仲有7日我就出發去東京和北海道喇!
這次比之前一次更加緊張呀! 因為我未去過東京架!
這次係我第一次去, 希望唔會令我太失望喇!
因為我係比較鐘意大自然景色, 唔太鐘意石屎森林,
而且我係鐘意節奏比較慢既地方, 我諗東京同香港一樣咁快架!
希望樣樣事情都比我想像中好喇!
今次我同老公係會去5日東京及9日北海道, Total 14日
首先係會去咗東京先, 然後先再搭內陸機去北海道.
所有行程都安排好晒喇!
至於我既寶貝粒粒和珠珠係會去Emily姐姐屋企渡假,
希望佢地乖乖地, 聽Emily姐姐話.
行程如下:
Day 1 (7/9) 香港-->東京 -- 新宿及原宿 Shopping (住Keio Plaza)
Day 2 (8/9) 東京 - 上野, 淺草, 秋葉原, 新宿(住Keio Plaza)
Day 3 (9/9) 東京 - 迪士尼海洋世界 (住Keio Plaza
Day 4 (10/9) 東京 - 幕張Outlet Shopping 及 新宿及原宿 Shopping (住Keio Plaza)
Day 5 (11/9) 東京-->函館-函館朝巿, 金森倉庫, 明治館 (住渚亭)
Day 6 (12/9) 函館 - 五稜郭公園, Bay函館, 元町教堂, 東正教堂及舊函館區公會堂(住夢空館 Pension)
Day 7 (13/9) 函館 --> 登別-昭和新山, 感動市場 (住第一淹本館)
Day 8 (14/9) 登別 - 熊牧場 (住第一淹本館)
Day 9 (15/9) 登別 --> 小樽 -花園街(住宏樂園)
Day 10 (16/9) 小樽 --> 札幌 -->Outlet(住JR Tower)
Day 11 (17/9) 札幌 - 定山溪溫泉,豐岼峽溫泉(住JR Tower)
Day 12 (18/9) 札幌 -->旭川 - 旭山動物園 (住JR Tower)
Day 13 (19/9) 札幌 -Shopping (住JR Tower)
Day 14 (20/9) 札幌 -> 香港
Sunday, August 31, 2008
秋之北海道及東京2008
東京及北海道14天之旅
好開心呀! 今日啱啱confirm晒所有去東京及北海道既機票同酒店喇!
我今年九月又去北海道, 不過今次會去埋東京, total會去14日, 真係未到先興奮呀!
點解今年會係九月去呢! 就係我地結婚兩週年同埋老公啱啱完成晒佢所有讀書既課程,
所以我地就去Relax吓! 去瘋癲吓喇!
今次我地首先係會去五日東京, 然後再去九日北海道.
今次係北海道都會同上次一樣自駕遊既.
暫時行程如下:
Day 1 (7/9) 香港-->東京 -- 新宿及原宿 Shopping (住Keio Plaza)
Day 2 (8/9) 東京 - 上野, 淺草, 秋葉原, 新宿(住Keio Plaza)
Day 3 (9/9) 東京 - 迪士尼海洋世界 (住Keio Plaza
Day 4 (10/9) 東京 - 幕張Outlet Shopping (住Keio Plaza)
Day 5 (11/9) 東京-->函館 (住渚亭)
Day 6 (12/9) 函館 (住夢空館 Pension)
Day 7 (13/9) 函館 --> 登別 (住第一淹本館)
Day 8 (14/9) 登別 (住第一淹本館)
Day 9 (15/9) 登別 --> 小樽 (住宏樂園)
Day 10 (16/9) 小樽 --> 札幌 -->旭川 (住JR Tower)
Day 11 (17/9) 札幌 (住JR Tower)
Day 12 (18/9) 札幌 (住JR Tower)
Day 13 (19/9) 札幌 (住JR Tower)
Day 14 (20/9) 札幌 -> 香港
Friday, August 29, 2008
粒珠月餅第 二擊
粒珠月餅作出第二擊喇 !
