Le Creuset Clearance Sale 2011.

LC剛剛開倉完畢喇!

今次既開倉真係滿載而歸呀!

而且同埋一班好朋友去買, 真係超級開心的.

我除咗頭兩日無去到, 足足去了四日.

日日都大包小包咁搬返屋企,

真係攰過返工呀! 哈哈!



今次買咗好多stoneware既物品,

我希望可以打造一個全LC物品的廚房呀!



大家睇吓係咪好靚呢!

除咗靚.......都好好用架!



第三日

今次有我至愛既cassis色, 沙律bowl及焗盆.

後面兩個大jar好抵呢!









有小碟, salt pig-我會用來放蒜頭和薑, creamy 色小焗杯及胡椒粉及鹽樽.









兩大湯碗和四小飯碗.

完部都係珍珠底綠色, 好靚呢!









超靚煲墊和後面的湯杯









第五日 - 買的, 有紫色杯, 小小焗盅及再補飯碗







第六日

有紫色煲墊超超超靚呀!

心心杯及心心碟又係勁鐘意.

仲有品味啡四方焗盆,好grand的.







最後一日

橙色心心杯,襯黃色碟,

兩個品味啡細杯,再加兩碟.













32cm OVAL - YELLOW DIJON,

第一次有咁大個呀! 好正呢!



這個32cm是3位好好好朋友送給我的,

真係好多謝你地(Chingman Leung, Esther Yungr& Ada Law), 

好好好靚, 好好好鐘意呀!









買完luuuuuuuuuuu!

灣仔囍宴私房菜.

期待已久的”囍.宴”私房菜尋晚終於食咗喇!

結果係好味, 好味, 好好好味,

唔係淨止我同老公覺得架!

而係全部朋友都好鐘意呢!

我地尋晚好好彩,

猛車邊吃到特別為中秋而設的Menu, 非常滿足呢!

這裡除了食物好有水準外,

jacky 都十分好人,

我地本來是8位好朋友一齊去架!

不過喺尋日突然有兩位好朋友有好緊要既事來不到吃!

起初我地一心都諗住無得改人數架喇!

因為私房菜係唔可以的, 最多大家吃多一些喇!

不過我一通知jacky, 佢就已經說無問題, 可以幫我地改.

真係麻煩晒呀!

另外佢仲好慷慨地請我地飲梅酒呀!

酸酸甜甜好好味, 有朋友話真係好”梅”呀! Haha



以下是Jacky浸的佳釀







松茸菌香煎帶子皇

炭燒豬肉乾鮮蝦柚子沙律

芥末橙影牛肉







黑松露脆皮燒雞

雲上東坡醉千層

秘製楊桃雪葩

魚花似玉







千絲萬縷菌王豆腐羹

金鈎龍鬚菜

囍宴私房黃金湯圓

五週年喇!!!!!!!!!

不經不覺結婚五週年喇!!!!!!!!!

不過今年竟然在9月5日才記得,

因為我實在太忙喇! 腦內只有月餅月餅和月餅.

真係什麼都唔記得喇!

差不多年年都會有得慶祝旅行,

今年會在12月才去呢!!!!!

至於晚飯就延遲到今日呢!



今年我地去咗和三味食日式鐡板燒,

呢間食過好幾次架喇!

好味, 好好味的.

食物質素仍然好有水準,

服務態度都好好.

好開心, 好滿足的一餐.

麵包(@V@)

一係唔整包, 整開就連續3個星期都有整.

而家貼出來既包包已經係早幾個星期既製品嚟架喇!

第一幅係十七小時合桃無花果包,

這款包不嬲都鐘意食, 自己整都係第一次,

成品尚算滿意, 不過仍然要努力呀!

下次再整要掌握得好一些呢!



第二幅係直接法的全麥山形吐司

本來唔係整全麥的,

不過屋企唔夠筋粉,

所以就加咗全麥粉去整,

點知出來既效果非常好,

好鬆軟, 好香麥味,

放咗3日都好好味呀!



第三幅, 一睇就知係咩包喇!

