日起床後, 食咗一個十分豐富既早餐,
跟住我地再去浸多一次溫泉就CHECK-OUT喇!
我地今日去會箱根呀! 由伊豆高原去箱根有78KM,
開車太約個半鐘就到喇!
不過今次架駛既道路好特別,
佢都係IC(高速公路)嚟既, 不過係要沿住山路嚟行,
越行越高, 直情行到山頂呀!
我地仲要喺雲層中開車, 左右兩邊都係白濛濛的,
只望到其他山既頂山和雲,其他什麼都沒有呀!
個感覺真係好特別. 但係又有D驚WOR,
因為真係一片白濛濛的, 係吹得散既,
唔係霧嚟架! 好彩我地前面有車行駛,
先無咁驚咋! 不過行行吓前面架車都變得好濛,
好似好遠咁, 但其實我地唔係相距好遠架咋!
我地係山頂開咗好耐車呀! 好似一直都撓住D山嚟行,
一直都喺好高既環境, 我地都有小小擔心會唔會行錯路呢!
但用GPS應該唔會錯的, 開咗成個鐘山頂路,
終於見到條路係落山喇! 我地去到山腰既時候,
仲有耳鳴添呀! 落山用咗半個鐘咋! 我地就見到箱根駅喇!
去到箱根就立即泊好架車先喇, 跟住我地去好出名既湯本手信街行,
我地邊行邊買邊食, 行到差不多午饍時間,
發覺有一間食店勁多日本人排隊, 於是我地又排埋一份喇!
這間食店專食蒿麥麵的, 我地等咗15分鐘就有位喇!
我地分別揀咗天婦羅冷蒿麥麵和鴨肉熱湯蒿麥麵,
天婦羅果個正常, 係日本人出品通常都係好味道既,
而鴨肉熱湯係超級好味道, 佢既湯底有好香濃既鴨肉味,
而且一D都唔肥膩, 配埋口感彈牙的蒿麥麵, 超讚呀!
食完午餐, 我地再行咗一陣就去酒店先喇!
今日都係住溫泉酒店, 我地去到酒店立即CHECK-IN先,
不過未夠鐘, 我地唔可以上房住,
於是我地就係大堂坐咗一陣, 時間一到達兩點鐘,
酒店就有人員帶我地上房喇! 我地今日係住和室啦! YEAH
我地上房放好晒所有行李後, 又出動喇!
我地又出去食野, 我地去咗酒店附近既一間豆腐老店,
食醬油豆腐花和杏仁豆腐花, 兩者都有香濃豆味,
口感細滑, 十分美味!
剛剛才食完豆腐花,
但我地又見到一間食傳統甜點既店舖,
我地兩個二話不說又入去坐底食甜點喇! 真係食不停呀!
我地叫咗綠茶戚風蛋糕SET 和傳統紅豆甜湯SET,
綠茶戚風蛋糕好好味道, 係用宇治綠茶整的,
配埋香滑既忌廉和北海道紅豆蓉, 超正呀!
而個紅豆甜湯, 香濃可口, 仲有日本年糕在內,
更添風味. 兩款甜點都好出色呀!
食完甜頭, 我地就再去手信街行,
行行吓, 我地又見到一間賣夜干既店舖,
佢既門前係有免費燒魚食, 於是我又燒埋一份,
又係到食魚喇!
食完魚, 我地就返酒店浸溫泉喇!
浸完溫泉, 又未到食飯時間, 我地又食小食喇!
我地食咗人間極品年糕呀!
只有在箱根出售既湯もち, 已經有50年歷史架喇!
猶如凝粉既白色粉糰, 一口咬口, 有著淡淡的柚子味,
口感軟綿, 而且內裡有粒粒羊羹,
沒有一般和菓子的甜膩, 真係超讚呀!
食完小食, 我地瞓咗一陣, 就食晚餐喇!
這裡既晚餐都係懷石料理, 款式都幾多,
但唔係樣樣都好好味, 有一兩樣我仲食唔到要吐出來,
真係又有D失望, 好掛住北海道溫泉酒店既晚餐呀!
食完晚餐後, 我地又去浸喇!
這間酒店既溫泉都幾好喇! 而且佢有一個特別之處,
就係有家庭式浴場,
我地可以自己係一間有晒所以設施既獨立風呂室內浸溫泉, 都幾好架!
今日真係食足全日呀!
我地浸完溫泉仲食咗包薯片先瞓覺呀! HAHAHAHA
Day 5
(26/Jun) 大阪 ->伊豆高原 (住赤沢溫泉鄉)
今朝吃過早餐後, 我地就搭JR去新大阪再轉新幹線去伊豆既熱海喇!
搭新幹線由新大阪去熱海都要3個幾鐘呀!
而且仲好貴呀! 一個人都要萬幾YEN,
新幹線唔止車速快, 外貌靚仔, 佢既車箱內在都十分整潔和舒服,
不過我地兩個都無瞓覺, 邊睇風景, 邊吃小食, 時間好快就過喇!
我地11點15分就到熱海喇! 一到達熱海,
我地細看四周環境後, 就立即去租車公司喇!
今次係租車公司搞咗好耐,
整咗成半個鐘就可以攞車, 佢地做野真係好鬼快既啫..............................
一攞到車後, 我地就立即去伊豆高原既TEDDY BEAR MUSEUM喇!
由熱海去TEDDY BEAR MUSEUM要78KM, 我地揸咗個幾鐘先到呀!
今日真係坐咗成半日車呀! 一去到MESEUM附近,
我地就立即搵食先喇! 我地隨意入咗一間食咖哩既食店,
這間食店係食特色咖哩飯, 我地分別揀咗白咖哩雞和咖哩牛肉飯,
兩個飯都好好味, 不過我覺得白咖哩好味D,
CREAMY得來有香咖哩味和奶味, 而且仲要係辣架! 真係好有特色.
食完飯後, 我地就去MUSEUM喇!
MESUEM真係有好多BEAR，展示咗超過一千隻呀！
而且好多都好華麗, 好高貴, 每一隻都好有歷史價值呢!
另外有D印有TEDDY BEAR既餐具,真係靚到不得了呀!
最可惜佢只是供參觀, 不然我一定據為己有呀! HAHAHAHA
另外館內除咗有Teddy Bear外，仲有宮崎駿既龍貓展，真係超靚呀！
行完MUSEUM, 我地再係附近既雜貨店行咗一陣, 跟住我地就返酒店喇!
今日我地係住溫泉酒店呀! 一去到CHECK-IN後,
我地就立即換衫去浸泉喇!
今次我地係住洋室, 唔係以往既和室,
因為呢到既和室實在太貴喇! 我地覺得好唔值呢!
雖則係洋室, 但都好大好寛敞, 仲有無敵大海景, 好靚呢!
至於個溫泉, 都幾好, 個VIEW幾靚,
不過我都係LIKE北海道多D,
浸完溫泉, 我地瞓咗一陣, 就去食晚餐喇!
今次個晚餐因為唔係住和室, 所以無得係房食,
我地要去餐廳食, 今次都係食懷石料理, 但我有D失望,
佢既食物唔係唔好食, 服務唔係唔好, 但以佢收咁既價錢
(雖則我係住洋室, 但都唔平架!)
食呢D質數既食物, 真係超唔抵, 超貴呀!
我地食完飯, 休息咗一陣, 就再去浸溫泉喇!
這是浸完溫泉後食既甜點呀!
