結婚兩週年紀念日

今日係我同老公結婚兩週年紀念日呀!

不過今年我地在香港係唔會有特別既慶祝, 同埋特別既禮物,

因為我地會係日本先慶祝, 好期待呀!



我同咀鵰王係在03年9月尾係泰國認識架! 果一次我係一個人去泰國旅行, 

就係我下榻既酒店食早餐既時候, 有一位男子行過來和我Say Hi, 而且仲介紹自己,

就係果一刻我地就相識喇! 接著我地仲一齊去China Town遊玩. 

返到嚟香港後, 我地都有繼續交往, 就係03年11月15日我地就正式開始拍拖, 

係我地拍拖既途中都發生咗好多開心同唔開心既事情, 不過所有唔開心既事情都無影響到我地既感情, 

就係05年12月21日,  咀鵰王係北海道同我求婚喇! 係果一刻真係好感動, 完全以為佢係到同我講笑, 

直至我見到隻介子既時候, 先知佢唔係講笑, 係認真架! 我果一刻完全唔識得比反應, 只是在流眼淚.

我直到現在都好記得果一刻既情景, 果一次既旅程係特別甜蜜架!

接著我地就籌備我地既婚禮喇!因為我地兩個都唔想擺酒, 而我地兩方面既家長都好開通沒有反對, 

咁我地就選擇咗係關島結婚, 踏入我地人生既另一個階段, 而家結咗婚唔經唔覺兩年喇~

係依兩年日子裡面, 係開心多過唔開心既, 而且我地仲更加愛護對方, 

希望我地永遠都相親相愛, 老公我好愛你架! 我知我有時係過份緊張, 我會好好改善架喇!

我地咁有緣係泰國認識, 我會好好珍惜你架! 我相信你都會架!