鮑魚雞湯(^V^)

我今朝由7點鐘就開始煲依個湯喇! 足足煲咗11個鐘

如果唔係我老公鐘意飲, 我都唔會咁神心呀!

雖然個湯真係好好味....但係就好晒時間law.





鮑魚雞湯

材料

青邊鮑魚                              一隻

鮮雞／竹絲雞                       一隻

瘦肉                                      約１０元

響螺*                                    一至兩隻（需睇大少而定）

花膠*（如大隻需先發透）  一至數隻（需睇大少而定）

海蔘*（已發透）                 一隻

薑                                          數片

煲法

1.     先將鮑魚／響螺解凍後，清除內臟及用牙刷清洗（無需出水）

2.     雞需清除內臟（無需去皮及出水）

3.     瘦肉及花膠分開出水

4.     用大火煲滾水後將薑、瘦肉及雞放入滾至雞剛熟，將雞取出後去皮及拆肉（雞脾及背脊），之後將雞殼連胸肉再放入煲內用中火煲兩小時。

5.     將薑、雞殼連胸肉及瘦肉取出後，餘下清雞湯放入鮑魚、響螺、及花膠(如花膠細隻不需此時放入)再用中火煲兩小時後將海蔘/花膠放入再煲一小時, 再焗三/四小時。

6.     最後將雞脾及背脊肉拆絲放入湯內至湯滾下盬調味。（熄火後焗一／兩小時才飮用效果更好）



鮑魚／響螺／海蔘/花膠於飮用湯時才取出切片食用或用蠔油汁煨



*隨喜好加與否

 

 

 

 

牛油芝士蛋糕(超好味唷!!!!!!!) 加入食譜

今朝有d時間就試整咗個牛油芝士蛋糕,

係焗好試食之後, 就發覺.................. 

原來芝士味既牛油蛋糕, 好好味架!

我都係第一次食咋!



我係修改咗小小原本既食譜架!

Butter Cream Cheese Cake (食譜來自"情迷芝士餅")

材料:

(A)

牛油250g

Cream Cheese 150g

糖200g

(B)

蛋4隻

(C)

車打芝士80g (刨絲)

(D)

牛奶 50g

(E)

麵粉 220g

粟粉 50g

發粉1茶匙



做法:



1. 將(A)攪拌均勻, 加入(B) 攪拌至鬆發和光滑.

2. 加入(C)混合拌勻,  

3. 篩勻(E). 將(D)和已篩的(E)交叉加入，攪拌均勻.

4. 將混合料倒入已塗油鋪紙的長型烤盤內, 再將小許車打芝士絲灑在上面,

5. 用180度焗50分鐘, 即成.

 

 

心大心細...........

依排唔知點解對d心形模具好有興趣^.^

於是我就整咗有大有細既心心Muffin喇!

嘩!好多曲奇呀..................

我今日整咗好多曲奇呀!

全部都係送比我d好朋友食既

希望佢哋鐘意喇

印尼椰汁千層糕

我今日整咗印尼椰汁千層糕, 好煙un, 好好味呀

今次係我第一次整架咋

好成功, 好開心呀  

印尼椰汁千層糕

 

 

材料：

木薯粉 240 克 

麵粉 75克

Corn Flour 25g

椰漿 1大罐 (即 400ml )

砂糖 200克

暖水 200ml

班蘭葉香精 1 茶匙 (綠色)



製法:

1. 暖水溶解砂糖，備用。

2. 將所有粉類混合，加入椰漿，砂糖液拌勻。

3. 糊漿分為 2 份，將其中一份別加入班蘭葉香精。

4. 先倒一層糊漿入蒸模內蒸3-4分鐘(熟透)，其後 2 種糊漿。 

5. 重複交替總共 9 層為止， 製成品放涼後切開享用。

 

 

 

鮮奶豆腐凍^V^

我今日整咗個又健康, 又好味既豆腐凍....

你哋都試吓喇



鮮奶豆腐凍



這是一款很適合夏天減肥用的點心, 成本低, 作法又簡單



材料：低脂或脫脂鮮奶200cc, 豆腐一盒, 吉利丁15g, 糖少許或不加亦可



作法：



1. 豆腐倒入攪拌盆中, 以攪拌棒或攪拌機打碎(要打很碎喔!), 再加入鮮奶200克略攪拌。



　如果沒有攪拌設備, 亦可把豆腐倒入果汁機裡, 此時要把鮮奶200克也加入一起打碎。



2. 將攪拌好的豆腐和牛奶倒入鍋中, 加入15g的吉利丁, 及糖少許(可不加), 以小火略煮至80度C, 關火



3. 將煮好的牛奶豆腐倒入模型杯中待涼, 放入冰箱冷藏, 即可享用冰涼好吃的鮮奶豆腐凍囉!

古古力唧花曲奇 (thanks L@RUKU)

今次係我第一次整唧花曲奇, 食譜係用L@RUKU既,

我次次都係整模曲奇, 好悶呀, 所以今次攪攪新意.

雖然唔係唧得好靚, 但係都好鬆脆, 希望你哋唔會嫌棄喇

芒果布甸^V^

我尋晚整咗芒果布甸呀

我honey同埋我d同事都話好好味呀! 