這個粟米包, 又係用直接法做,

今次一口氣做了12個做了一個試驗,

就係放了6個入冰箱, 其他就放室溫,

放入冰箱的放了5日再焗熱來吃,

完全沒有問題, 仍然都係咁好吃,

放室溫的, 放2日都仍然可以.

藍精靈, 十分勁!!!!!

早幾日同老公去睇咗藍精靈3D電影,

估唔到咁好睇, 佢宣傳既時候, 一直都無諗住睇的,

因為由從前熟識的2D, 變為陌生的3D,

個個藍精靈都變了立體板, 感覺真係有些古怪.

不過聽咗電台既影評後, 就好想去睇睇喇!



這套電影真係充滿童年回憶,

每一位角色都十分熟識,

每首樂曲都是耳熟能詳,

真係睇得十分投入呀!

而且這套藍精靈真係十分好笑,

真係好耐無試過有套戲,

可以令我笑到肚痛同埋流眼淚喇!



大家有興趣真係要去睇呀!!!!!!

書展2011

一年一度既書展已經開始咗喇!

大家去咗未呀????



我年年都有去架! 今年亦唔例外………………………………….

我尋日一早就去喇! 10點鐘已經去到書展門口等入場,

今年在書展買早場門票,HK$10 好抵.

如果在其他商鋪要HK$25, 不過HK$10門票只限在12前入場.



尋日一早去真係好好, 無乜人, 可以慢慢睇, 慢慢揀,

我覺得今年既書好似比上年多咗折扣,

我買咗好多本都係用咗六百幾咋!!!!

真係抵……………………………….



通道上真係無人的.....





我的收獲

JW Marroitt

星期六同咗幾位好朋去吃TEA BUFFET,

我地去咗JW MORRIOTT既LOUNGE,

呢個TEA BUFFET真係好抵,

可以由一點食到六點, 都係HK$285再加一,

食物質素幾好, 都有好多款式選擇,

唯一美中不足就係唔夠冷氣,

我一路吃一路要印汗呀!

如果可以再涼少少就好喇!!!!!!!!!!!!!!!!!!!!!!!

















以下這位是雪糕掌門人呀!

他是我好朋友的老公,

佢一個人吃了8杯雪糕呀!

超勁呀!!!!!!!









嗰日仲收到毛毛媽送比粒粒珠珠既手信呀!

你睇佢地幾靚…………………………………..

好多謝你呀!!!!!

火鍋

熱辣辣打邊爐.......是也是也!!!!!

昨晚同老公去咗尖沙咀ISquare打邊邊,

佢o係23樓的,不倒翁中日料理火鍋店,

我地都係第一次去咋!

店舖環境十分舒適,服務態度好好,

食物係又新鮮又美味.....超正呀!



我地叫咗個二人套餐,

有魚生, 手切肥牛，黑豚肉，水餃，黑栢葉，

海蝦, 花膠筒及墨魚滑,

仲飲了一支細清酒及一酌甘蔗水，真係飽到癲咗呀!

埋單要$1,3xx, 雖然係有少少貴, 不過真係好好味,

我地會再去呢!!!!hahaha



有好多食物選擇架!!!!





清酒, 套餐包的,味道可以.





手切肥牛勁靚,超好味的.







招牌水餃又係勁好味, 有差不多5隻蝦呀!

糖花

{###_alice0209/11/1508590917.jpg_###}



以上是我做的第一朵糖玫瑰花呀!

我剛剛在昨天上了第一堂結婚蛋糕課程,

這是老師第一堂教做的玫瑰花,

我自己都幾滿意,

不過真係要多多練習,

才可以整得更加似.



整一朵糖玫瑰花所需的時間真係好長,

不過整完又真係好有滿足感,

一見到朵花, 整個人都開心晒.

我仲要整多好幾朵..........真的要加油呀!



好期待下個星期的課堂呀!

自製梅酒 (I)

今日係梅酒第一次加糖喇!

不經不覺已經浸了五個星期喇!

