Day 1
(07/Sept) 香港 ->東京 ->新宿 (住Kero Plaza)
我地食完壽司就返酒店休息喇!因為實在太累喇！而且又落緊雨．
今朝我地六點十五分就出發去機場喇! 今日既心情好興奮呀! 好想快些去到呀!
今次我地係乘坐九時十分既飛機去東京, 理應下午兩點三十五分就到達架喇!
不過不知道什麼原因, 我地既飛機遲咗差不多三十至四十五分鐘先起飛呀!
就係因為咁樣, 我地就大約遲咗一個鐘先去到東京成田機場, 亦都係因為咁樣,
我地就搭唔到三點三去新宿果班JR. 真係激死人呀! 到最後我地差不多六點先去到新宿,
去到新宿車站搵埋出口, 去到酒店已經六點半喇! (咁就冇咗成日喇! 仲耐過去北海道呀!)
我地係酒店放下行李後，就立即去醫肚喇! 我地去咗朋友介紹既“新宿北澤俱樂部”到食壽司，
這裡既食物質素都算可以喇! 如果同北海道比就冇得比架喇!
今日第一日來到東京既感覺真係唔太好呀！JR新宿站既出口，
真係人又多又唔清楚，佢個站真係大得好誇張呀！
希望明天會更好喇!
11 comments:
講真個句. 個食物賣相呢~ 好似"爭" 少少!
不過都要去東京見識下架嘛! ^^
Amy,
係呀 ! 不過果間野好出名架! 我地兩個食咗一萬yen, 我覺得唔抵呀!
睇到d相~~俾起你以前去北海道個d，d野食好似唔無咁新鮮咁啵=.=
如果食魚生，真係北海道好好多！
冇相干啦.....
只要係同心愛既人一齊，
無論飛機delay也好，時間上失預算也好，
食物不太滿意也好，都係gooooooooooood架，
因為有佢係你身邊一齊參與丫馬.......
(係咪好肉麻呢，我突然諗起阿自由先生成日都係咁同我講，因我急燥丫馬......)
睇你d相，都覺得not bad....so good......
終於等到你的詳細的報導啦.......
點解要6點幾先到呀, 無左3點30個斑車, 要等咁耐先有車 ??????!!!!
Yumi,
係呀! 我唔止miss咗一班車架! 我成3.30先到東京, 跟住就要搭4.40果班JR,
車程係50分鐘, so咪6點先到lor.
兩個食左一萬yen. 真係貴喎.
咩隔咁耐先有一斑車既 ??!!!
今次我都係食咗兩餐壽司咋......兩餐都係麻麻地...冇encore既意欲....
Post a Comment