小寶貝的新衫!!!!!!!!

今日老公要返學, 我見係屋企冇野做, 於是就搭穿梭巴士去E-Max行吓喇!

我去到Pet Max 既Pet Paradise, 又買咗5件衫仔比粒珠喇!

你地睇係咪好靚呢!

Happy Easter

我有成兩個星期冇update個Blog, 大家有冇掛住我呢!!!!! Wakakakakaka

我尋日又去咗天水圍呀! 今次係本人第二次去天水圍, 

今次去唔係去探BB, 而係有位好朋友請我入去食住家飯.

這個晚餐又豐富又好味, 而且仲好犀利tim!!!!!

因為除咗所有食材之外, 所有麵. 醬汁都係佢自己整架!



尋晚既菜單係: 自製千島醬鮮果沙律, 南瓜忌廉帶子湯配七穀包, 匍汁焗四蔬,

紅酒繪牛尾配自製扁麵及甜品黑朱古力蛋糕配自製夏威夷果仁香草雪糕

我唔記得同個麵影相呀!!!

燕麥餅乾

早前見都市日報post咗個燕麥餅乾食譜, 又簡單, 又昜做.

於是今日就試整咗喇! 

口感及味道都好好, 而且仲好健康!

可以一試呀!

燕麥餅乾 (Copy from 都市日報)

 

材料：

1. 燕麥片　100g

2. 全麥粉　100g

3. Brown Sugar  50g

4. 鹽　少許

5. 泡打粉　1茶匙

6. 牛油　100g

7. 牛奶　1湯匙

 

做法：

1.      燕麥片、全麥粉、Brown Sugar、鹽、泡打粉，放入大碗內拌勻，再加入牛油拌成麵包糠，再加牛奶拌成麵糰。

2.      麵糰放在保鮮紙上，壓成2-3cm厚，用圓杯或圓形物件壓成餅，一塊塊地放在焗盤上。

3.      用180度焗15分鐘。

 

貼士：1. 要耐心地將牛油混合材料，不要結成大塊。

            2. 焗爐的品牌會有不同的溫度，如過燶要調低10來焗；或者初用180度 焗  3-5分鐘，後轉160-170度焗12-13分鐘。

 

***牛油從雪櫃取出便可以用喇! 不用室溫放軟.



同場加影New York Cheese Cake

個cake我係整比同事生日架!

開飯喇!!!!!!!!

今日又煮咗飯喇! 今次又係整咗三餸一湯白飯任"裝"

今日煲咗個花生眉豆雞腳煲排骨湯, 

餸呢就整咗蒜蓉豆豉蒸排骨,豉椒洋蔥炒雞肶肉和西蘭花炒帶子.

我同老公都食到好飽呀!  

今日老公仲話樣樣餸都好好味呀! 好開心呀!

因為我老公好咀鵰, 好小咁講架!

wakakakakakaka

是日晚餐,,,,,,,,,,,,

好耐冇煮飯喇! 都差不多成個月喇!

今日老公話要食住家飯, 

於是就整咗三餸一湯, 白飯任"裝"

今晚煮咗既餸係:魚香茄子, 瑞士汁雞翼及清炒菜心,

湯就煲咗個清清地既合掌瓜,百合,茨實, 蓮子煲豬展.

濃郁的藍莓Muffin(@V@)

今朝整咗個有好濃郁藍莓味既Muffin, 我自己好鐘意呀!

每一啖咬落去都會有好濃既藍莓味, 好正呀 !

大家如果鐘意好香藍莓味既, 就一定要試試喇!,

個食譜我係改篇自輕食小茶點既藍莓鬆餅.

 

藍莓鬆餅 (改自-輕食小茶餅)



材料:



無鹽奶油 ----- 50g

砂糖 ----- 65g

蛋 ----- 50g

低筋麵粉 ----- 100g

泡打粉 ----- 3g

鹽 ----- 1 撮

牛奶 ----- 60g 

原粒新鮮藍莓 ---- 60g

藍莓果醬 ---適量

準備:

*無鹽奶油在室溫下回軟.

*焗爐預熱到 170度



做法:

1. 新鮮藍莓清洗後, 抺乾備用; 麵粉和泡打粉混合篩勻, 加鹽

2. 牛油與砂糖混合打至溶解; 蛋液分次加入, 打至完全混合.

3. 將1/2份麵粉混合物加入拌勻, 加添牛奶拌勻, 再加入剩餘的麵粉混合物拌勻, 

4. 最後加入原粒新鮮藍莓輕手拌勻.