我分別浸了冰糖,黑糖及蜜糖,

唔知那一種最好飲呢!



一加了糖, 所有梅了都浮起了,

好可愛呢!!!

進展(驚的請不要看)

今日係隻手指受傷後的第十六日喇!

康復進展良好,

不過仍然唔可以經常濕水,

只可以每天用蒸餾水沖洗一次及風乾.



而家做任何事都仍然十分不便,

好多東東都係單手做,好不憤呀!!!



以下係我現在手指的情況,

不停地脫皮中, 好恐怖呢!

有位好朋友話好似芝士腸,

我真係比她笑屎死,

不過佢又真係形容的好好,

仲要係脆皮嗰隻呀! 哈哈



以下照片會令大家做成不安,

敬請原諒!













這是第十二天的







這是第十四天的

傷口(驚的請不要看)

剛剛過去的星期一已經拆咗線喇!

拆線的感覺唔太痛,

不過就好麻痺, 好唔舒服的.



今日係拆線的第二天,

我的手指可以抖抖氣喇!

不過仍然都係未可以濕水呢!



剛剛拆開繃帶和紗布既時候,

好似好耐無見過自己隻手指呀!

再睇埋個傷口...........真係好肉酸和恐怖呀!!!!!!!!!!

原來真係好深呢!!!!!!!!!!!!!!!!!!!!!!!!!!!!!!















以下相片會令大家造成不安呢!

敬請原諒!!!

受傷v.v

我在剛剛過去的星期日受傷了…………………………………..

我給一把餐刀介傷了右手的手指公,

入了急診室, 縫了3針呀!!!!!



事原係我執餐櫃,

發覺有把餐刀不太清潔,

於是就拿去清洗一下,

點知一洗就出事喇………………

只不過係一把好普通的餐刀,

我都估唔到會咁利,

一介就介得深, 流了好多血,

不過好彩無傷及筋.

如果唔係仲麻煩呀!!!!!



我而家什麼都做唔到,

原來整到手指公，

整隻手都用不到力,

用mouse勁慢, 打字慢,

日常生活勁不方便呀!



下星一就拆線喇!

希望快些好返喇!



這件事教訓自己，

以後也不可以輕視所有刀類，

小小的餐刀可介得那麼深，

我而家見到都有d驚。





我就是給以下的餐刀介到的.

大家洗刀時都要小心呀!!!!!

超高興呢!

今日超級開心呀!

我去LC專門店揀咗HK$1400東東,

完全不用比錢呢!

這個感覺超級爽呀! Hahahaha



點解我可以不用比錢就拎野走????

咪就係因為我已經儲滿張印仔卡囉!

我真係好多謝我既好朋友比單我儲印呀!



LC係HK$500一個印花的,

儲滿20個就可以換HK$1400現金禮卷,

不過這種現金禮卷要一換就要立即使用,

不可以帶走的.

如果得一個人儲, 我諗真係需要一d時間,

不過好彩我有好多鍚我既朋友,

我用咗大約4個月就印滿喇!



以下就係我所換既東東喇!

本來打算換個大煲架!

不過個售貨員同我講,

開倉既時候d煲平好多,

佢叫我換其他東東會著數一些,

這樣既服務態度真係好好呀!

我換完野, 佢仲蓋多3個印比我,

佢話LC比現金禮卷我買野都計的,

真係超good呀! hahahahah





















這是LC煲磁石貼, 係送架!

又靚又可愛呀!

以下已經是一套喇!

Happy Gathering @ 流浮山

復活節的第二天,

我地一早就帶粒珠入西貢沖涼,

晚上我地就相約了好朋友去流浮山食海鮮呢!

今次去既食店同上次去既一樣,

海景海鮮酒家,

這裡既食物又新鮮又好味, 價格又平,

而且仲要無乜味精, 真係超讚呀!

我地六個人叫咗9個餸呀!









食完海鮮, 我地齊齊去咗元朗食乏后甜點

乏后甜點-招牌楊枝金露,

好多材料, 好新鮮,估唔到咁好味呀!