Chocolate Milk Muffin(@v@)

今日試新野, 整咗個朱古力奶鬆餅,

我見Bog友Miss Jubie整得好正, 

所以我都試試.

不過今次D muffin好搞笑, 全部都係同一方向爆,

唔係中間爆, 搞到個個都變咗有雙膶腸咀呀!!!!!





奇偉朱古力奶muffin食譜 



預熱焗爐180度

大約可做10杯



材料:

1.朱古力奶 - 200ml

2.雞蛋 - 2隻

3.砂糖 - 140g

4.低筯麵粉 - 300g

5.泡打粉- 2 teaspoon

6.鹽 - 小許

7.雲呢拿油 - 1 teaspoon

8.菜油 - 100ml



做法:

1. 先把粉類篩好.

2. 把其餘材料加入(1)中, 拌勻.

3. 將粉漿倒入muffin模中, 約八分滿.

4. 用180度焗25分鐘, 即成.

蕃茄雞蛋天使麵

今晚老公要返學, 所以得自己一個人食晚飯.

我又唔想叫外賣, 又唔想出去食, 我只係想食得清清地.

於是就左諗右諗, 諗咗個蕃茄雞蛋天使麵出來, 

我第一次整架咋, 全部都係以感覺去做, 

好彩做出來既味道都好好.

酸酸甜甜好醒胃呀!

 

香蕉鬆餅

今日放假係屋整咗個下午茶點 - 香蕉鬆餅.

今次個muffin用個新食譜, 做法非常簡單, 而且外脆內軟, 好好味!

你地都試試喔!



香蕉鬆餅 (來自輕食小茶點)



預熱焗爐180度約10分鐘



材料:

1. 雞蛋 - 50克

2. 菜油 - 60克

3. 糖粉 - 50克

4. 麵粉 - 100克

5. 泡打粉 - 3克

6. 鹽 - 1小撮

7. 香蕉 - 1隻

8. 檸檬汁 - 小量

9. 雲呢拿香油滴量



做法:

1. 雞蛋 , 菜油, 糖粉和雲呢拿香油混合.

2. 麵粉, 泡打粉和鹽混合篩勻.

3. 香蕉壓爛, 與檸檬汁混合.

4. 將香蕉與麵粉混合, 加入蛋混合物, 拌勻.

5. 將麵糊倒入餅模內, 約八分滿, 焗20-25分鐘, 然後退模放在架上放涼.

返來喇!!!!!!!!

 



我返咗嚟兩日喇!, 今次個trip真係好正, 我同老公去咗好多原本冇諗住去既地方, 而且我仲去咗好多動物園呀(我好鐘意架),

真係勁開心呀! 我地而家又會plan09年再去喇! 正正正呀!



我依幾日都比較忙, 希望我盡快會整好個遊記比大家睇喇!



而家比住個戰利品篇大家睇先喇!

小休12日

Alice Kitchen會小休12日喇! 

我明天大清早就會去北海道旅行12日喇!

我而家既心情有開心, 又有唔開心, 

開心既係好興奮,又可以再次踏足北海道這個地方, 風景優美,  

食物美味, 和藹既日本人,

真係好期待呀!

至於唔開心既, 就係要濶别我的寶貝粒粒&珠珠12日呀!

我真係會勁掛住佢地呀!



今次個trip我會帶埋note book去, 希望我可以每日都為大家帶來一些update旅遊資訊喇 !

身體健康!!!!!!!!

大家好呀!我都有一段時間冇update個blog喇!

事原係因為我同小珠珠都病咗.

我由北海道返來幾日就開始病喇!病到此時此刻都未好返, 

至於我隻小珠珠仲比我嚴重,  尋晩仲去咗動物急診室tim, 

好彩唔駛留院咋! 

我希望我同小珠珠可以快d好返喇! 我睇見佢又辛苦, 我又辛苦又心痛.



另外北海道遊記就嚟完成喇! 

希望我快d好返, 有多d精神同時間, 

就可以upload去嚟比大家睇喇!

粒珠的戰利品!!!!

我依排成日上日本既狗仔用品網呀, 目的就係訂野返來比我D寶貝喇!

不過佢唔係個個網既物品都可以ship嚟香港架!

好彩搵到D可以send嚟香港既, 於是就買咗D衫仔比我D 寶貝喇!

今次主要都係買D清清地既款, 比佢地係屋企開冷氣既時候著.

全部都係made in japan架, 又平又靚, 好開心呀! 



只係得衫仔睇咋, 佢地唔肯做model呀!



粒粒珠珠姊妹妝





豹紋粒珠





松鼠粒珠





衛衣











送既毛毯

是日晚餐(三餸一湯)

今日又煮咗飯喇! 今日整三餸一湯白飯任裝.