5. 用湯匙將麵粉糊"不"入muffin杯到四分滿, 再”不”入一茶匙藍莓果醬, 然後再”不”入麵粉糊到九分滿. 

6. 放入170度焗爐, 焗25-30分鐘即可.





Muffin的內心世界, 係咪好藍呢?

 

新春菇蓮牙~(@V@)~

尋晚同今日都係屋企不段整曲奇, total太約整咗160塊, 整都個人都short short地.

今次既曲奇係送比我d好朋友, 同埋比我老公攞返公司請同事食既.

我整咗朱古力杏仁曲奇, 希望收到既朋友會鐘意喇!



入爐前.





出爐喇!

朱古力杏仁曲奇

(來自-五星級蛋糕甜品)

 

材料:

1.      淡牛油 150g

2.      砂糖 130g

3.      雞蛋 50g

4.      杏仁片 150g

5.      低筋麵粉 260g

6.      朱古力粉 40g

 

做法:

1.      淡牛油和砂糖打起至忌廉狀, 加入蛋液後攪勻.

2.      加入杏仁片拌勻, 然後加入已過篩的麵粉及朱古力粉.

3.      用手搓至深啡色麵糰.

4.      放入已鋪牛油紙的焗盤上, 把麵糰搓至一長方體.

5.      用保鲜紙包好, 放入冰格雪至硬身.

6.      取出切片, 放於焗盤上.

7.      放入己預熱焗爐, 用175度焗約18-20分鐘, 即可.

***食譜原用150g 砂糖, 我減了20g.

 

 

生日之海洋公園

今日係我既生日呀!今年仲要新曆和舊曆都o係同一日, 真係有d悶呀!

因為我年年生日都差不多會在農曆新年附近, 個個朋友都會好忙, 好唔閒.

同我食飯慶祝既朋友, 通常都會提前一個月 or 退後一個月, 

我知佢地都好有心, 不過有時我自己覺得, 好似冇咗慶祝生日既感覺.

係依個時候生日, 唯一既好處就係所有屋企人都會記得我生日, 

而同學朋友就唔係個個都記得喇!

有時我都有d唔開心架! 尤其是讀書既時候, 個個同學仔都可以一大班人一齊慶祝生日, 

而我往往就一個人同屋企人過, 係就係好warm, 但係年年都係咁既時候, 

我就好想試吓可以同一大班同學一齊慶祝生日喇!

不過算喇!都咁多年喇!都大個喇! 開心咪得lor!!!!!!!



我今日同老公兩個去咗海洋公園玩, 因為生日有得免費, 所以就去玩吓喇!

今朝10點就去到Ocean Park喇! 好彩都唔係太多人, 好過Halloween喇!















大熊貓 : 安安





樂樂盈盈

恭喜發財!!

恭喜發財!!!!

祝大家新一年,

新年進步,

身體健康,

心想事成,

財源廣進.

窩心的賀年糕點

今晚有一位好朋友(cool), 山長水遠地攞咗佢自已整既蘿蔔糕送比我.

個蘿蔔糕仲要係心型架! 真係又貼心, 又細心, 又窩心呀!

阿cool 好多謝你呀! 我一打開就已經聞到好香喇! 

我知一定好好好好味既^.^



在此祝各位:

新年進步! 步步高升!

三文魚Dill草蛋批 (^.^) [Thanks Yves]

我今晚整咗個三文魚Dill草蛋批做晚餐呀!

好正, 好好味呀!

不過我老公唔食熟三文魚,

我一個人食唔晒架!

你哋都試吓喇

三文魚Dill草蛋批

(by Yves)

材料:

批皮 <18mm>

牛油 60克

麫粉 125克

雞蛋 1 隻

鹽 少許



Filling:

煙三文魚 一 包

Fresh Dill 少許

雞蛋王 兩隻 (或用一隻雞蛋)

淡忌廉 60克

牛奶 60克

胡椒 少許

芝士碎 (足夠蓋面份量)



1) 將冰牛油與麫粉混合成麫包糠狀, 加入雞蛋,搓成麫團. 放入雪櫃30分鐘.

2) 用木棍壓成2-3mm 厚度, 鋪落批底, 再放入冰格5分鐘.

3) 將煙三文魚鋪底, 上放Fresh Dill, 再倒入蛋汁(雞蛋王+淡忌廉+牛奶+胡椒)

4) 晒上芝士碎, 放190c, 焗40分鐘.