14日東京加北海道之旅2008 - Day 5

Day 5

 

(11/Sep) 住函館渚亭

東京 -> 北海道-函館 (函館朝市 -> 五稜郭公園)



今朝晨早四點三就起身喇! 因為我地要搭五點三既巴士去羽田機場, 本來我地要三點九起身架! 

而且仲要搭JR左轉右轉先去到羽田, 好彩早兩日係新宿街頭行街既時候, 

比我地發現到有巴士直去羽田機場, 咁我地就即刻問一問票務員, 最早果一班車幾點開出, 

同埋需時幾耐, 佢既答案簡直令我地興奮呀! 佢話最早既車係五點三開出, 大約40分鐘就到羽田機場, 

我聽完就立即買車票喇! 因為這個方法去機場, 比起我要搭JR好好多呀!

我地四點九Check-out, 太約行咗十五分鐘就到車站喇! 巴士準時五點三開出，

我地大約搭咗半個鐘就到機場，簡直perfect呀! 去到機場就立即寄行李和攞boarding pass喇! 

我地辦完手續, 買個飯團早餐, 跟住就過X-ray準備上機喇!

我地太約八點半就到達函館機場喇! 攞完行李後, 就立即去Nissan攞車喇!

今次我地都係book咗要March架! 不過佢地話無, 比咗架Cube我地, Cube係起步慢D, 其他樣樣都可以既.



我地攞完車後, 第一件事就去酒店寄存利李先, 然後我地就去函館朝市喇! 去

到朝市我地本來係想食拉麵既, 不過間食店無咗, 於是我地就轉食魚生飯喇! 

我地揀咗一間比較多人惠顧既食店, 這裡既魚生飯好多選擇, 而且仲要超級好味, 

佢地整出嚟既樣, 同個display係一模一樣架! 真係好犀利呀! 我地食完飯就係朝市行行喇!

行咗一陣我地又再食燒海膽和燒鮑魚, 個燒海膽又係好味到不得了呀! 超新鮮超甜, 一d怪味都無, 好正呀!















食完, 行完, 買完野後, 我地就去五稜郭公園參觀喇! 五稜郭公園有一個高90米既展望台, 

這裡可以觀看整個五稜郭公園, 好靚架!  











參觀完畢, 我地又去食野喇! 今次我地係去食拉麵, 

這間拉麵係我同老公最鐘意食既, 估唔到佢既本店係在五稜郭公園附近, 以往我地係在機場先有得食架! 

所以唔理三七二十一飽都要食呀! 因為老公覺得依到既拉麵係全宇宙最好味架! 佢次次食完都讚不絕口架!

食完之後, 我地兩個真係飽到癲咗呀!

跟住我地就返酒店Check-In喇! 上到房, 我地休息一陣就立浸溫泉喇! 這裡係有私人風呂, 

環境好舒適架! 浸完瞓一陣, 我地就係酒店食好豐富既晚餐喇!

食完晚餐, 我地去大浴場浸多次就瞓覺喇!