Alice's Kitchen

Friday, July 22, 2011

書展2011

一年一度既書展已經開始咗喇!

大家去咗未呀????

我年年都有去架! 今年亦唔例外………………………………….

我尋日一早就去喇! 10點鐘已經去到書展門口等入場,

今年在書展買早場門票,HK$10 好抵.

如果在其他商鋪要HK$25, 不過HK$10門票只限在12前入場.

尋日一早去真係好好, 無乜人, 可以慢慢睇, 慢慢揀,

我覺得今年既書好似比上年多咗折扣,

我買咗好多本都係用咗六百幾咋!!!!

真係抵……………………………….

通道上真係無人的.....

我的收獲

Monday, July 11, 2011

JW Marroitt

星期六同咗幾位好朋去吃TEA BUFFET,

我地去咗JW MORRIOTT既LOUNGE,

呢個TEA BUFFET真係好抵,

可以由一點食到六點, 都係HK$285再加一,

食物質素幾好, 都有好多款式選擇,

唯一美中不足就係唔夠冷氣,

我一路吃一路要印汗呀!

如果可以再涼少少就好喇!!!!!!!!!!!!!!!!!!!!!!!

以下這位是雪糕掌門人呀!

他是我好朋友的老公,

佢一個人吃了8杯雪糕呀!

超勁呀!!!!!!!

嗰日仲收到毛毛媽送比粒粒珠珠既手信呀!

你睇佢地幾靚…………………………………..

好多謝你呀!!!!!

Sunday, June 26, 2011

火鍋

熱辣辣打邊爐.......是也是也!!!!!

昨晚同老公去咗尖沙咀ISquare打邊邊,

佢o係23樓的,不倒翁中日料理火鍋店,

我地都係第一次去咋!

店舖環境十分舒適,服務態度好好,

食物係又新鮮又美味.....超正呀!

我地叫咗個二人套餐,

有魚生, 手切肥牛，黑豚肉，水餃，黑栢葉，

海蝦, 花膠筒及墨魚滑,

仲飲了一支細清酒及一酌甘蔗水，真係飽到癲咗呀!

埋單要$1,3xx, 雖然係有少少貴, 不過真係好好味,

我地會再去呢!!!!hahaha

有好多食物選擇架!!!!

清酒, 套餐包的,味道可以.

手切肥牛勁靚,超好味的.

招牌水餃又係勁好味, 有差不多5隻蝦呀!

Tuesday, June 14, 2011

糖花

{###_alice0209/11/1508590917.jpg_###}

以上是我做的第一朵糖玫瑰花呀!

我剛剛在昨天上了第一堂結婚蛋糕課程,

這是老師第一堂教做的玫瑰花,

我自己都幾滿意,

不過真係要多多練習,

才可以整得更加似.

整一朵糖玫瑰花所需的時間真係好長,

不過整完又真係好有滿足感,

一見到朵花, 整個人都開心晒.

我仲要整多好幾朵..........真的要加油呀!

好期待下個星期的課堂呀!

Thursday, June 02, 2011

自製梅酒 (I)

今日係梅酒第一次加糖喇!

不經不覺已經浸了五個星期喇!

我分別浸了冰糖,黑糖及蜜糖,

唔知那一種最好飲呢!

一加了糖, 所有梅了都浮起了,

好可愛呢!!!

進展(驚的請不要看)

今日係隻手指受傷後的第十六日喇!

康復進展良好,

不過仍然唔可以經常濕水,

只可以每天用蒸餾水沖洗一次及風乾.

而家做任何事都仍然十分不便,

好多東東都係單手做,好不憤呀!!!

以下係我現在手指的情況,

不停地脫皮中, 好恐怖呢!

有位好朋友話好似芝士腸,

我真係比她笑屎死,

不過佢又真係形容的好好,

仲要係脆皮嗰隻呀! 哈哈

以下照片會令大家做成不安,

敬請原諒!

這是第十二天的

這是第十四天的

Wednesday, May 25, 2011

傷口(驚的請不要看)

剛剛過去的星期一已經拆咗線喇!

拆線的感覺唔太痛,

不過就好麻痺, 好唔舒服的.

今日係拆線的第二天,

我的手指可以抖抖氣喇!

不過仍然都係未可以濕水呢!

剛剛拆開繃帶和紗布既時候,

好似好耐無見過自己隻手指呀!

再睇埋個傷口...........真係好肉酸和恐怖呀!!!!!!!!!!

原來真係好深呢!!!!!!!!!!!!!!!!!!!!!!!!!!!!!!

以下相片會令大家造成不安呢!

敬請原諒!!!

Thursday, May 19, 2011

受傷v.v

我在剛剛過去的星期日受傷了…………………………………..

我給一把餐刀介傷了右手的手指公,

入了急診室, 縫了3針呀!!!!!

事原係我執餐櫃,

發覺有把餐刀不太清潔,

於是就拿去清洗一下,

點知一洗就出事喇………………

只不過係一把好普通的餐刀,

我都估唔到會咁利,

一介就介得深, 流了好多血,

不過好彩無傷及筋.

如果唔係仲麻煩呀!!!!!

我而家什麼都做唔到,

原來整到手指公，

整隻手都用不到力,

用mouse勁慢, 打字慢,

日常生活勁不方便呀!

下星一就拆線喇!

希望快些好返喇!

