14日東京加北海道之旅2008 - Day 6

Day 6

 

(12/Sep) 住函館夢空館

函館朝市 -> 元町教堂 -->舊函館區公會堂 -->東正教堂 -->Bay函館

-->明治館 -->金森倉庫 --> 函館山

今朝一早起身食過早餐後, 再浸多一次溫泉就check-out喇!

我地今日首先又係向朝市出發, 我地要去釣墨魚呀! 這個玩意我地係早兩年已經試過架喇! 

因為太好玩喇! 所以今次一定encore! 如我所想, 老公好快就釣到墨魚喇! 

而且今次仲無被墨魚噴水射中, 勁呀! 因為d墨魚一被釣中唔係噴水, 就噴墨汁, 被佢射中都幾慘架! 

玩完後, 店員就把我地所釣既墨魚製作成新鲜美味既刺身喇! 食完後, 我地再買咗兩個甜點上車食, 

接著我地就去八幡板和三板附近既教堂參觀喇! 這裡既景色和兩年前一樣, 都係咁靚, 咁迷人, 

每一個景點都保養我好好, 完全無改變架! 只不過上兩次係冬天, 今次係秋天. 我覺得秋天比冬天行得舒服, 

因為係厚厚既積雪上面行走真係好困難, 而且又凍又容易跌倒, 基於這個原因我地上兩次都影咗唔係好多相. 

所以今次見有咁好既機會, 我地就影咗好多相呀! 而且仲影埋跳跳相添! 

我地玩完一大輪, 就轉移地方, 向Bay函館,明治館等等出發喇! 這些地方主要係買日本獨特雜貨, 

服飾, 古董, 北海道知名甜品等等, 不過佢既外表就殘留咗明治時代既面貌-紅磚建築, 好特別, 

好靚架! 我地行咗一陣, 就去咗函館好有名既芝士蛋糕店high tea喇! 嘆咗一陣, 再行多一陣, 

我地就回程返夢空館check-in喇!

不過係臨去攞車既途中, 比我地發現咗個足湯呀! 我倆二話不說就立即摺起褲腳去浸喇! 

個種行行吓街可以浸足湯既感覺, 真係超正, 超舒服呀! 浸完, 我地就真係返夢空館喇!







夢空館係一間好清潔, 好靚既民宿, 這裡既主人係一位好友善日本人, 佢地所做既食物, 

都係好用心去做既, 份量適中, 味道可口.











 

我地食完一頓好美味又幸福既晚餐後, 跟住我地就去函館山, 今次上到函館山, 

我地終於可以慢慢欣賞函館既夜景喇! 因為上兩次嚟到實在太凍喇! 

跟本無可能留係室外咁長時間, 真係凍到鼻都”luck”呀! 所以今次真係狂影呀!