Tuesday, December 22, 2015

大阪快閃5日之旅 DAY 3 (3/11/2015)



Day 3
大阪 - 奈良



今日一早食完早餐就出發去奈良啦!
早餐係酒店附近嘅一間餐廳食,
杯cappuccino好好飲呀麵包都不錯!

我地先要搭車去大阪難波地鐵站附近買斑鳩one day pass.
我地係搭近鐵由大阪難波站到奈良站,車程時間約半個鐘.





去到奈良站就轉巴士
第一站去東大寺
搭車五六分鐘就已經到㗎啦!
但如果行路要二十分鐘囉⋯⋯




一落車就已經見到好多鹿啦!勁開心呀!
嚟奈良主要都係想睇佢哋!
因為我係動物痴hahahaha

成個奈良大約有千幾隻鹿,佢哋係野生動物黎架!可以自由覓食棲息,維持原來生態,但因為常接觸遊客及受飼,
個性較一般野鹿溫馴,故成為奈良觀光事業代言人. 
另外傳統奈良神道教視鹿為「神的使者」備受保護. 當地人稱他們為「國之天然紀念物」



見到咁多鹿,梗係要買鹿煎餅餵啦!
鹿煎餅係由米糠及榖類製成,係針對鹿腸胃及口味,
成份天然,係鹿嘅最佳點心黎架!
餵鹿時真係群情洶湧!
我比佢哋撞又比佢哋咬又比佢哋圍攻!
不過勁開心囉!超鍾意呀!

佢哋好乖呀!好可愛架!




呢班鹿鹿超癲呀! HAHA








有一對新人在影相呢!






我中咗3樣LOR!



小狗好開心呀! 可以見到鹿鹿


我哋只係去到寺嘅門口冇好入去參觀呀!





老公被鹿睇吓仲有無鹿餅




心心PAT PAT

去春日大社前見到Cremia ice cream一定要買來食啦!

真係好濃郁奶味、好滑、好好味!



春日大社嗰邊冇咁多鹿
呢邊啲鹿乖好多,文靜好多,仲會向你鞠躬添.



呢度大約有3000台常夜燈, 即係日本古代街燈
夜晚開著哂應該好靚架!






沿途不斷地同鹿玩

呢隻鹿好英呀!

勁LIKE



去到春日大社有小學生在擺買,


佢地好齊心叫口號架!



我地買咗關東煮, 好清甜, 好好味.
同香港既味道好唔同.
呢D真係日本人家中的味道



行到寺前我哋就回程啦!


鹿鹿真係無處不在架!



鹿神在過馬路, 所有車都要讓他呢!



回程時只係路經奈良公園門口,冇入喇!
因為已經好攰,無力再行啦!



我哋返回奈良站附近嘅一條小街度搵食, 
隨意搵咗間專食雞嘅!



我哋點左雞刺身定食同埋野菌燴雞定食

第一次食雞刺身,出奇地好味道啊!
我開頭都以為自己接受唔到架!但原來好好味架!

燴鷄都好好味呀!



食飽去咗行超市、勁多好靚嘅提子賣呀!仲要好平..………



話咁快又返回大阪喇!
有人話要食窩夫.



返酒店食個下午茶,
長野香印800円咋!唔買真係對唔住自己呀!勁好味呀!
窩夫昨日gigi嘅好味D.



休息咗一陣又出動.
Grand Front Osaka 





今日係日本人嘅三連休,周圍都係人, 
我呢度仲有節目表演,真係人山人海⋯⋯
我地見咁多人提早咗食晚飯


今晚食鰻魚宴

我地點了一個華, 一個雅




這支酒好好飲, 好易入口, 又唔勁酒精.
我地係激安店見到, 買咗2支返來, 

原來AEON都有得賣呀!


炸鰻魚骨, 好香口, 好好送酒



鰻魚肝, 好身稀有的食材.
味道特別, 入口即溶, 有小小甘甜味





白糖燒鰻魚, 好好味



鰻魚飯, 三種吃法


(一) 原煲拌勻吃


(二) 加蔥及芥辣


(三)  加茶, 蔥及芥辣




三種吃法, 我都喜歡, 各有特式.

甜點 : 柚子雪芭


雖然食到好飽, 


不過返到酒店都係要再食甜點既.
PABLO 期間限定栗子芝士TART

好味道既.......不過我覺得似蛋TART多過芝士TART