14日東京加北海道之旅2008 - Day 7

Day 7

 

(13/Sep) 住登別 – 第一瀧本館

函館-->登別-->熊牧場

 

今朝一早吃過豐富美味既早餐後, 我地就要立即出發去登別喇! 由函館去登別大約需要3-4個鐘車程, 

我地九點四十分開車, 太約十二點三十分就到喇! 我地開咗3個鐘車到喇! 中途我地都有下車休息一吓, 

如果唔係, 真係唔識行呀! 老公今次最快都係開咗150咋! 冇上次咁勁160, 本來我地仲可以早一點去到架! 

不過係開車早段有架貨車開得超慢, 佢慢既情度簡直令人想煎把佢既感覺. 好彩係中段佢就轉線, 

如果唔係我地三個鐘, 一定去唔到登別呀!







去到登別, 我地首先係寄存行李, 然後我地就去醫肚喇! 今次去食lunch既地方, 

係我地次次來登別都會去既, 這間食店係由一對夫婦經營既, 佢地所做食物, 

樣樣都非常美味, 尤其是個天婦羅烏冬係會令人一試難忘.

食完lunch, 我地就去熊牧場喇! 今次係第二次去, 感覺沒有太大轉變, 只不過係d熊大個咗, 

又有d熊結咗婚, 生咗熊BB, 不過佢地仍然都係咁為食, 咁識嘆, 出盡辦法令遊人拋食物比佢地, 

佢地真係好搞笑架!

















這就是熊BB喇!









行完熊牧場, 我地就返酒店check-in, 跟住我地就去浸今個trip以來第四次既溫泉喇! 浸完, 

休息一陣, 我地就係房間食一個好豐富既晚餐, 食完, 休息一陣, 再去第五浸喇! 











可以係登別-第一瀧本館浸溫泉, 真係超級正架! 我真係超級鐘意這裡呀!

所以我地次次嚟都係住這裡, 仲要次次都住兩日, 次次都浸到癲咗, Wakakakakkaka.