第三日 - 北海道之旅2007~夏 (30/06) - part 1

Day 3 (30/6) 富良野 住Pension Furanui

富良野芝士雪糕體驗工房 --> 富良野果醬園 -->面包超人專門店--> 食堂 (和牛刺身飯) --> 富田農場 --> 彩香之里 

第三日

今日我地要出發去富良野, 我地既路線係札幌IC à 三笠IC à 富良野, 大約需時兩個半至三個鐘. 當我地上到IC既時候, 老公就開始開得好快喇! 有成160km呀! 有車過車, 由灰色天空去到藍天白雲, 沿途既風景好靚呀, 我就不停係到影相, 不經不覺就到喇! 我地大約用咗兩個鐘到. 







我地嚟到, 第一站就係芝士工房, 我覺得冇乜特別, 主要都係參觀佢地點樣做芝士, 同埋芝士既歷史, 我地行咗一陣, 食咗件cake, 飮咗支奶, 再食咗杯雪糕就走喇! 

















第二站, 就係果醬園同埋麵包超人館, 麵包超人館真係冇改錯名, 佢果到真係有好多關於麵包超人既物品!如果係佢d Fans就一定大破財喇! 好彩我同老公都唔係, 我地影咗d相, 買咗小小手信, 

















就去咗隔離既果醬園喇!去到果醬園真係眼介大開呀!佢果到有超過三十種味道既果醬, 差不多你諗得到既生果都有, 例如 : 西瓜, 蜜瓜, 栗子, 紅蘿蔔, 紅莓, 藍莓, 士多啤梨等等!!!!! 真係好勁呀! 我試食過後, 都覺得佢d果醬都幾好味, 唔太甜, 幾有生果味, 跟住我都買咗成20樽呀! 









買完果醬, 我地就去食和牛刺身飯,  我地見本本北海道旅遊書都介紹, 所以就去試吓 雖然血淋淋咁, 但都幾新鲜, 幾好味.