這件事教訓自己，

以後也不可以輕視所有刀類，

小小的餐刀可介得那麼深，

我而家見到都有d驚。

我就是給以下的餐刀介到的.

大家洗刀時都要小心呀!!!!!

Friday, May 06, 2011

超高興呢!

今日超級開心呀!

我去LC專門店揀咗HK$1400東東,

完全不用比錢呢!

這個感覺超級爽呀! Hahahaha

點解我可以不用比錢就拎野走????

咪就係因為我已經儲滿張印仔卡囉!

我真係好多謝我既好朋友比單我儲印呀!

LC係HK$500一個印花的,

儲滿20個就可以換HK$1400現金禮卷,

不過這種現金禮卷要一換就要立即使用,

不可以帶走的.

如果得一個人儲, 我諗真係需要一d時間,

不過好彩我有好多鍚我既朋友,

我用咗大約4個月就印滿喇!

以下就係我所換既東東喇!

本來打算換個大煲架!

不過個售貨員同我講,

開倉既時候d煲平好多,

佢叫我換其他東東會著數一些,

這樣既服務態度真係好好呀!

我換完野, 佢仲蓋多3個印比我,

佢話LC比現金禮卷我買野都計的,

真係超good呀! hahahahah

這是LC煲磁石貼, 係送架!

又靚又可愛呀!

以下已經是一套喇!

Monday, May 02, 2011

Happy Gathering @ 流浮山

復活節的第二天,

我地一早就帶粒珠入西貢沖涼,

晚上我地就相約了好朋友去流浮山食海鮮呢!

今次去既食店同上次去既一樣,

海景海鮮酒家,

這裡既食物又新鮮又好味, 價格又平,

而且仲要無乜味精, 真係超讚呀!

我地六個人叫咗9個餸呀!

食完海鮮, 我地齊齊去咗元朗食乏后甜點

乏后甜點-招牌楊枝金露,

好多材料, 好新鮮,估唔到咁好味呀!

Monday, April 25, 2011

快遊大澳

復活節假的第一天, 快遊大澳呢!

本來今日打算帶埋粒粒珠珠去架!

不過天文台預告有雷暴,

粒珠都係留在家中會好d喇!

我一早送完貨, 就返家同老公會合,

我地渣車到屯門, 然後再在屯門搭船入大澳

(老公話呢個方法係最快的).

我地入到去第一件事係去買花膠呀!

我差不多年年都會去入一次貨的,

有一間係買開, 又平又靚, 最緊要係唔會呃我呀! 哈哈!

買完重要既東東 , 跟住就不停地食食食喇!

我地喺大澳逗留咗個半鐘, 就差不多食足咁耐呀!

我地食咗茶果, 豆腐花, 魚蛋, 燒賣, 砵仔糕, 桂花糕及燒魷魚.

買完食完, 我地就走喇!

返去既時候, 仍然係好好天氣,

我覺得今日比天文台呃咗……………………………………………………………

小部分戰利品

Thursday, April 21, 2011

自製梅酒

浸梅酒

呢段時間好多人浸梅酒呀!

我都要追上潮流, 浸埋一份先, HAHAHA.

青梅只會在清明節後才有得售賣,

但都係賣幾個星期架咋!

要浸快D喇! 就快無得賣架喇!

我搵咗好多地方都買唔到,

好彩有好朋友幫我買咋!

浸梅酒, 有人用中國米酒, 日本清酒

或日本燒酒,

我今次係用日本燒酒,

我自己覺得用日本燒酒浸係最好飲呢!

以下這個食譜, 係我既好朋友講比我知,

如果大家想COPY, 請列明出處, THANKSSS!

青梅酒

材料:

日本燒酒25度至30度: 1份

冰糖: 0.7份

青梅1份

製法:

1. 先把青梅浸洗淨吹乾，用幼針挑去蒂部，再用牙簽把梅身剌出很多小孔，讓酒容易滲入果肉。

2. 玻璃瓶要清洗乾淨, 再風乾,不能有水。

3. 把青梅放入玻璃瓶加入燒酒, 把蓋封好, 先浸六個星期.

4. 已浸六個星期後, 立即加入一半份量的冰糖, 再浸大約五個星期.

5. 已浸五個星期後, 再加埋餘下的冰糖.

6. 全程浸約九個月就可飲用.

**

1. 把蓋密封放陰涼處，梅酒會慢慢成琥珀色的.

2. 冰糖在六個月內加齊.

3. 可以用冰糖、蜂蜜，切不可用白砂糖。

4. 酒可用中國的雙蒸, 三蒸及日本清酒都可以

以下就係我在城市超級買的酒喇!

Monday, April 11, 2011

4月9日毛毛生日派對@沙田麗豪意廊

4月9日係粒粒珠珠既好朋友毛毛生日呀!

我係呢到要再講多次毛毛生日快樂呀!

祝你日日都開心快樂, 健健康康!!!!!!!

承蒙毛媽既邀請, 我地參加了毛毛既生日派對,

果日我同粒粒珠珠扮到靚靚去附會.

另外我仲整咗個三文魚薯蓉芝士狗蛋糕送給毛毛呀!

好彩毛毛好鐘意個蛋糕啫! hahahahaha

我地5點幾就去到沙田麗豪放底個蛋糕,

跟住就同粒珠去城門河會合毛毛及其他朋友仔喇!

我地要同小朋友散吓步呢!