我尋日係屋企full day整月餅呀!
Total整咗80隻, 真係整到發夢都整緊呀!
不過都仲未夠, 所以今日都要繼續努力呀!
希望所有收到月餅既朋友, 都開心快樂, 而且仲要鐘意我既粒珠呀!
Friday, August 22, 2008
粒珠月餅第一擊
就快又到中秋節喇! 我梗係又會整月餅送比親朋戚友喇!
今日又打風, 又唔駛返工, 我梗係立即開工喇!
點解我咁快就開始整月餅, 因為我9月7日就去日本, 而且今年大約要整100隻呀!
所以一有時間, 就要整一整先, 今日我整咗40隻喇!
今年我係會提早送月餅架, 希望收到既朋友唔會介意早喇!
今次既月餅用咗粒珠兩字, 我係特登整依兩個字架!
係咪好特別呢! 一定唔會有人姓粒, 有人姓珠,
不過我家兩大小姐就係叫粒粒珠珠, WAKAKAKAKAKA
月餅盒(一定要入來睇睇)
請大家千萬不要去二記買以上月餅盒呀!
因為佢既質地係非常非常之差, 仲要賣到HK$9一個,
佢個盒既金色係一摺就會甩架喇!
(因為佢係要你自已返去摺反成個盒出來架!)
唔乖得二記係包到實嚟display喇!
而且佢仲要一叠咁比你, 你係唔會發覺架!(just like me~.~)
好彩我早幾日係屋企無事做, 攞d盒出來摺摺咋!
如果到整果一刻先摺就弊喇! 一定失禮死人喇!
大家睇睇
Sunday, August 17, 2008
我很平凡, 但我很好味!
早幾日在萬寧換咗雪糕機, 我一攞部機返屋企, 就立即清潔, 然後就雪個冷藏環喇 !
因為個冷藏環起碼要雪24小時先可以做雪糕, 所以我襯佢仲係14天有壞包換既情況下, 立即試整喇!
這次係第二次整雪糕, 第一次係早幾日已經整咗, 而且食晒, 又無影相,
而今次係咀鵰王request要食豆腐雪糕, 所以我就搵食譜整整整喇!
咀鵰王話好好味, 好濃郁豆腐味, 甜度適中, 讚呀!
我本來係想"筆"一球球雪糕球來影相架! 但係我"筆"咗好多次都唔得, 所以放棄, 成盒影算喇!
希望大家唔好嫌棄佢喇! 佢真係好好味架!
以下食譜修改自"BakeryLover"
豆腐雪糕
材料:
日本絹豆腐 250g
砂糖 70g
蛋黃 2 隻
牛奶 100ml
淡忌廉 200ml
做法:
1. 先既糖分開2份.
2. 豆腐用網篩壓碎, 備用.
3. 將1份糖和蛋黃及小許牛奶拌勻.
4. 將餘下的奶和淡忌廉及1份糖一同煮滾, 然後倒進(3)的混合物內.
5. 把(4)倒回煲內, 煮至82度(要一邊煮, 一邊攪拌), 然後放在冰水上降溫. 溫度大約降至45度, 就可以把豆腐碎加入,
然後拌勻.
6. 把雪糕漿放涼後, 再放入雪櫃雪12小時,
7. 用雪糕機攪拌大約25-30分鐘, 即成.
好可愛的原味乳酪蛋糕@v@
細細個容易食, 這個蛋糕得12cm架咋! 真係好適合兩口子既家庭呀!
又唔會太多, 又唔會太小, 啱啱好, 讚呀!
個味道唔知得唔得呢? 現在雪緊, 食完話你地知..................