今日煮既餸有香煎雞扒, 花菇栗子炆排骨同埋蒜蓉大白菜

至於個湯就係青紅蘿蔔粟米鮑魚片煲豬"月展"

係咪好豐富呢! 

我好鐘意食花菇栗子炆排骨架! 

今朝一早就開始炆, 炆到樣樣都林晒, 又入晒味, 勁好味呀!















煲湯材料

朱古力鬆餅

今日整咗個樣子古怪, 一D都唔似Scone既Scone,

因為我無圓形曲奇模呀, 所以就用刀切D古怪形狀喇!

雖然個樣怪怪地, 不過好彩個味道好好, 口感就外脆內軟, 我同老公都鐘意.

今次我係用咗由"U-Magazine" 換既"名廚甜品"裡面既食譜做既.

我諗我會再整, 希望下次整得靚D喇!



這個朱古力鬆餅, 我係將原有食譜金提子乾 既分量, 以朱古力取代, 

因為我唔太鐘意吃提子乾的.



焗鬆餅 (來自名廚甜品)



材料 : 

1. 麵粉 - 340g

2. 發粉 - 16g

3. 鹽 - 少許

4. 無鹽牛油 - 85g

5. 糖 - 85g

6. 金提子乾 - 120g

7. 雞蛋 - 50g

8. 奶 - 112g



做法:

1. 預熱焗爐至220度. 麵粉, 發粉, 鹽及糖拌勻.

2. 加入雞蛋, 牛油, 奶, 拌至完全幼滑.

3. 加入金提子乾拌勻, 放入雪櫃雪約30分鐘.

4. 取出壓成15mm厚.

5. 選出直徑6cm曲奇模, 裁成圓形麵糰.

6. 放在牛油紙上, 排成品字形, 每個距離6cm.

7. 掃上薄薄的牛奶或蛋漿.

8. 放入焗爐焗12至15分鐘即可.

椰汁紅豆糕 (飯後甜品)

今朝煲咗紅豆, 就整咗這個椰汁紅豆糕喇!

大家都試試呀! 真係百食不厭呀!

今次我用鮮奶取代咗花奶,  個味道都一樣咁好味呀!

椰汁紅豆糕 

(食譜原自adaw的椰汁馬豆糕, 不過我作出了修改)



材料

紅豆 120克 花奶 1小罐

砂糖 260克 椰汁 1大罐

英粟粉 150克 水 5杯

馬蹄粉 20克



做法

1 紅豆洗淨用適量之滾水煲焾,隔去水份不要.

2 椰汁,花奶開匀英粟粉及馬蹄粉,

3 水5杯煮滾加糖煮溶,慢慢加入已開匀之英粟粉及馬蹄粉內,

不停地攪拌直至煮滾, 加入紅豆又拌匀,倒入一個已用冰水搪過之盆中,

凍後放入雪柜,數小時後切件進食.

紅豆用中大火煲半小時, 然後再焗佢2小時, 再用中小火煲半小時, 再焗佢2小時, 應該可以架喇!

你認為夠淋就得啦, 不過最好就煲淋d, 因為雪完會比較硬.

一杯即是8安士

是日晚餐(三餸一湯)

今晚整咗三餸一湯, 有椰子鮑魚片竹絲雞湯, 豆卜, 青椒釀魚肉, 炒菜芯 & 沙嗲牛柳.

因為老公要飲雞湯, 於是就煲咗依個又簡單, 又好飲, 又有益既湯, 大家都試試



















煲湯材料:









椰子鮑魚片竹絲雞湯



材料:

1. 椰子  一個

2. 鮮雞／竹絲雞  一隻

3. 瘦肉  約１０元

4. 鮑魚片(乾) 一 Pack

5. 甘笋  一條

6. 薑  數片

煲法

1)    椰子先將水取出備用，肉切細條狀後沖洗乾淨，甘笋去皮後切丁角。

2)    雞去皮及清除內臟。

3)    用大火煲滾水後將薑、瘦肉(需出水)、雞、鮑魚片、椰子肉、甘笋放入轉用中火煲兩小時。熄火等約一小時，再用中火煲半小時後放入椰子水滾起可下盬調味飮用。 

訂購曲奇

 



承蒙老公的朋友賞識, 她向我訂了八十塊印模曲奇呀!

真係好開心呀! 有人同我訂曲奇, 我真係想都冇想過, 

不過又好緊張, 又好有壓力, 好擔心佢地會唔歡喜呀!

希望佢地d小朋友開PARTY果日, 個個都鍾意d曲奇喇!