粒粒:好開心呀^v^

我今日去買咗個新公仔比粒粒,

不過依個公仔淨係o係床到玩既

你哋睇吓佢幾開心

狗狗食品 - 香蕉鬆餅

我今日用阿cool(狗友)l既食譜,

整咗香蕉鬆餅比粒粒食呀

我自己都有試過,

好鬆軟, 好香蕉味呀  



食譜:

一隻大旦就用30g粉

打旦，打至一半加少少葡萄糖打起，

加南瓜或想加的材料再打，

高距離篩入麵粉，

用膠刮輕拌(要好輕手&快手，以便入空氣)

180度火焗8-15分鐘(視乎蛋糕大細而定)，

再轉140度焗至蛋糕熟透。

(用針插入，不見粉痴針便是熟)



南瓜會用３湯匙

香蕉會用半隻另加一湯匙水添

紅莓檸檬鬆餅^v^

我今日整咗紅莓檸檬鬆餅呀!

酸酸甜甜好好味呀

焗肉醬煙肉意粉及螺絲粉^.^

我今晚整咗焗肉醬煙肉意粉及螺絲粉呀

你哋都嚟試試呀

紅莓鬆餅^V^

我今日整咗紅莓鬆餅呀

好健康好好味

嘩! 好多曲奇呀..............

我今日除咗整印尼椰汁千層糕之外,

仲整咗小麥杯芽曲奇,

有好多呀! 請你哋食呀

粒粒近照(^.^)

粒粒啱啱影咗d新相喇!

 

係咪大個咗好多呢!

濃情朱古力鬆餅

我今日跟"kei_b"整咗濃情朱古力鬆餅,

好正, 好強古古力味呀

如果係古古力精就一定十分喜歡喇  

濃情朱古力鬆餅 (by貓友 kei_b)(by貓友 kei_b)

材料:

麵粉--130g

梳打粉--1/4 tsp

發粉--1tsp

鹽--少許

砂糖--70g

雞蛋--1隻

牛油--50g

牛奶110ml

可可粉--30g

朱古力粒--30g



做法:

1. 預熱焗爐190度，muffin杯掃油。

2.麵粉、梳打粉、發粉、鹽、砂糖、可可粉篩勻備用。

3.牛油煮溶，與雞蛋、牛奶及朱古力粒一同加入(2)中，拌勻至幼滑。

4.將麵粉糊倒入muffin杯，焗18-20分鐘便成。

自製Blueberry蒟蒻 (^.^)

我今日用咗Blueberry Juice + 水 + 原味蒟蒻粉 + 糖

整咗感煙煙un un, 好似買果d呀!

你哋都試吓喇!



Blueberry蒟蒻  (食譜參考-->http://abkefir.why3s.net/dongfen.htm)

材料

1.原味蒟蒻粉 60g

2.冷開水 500c.c.

3. 果汁 500c.c.

4. 糖 1-2茶匙



做法:

1. 依包裝盒上之比例表備妥材料。

2. 取 1 公升廣口容器，先倒入冷開水，快速攪拌並將蒟蒻果凍粉倒入。

3. 攪拌均勻後，靜置 10-15 分鐘。



4. 以中到大火加熱，並一邊攪拌，加熱到 85 ℃ （若沒有溫度計，可以目視，即當果凍產生大量氣泡時），轉成中火加熱，再加入調味品（如活力優乳、果汁、茶），攪拌均勻，熄火，分裝到耐熱模型中，冷卻，放入冰箱中即可

古古力旋風嚟喇...(@.@)....

我今日本來想整銅鑼燒架!

不過買唔到紅豆

於是就整咗古古力旋風饅頭喇!

你哋都試吓喇

清清地, 好味道架! 

綠荼饅頭Recipe(可做5小個): [來自Cake-Lover]



低筋麵粉 120g

糖 20g

泡打粉 2g

Yeast 2g

溫水 58g

綠茶粉 5g (我用了可可粉)



1. Yeast用溫水開好,放約5分鐘

2. 所有材料(綠茶粉除外)攪勻成團

3. 材料拌勻後立即分成兩份

4. 其中一份麵團快手加入綠茶粉並搓至光滑

(**若水份不夠,可加數滴水,總之盡快令綠茶粉勻入麵團)

5. 另一份原味的也同樣搓至光滑

6. 兩個麵團發酵若30mins

7. 用麵棍將麵團分別推成長方形

8. 綠茶在底,原味在面,卷起切成小份

9. 將麵團放在蒸籠上鬆馳10-15mins

10. 水滾後蒸4mins即成



Tips:

-由於用低筋麵粉,發酵後也不會脹大2倍,只會是見到麵團微微鬆發

-卷起切成小份後,邊位可能因切下時而壓扁了.固切時要快及輕手一刀過,不要拖拉麵團.寧願之後用手輕力搓回圓身.因蒸時麵團會發大,旋風紋便會清晰可見.

-麵團頭尾兩端可能不太完整,我就索性將兩色麵團混合成"雲石"花紋.當然,如果你的麵團捍平時真的像長方形,便不用這樣!

-麵團放在蒸籠時要留空位,因麵團遇熱會發大

-若發酵或蒸太長時間,饅頭都會列開,小心!!