食譜來自"小小乳酪蛋糕"一書
原味乳酪蛋糕 No1
底部直徑12cm圓形烤模一個
材料:
奶油乳酪 120g
原味優格 90g
砂糖 50g
蛋白 1隻
蛋黃 1隻
低筋麵粉 4小匙
事前準備
1. 將所有奶油乳酪及雞蛋都拿出來退冰.
2. 將烤模塗上奶油, 再將烤箱紙鋪在底部和四周.
3. 將烤箱預熱為180c
做法:
1. 將奶油乳酪放進碗裡, 用橡皮刮刀攪拌到順滑後, 再加入4大匙砂糖, 然後用打蛋器攪拌均勻, 直到整體呈軟綿狀後, 再依序加入蛋黃和優格(分2次加入)拌勻, 每加一樣材料, 都必須攪拌均勻, 才可加另外一樣.
2. 將蛋白放入另一個碗盆裡打到起泡, 然後再將剩餘的砂糖分2次加入繼續打, 直至完成蛋白霜為止.
3. 將1/3蛋白霜加入(1)裡拌勻, 然後再加入低筋麵粉攪拌均勻, 接著將剩餘的蛋白霜分2次加入, 並用橡皮刮刀攪拌均勻, 同時注意不要結成白色硬塊.
4. 倒入烤模裡, 輕輕在桌上敲2-3下讓底部紮實, 再將表面抺平, 然後放進180度烤箱烤15分鐘, 再轉為170度烤30分鐘,
稍微冷卻後, 可從烤模取出, 雪一晚會更加美味.
再來紅豆天使蛋糕*v*
今朝又做咗紅豆天使蛋糕, 因為早前整完雪糕, 剩咗5隻蛋白係雪櫃.
為咗唔會浪費食材, 所以尋晚又煮紅豆, 今日又整天使喇!
今次個天使蛋糕, 我無用到戚風模做, 我用咗Silcone既長方形蛋糕模,
焗出來既製成品都非常滿意, 同用戚風模做既都差不多.
食譜請入這裡-->紅豆天使蛋糕
Sunday, August 10, 2008
芒果慕絲凍餅加啫哩夾心
今日突然好想做Mango Mousse Cake, 於是今朝就一早去買芒果喇!
好彩百佳有芒果買(因為我屋苑間百佳唔係成日有得買), 仲要係靚芒, 唔係香水芒,
咁我就唔駛諗即刻買喇! 一買就買咗六個, 用剩一個.
今次做出來既製成品滿意, 個Mousse好滑, 裝飾都可以.
HoMe MaDe BReAkFaST @V@
尋日咀鵰王話想今日係屋企食早餐, 而且仲話要食卷蛋同飲豆漿.
咁我梗係立即整整整喇! 我係尋日上午就煮咗個紅豆,
跟住係晚上就整埋個卷蛋, 再煮埋個豆漿,
咁今朝就有完全homemade既早餐食喇!
大家係咪覺得好美味呢!
另外係煮完豆漿之後, "淨"咗既豆渣, 我就用嚟整咗個豆渣蛋餅喇!
Wednesday, August 06, 2008
八號風球下的食食
今日掛咗八號風球, 仲要由一朝早掛到下午,
係咁既情況下, 我地當然有一日假放喇! wakakakakaka
既然有假放, 我又點會"side"呢! 我又係屋企整整整喇!
不過今次只係整咗一樣食食咋!
因為要確實唔駛返工先可以整, 所以我係下午先開工呀!
今日我係整咗細細塊既可可糖霜乳酪蛋糕塊.
這個芝士蛋糕, 味道有d似New York Cheese Cake,
不過佢就冇咁膩, 易入口d.
可可糖霜乳酪蛋糕塊
(食譜來自”小小乳酪蛋糕”一書)
15cm x 15cm 的四方形烤模一個
材料:
奶油乳酪 180g
原味優格 85g
砂糖 50g
雞蛋 1 個
蛋黃 1 個
低筋麵粉 35g
泡打粉 ¼小匙
鮮奶油 3大匙
檸檬汁 1小匙
[糖霜]
奶油乳酪 50g
糖粉 25g
蛋白1大匙
可可粉1小匙
檸檬汁小量
事前準備
1. 將所有奶油乳酪及雞蛋都拿出來退冰.
2. 將烤模塗上奶油, 再將烤箱紙鋪在底部和四周.
3. 將烤箱預熱為180c
作法:
1. 將奶油乳酪放進碗裡, 用橡皮刮刀攪拌至軟綿狀後, 加入優格用打蛋器攪拌均勻, 然後加入一半砂糖繼續攪拌均勻. 接著依序加入蛋黃, 檸檬汁, 鮮奶油一起攪拌. 每加一樣東西, 都必須攪拌均勻, 才可加另外一樣.
2. 將雞蛋放進另一個碗裡打散, 連同碗一同放在60度左右的溫水上打至起泡, 之後再加入剩餘的砂糖繼續打至濃稠. 接著將其分2 次加入(1)裡, 用打蛋器攪拌均勻後, 灑進低筋麵粉和泡打粉繼續攪拌均勻.
3. 倒入己鋪烤箱紙的烤模裡, 然後放進180度的烤箱裡焗25分鐘, 之後從烤模中取出, 等到完全冷卻後, 再切成正方形.
4. 最後是製作糖霜. 分幾次慢慢將糖粉加入蛋白裡, 並用打蛋器攪拌均勻, 依序加入可可粉, 檸檬汁攪拌均勻後, 分幾次慢慢加入奶油乳酪, 用橡皮刮刀攪拌成乳膏狀為止, 將成品抺在(3)上面, 再放進雪櫃中冷藏1-2小時, 好讓它凝固, 最後灑上可可粉即成
****這個食譜製作上的字眼和原食譜是有小許不同的.
Sunday, August 03, 2008
紅桑子乳酪慕絲凍餅
我發覺依排每個星期日都會整整整呀!
好似今日咁, 我就由今朝整到下午喇!
總共整咗3樣食食, 有再encore既紅豆卷蛋,
送給朋友仔既車厘哥夫曲奇, 最後就係做給同事和自己吃的紅桑子乳酪慕絲凍餅喇!
今次個凍餅裝飾得好滿意呀!
紅桑子乳酪慕思餅
(Copy from TraVel CaKe)
餅底材料 : (6吋圓模)
Oreo 餅 75g (我冇Oreo, 所以用咗消化餅)
牛油 30g (已溶)
餅底做法 :
1. 將Oreo餅壓碎後, 把牛油倒入攪拌.
2. 放入餅模內壓平, 然後入雪櫃冷藏備用.
紅桑子慕思材料:
急涷紅桑子果茸 165g
蛋白 40g
砂糖 40g
原味乳酪 55g
淡忌廉 130g
魚膠粉/片 9g
做法 :
1. 淡忌廉打至7成企身放入雪櫃備用
2 果茸放入微波爐加熱至溶解或以低火煮溶
3. 蛋白打至起泡後, 分數次加入糖打至企身
4 將果茸倒入蛋白內輕輕拌勻, 再加入原味乳酪攪拌.
5. 以1比4加水攪勻魚膠粉隔水坐溶
6 魚膠水倒入果茸攪勻, 再加入淡忌廉拌勻
7. 把慕思糊倒入Oreo餅底上, 然後放入雪櫃雪約2小時便成
Saturday, August 02, 2008
紅豆卷蛋^.^
今日終於做咗自己期待已久既卷蛋喇!
自從上次Esther整比我食之後, 我自己就一直都好想做喇!
於是係尋晚有時間就立即整咗個蜜紅豆,
因為我覺得用紅豆忌廉做餡, 個卷蛋會好味好多架!.
今次既製成品非常滿意, 好鬆軟, 又香奶油同紅豆味, 正呀!