台灣之旅 2009 - Day 3

Day 3 (14/12)



台北 – 香港

西門丁 – 台北101



今日返香港喇! 我地九點幾起身, 跟住就去咗食西式早餐,

食完早餐我地返酒店hea到夠鐘先check-out.

本來可以四維行吓架! 不過外面不停落雨,而且又凍,所以都係返酒店好d.



Check-Out後, 我地寄存行李係酒店, 跟住我地去西門丁行街食野,

係西門丁, 我地去咗食鴨肉扁, 這間鴨肉扁以前已經食過,

沒有什麼特別, 不過今次好味咗好多, 勁正呀!

食完鴨肉, 再行咗一陣, 我地又去食花枝湯, 飲蜜糖苦瓜汁,

食完就走lu, 因為落緊雨 , 我地都無心機行喇!





跟住我地去台北101行咗一陣, 再去買埋阿默蛋糕,

就返酒店附近既良品食牛肉麵. 本來打算再去鼎泰豐食多餐架!

不過我地去到既時侯, 係鼎泰豐小休既時間, 所以唯有近近地去良品食.





食完, 返酒店取回行李, 我地就去搭國光客運出機場喇! 返香港luuuuuuuuuuuuuuuuuu.





多謝收看!!!!!!!!

台灣之旅 2009 - Day 2

Day 2 (13/12)



台北

九份 – 士林夜市 ->鼎泰豐 ->饒河街夜市 (住台北凱撒大飯店)



今朝一早起身, 就去咗酒店附近買豆漿栥飯作早餐,

然後就去搭國光客運去基隆喇! 我地用咗半個鐘去到基隆,

跟住再係基隆轉公共巴士去九份,

我地次次都係從這個途徑去九份架! 未試過搭火車呢!

因為搭火車要就時間比較麻煩, 而這個方法就方便好多,

想行幾耐就行幾耐, good!



我地上到九份又係人山人海呀! 我地係基山街不停食東東,

不停買東東, 又不停四維影相, 非常開心呀!

今次係九份我地食咗賴阿婆芋圓, 芋粿, 蒜茸香腸,

香草奶茶, 泥芋酥, 花枝丸, 豆腐, 十分滿足,

而且樣樣都好好味. 我地不經不覺就玩咗兩個幾鐘喇!















跟住我地回程返酒店放抵d手信, 接著我地就去士林夜市,

係士林–我地一定會食豪大大雞塊, 因為真係超級好味,

而且食完完全唔會有熱氣既感覺, 好正呀! 食完雞塊,

我地就行咗一陣, 我又買咗一大杯生果食, 真係食到癲咗呀!







行完士林, 我地就搭捷運去鼎泰豐食晚餐, 鼎泰豐個個都識喇!

不過係台灣食鼎泰豐係好味過香港好多架!

我地點咗小籠包, 素菜餃, 酸辣湯同炒青菜, 樣樣食物既水準都係保持好好.





食完鼎泰豐, 我地就搭的士去饒河街夜市, 係饒河街夜市又係食食食,

不過今次我無得食藥燉排骨呀! 因為身體既狀況問題, 我唔食得, 勁慘呀!

我地係饒河街都有食福州胡椒餅, 不過味道真係一般呢!





我地食到超包, 就返酒店喇!

返到酒店梳洗完畢, 打算瞓覺既時侯,

我地突然記起係雪櫃有兩盒杏仁豆腐花呢!





於是我地最終食埋果兩盒豆腐花先瞓覺.



今日真係由朝食到晚NON –STOP呢!

台灣之旅 2009 - Day 1

Day 1 (12/12)



香港 – 台北

桐燦烘焙店舖 -> 包裝廣場 ->淡水 (住台北凱撒大飯店)



五年無去過台灣喇! 因為老公生日想去旅行,

而佢又無假, 所以就揀台灣, 可以短短地去幾日喇!

今次去台灣主要都係食食食同買買買.



我地當日搭早上9:20飛機去台灣, 去到桃園機場才10:45分,

我地過晒關, 拎埋行李後, 就立即搭國光客運去台北市中心,

由桃園機場去台北火車站大約要一個鐘, 我地去到台北火車站已經12.30分喇!

我地到達後就立即去酒店寄存行李, 凱撒大飯店就係台北火車站對面,

因為兩點鐘才可以check-in, 我地一心只係寄存行李, 點知個酒店職員同我地講,

佢地已經安排咗房間比我地, 而且仲upgrade咗做商務客房, 我果一刻勁開心呀!

我無諗過今次都有得upgrade. 因為我之前兩次去台灣, 兩次都係住凱撒,

而果兩次佢都有upgrade我地間房, 因為係我朋友幫我book既關係,

所以有得upgrade. 但今次係我地自己上網book的, 點知都有,

好喜出望外呢! 而且今次既services好好, 間酒店既內在又裝修得好靚, 好滿意呢!











我地係酒店放底行李後, 就立即去酒店附近既良品食台灣牛肉麵喇!

這個牛肉麵係佢未出名時我地已經食過, 今次再食仍然都係咁有水準,

湯底香濃, 牛肉惹味, 刀切麵又有咬口, 香港一定食唔到, 真係好好味呢!







食完牛肉麵, 我地就去桐燦烘焙店舖, 桐燦係台北市民樂街,

我地搭捷運去到雙連站, 再行15分鐘就到.

台灣既烘焙店真係有好多東東買, 而且仲價廉物美, 我買得好開心呢!

買完東東, 我地就去包裝廣場, 包裝廣場係桐燦附近, 我地行咗15分鐘就到.

這個包裝廣場對我嚟講無乜驚喜, 因為佢同日本既一樣,

我之前10月係日本已經行完, 所以我買咗小小包裝用品就走喇!



SHOPPING完後, 我地就返酒店放抵d東東, 跟住就搭捷運去淡水喇!

今次來到淡水勁多人呀! 條條街都人頭湧湧,

我地好不容易先行到去公明街呀! 一去到公明街老公就立即買咗炸雞塊來食,

而我就飲蜜糖苦瓜汁, 好美味呢! 我地嚟淡水係有一個目的架!

我地要食胡椒餅, 這裡有間炭錢胡椒餅好好味架!

好味過饒河街福州胡椒餅好多架!

食完東東, 我地四維影吓相, 買吓手信, 跟住就走喇!













我地要去度小月食晚餐, 度小月係出名既台南美食店舖, 擔仔麵, 肉燥飯,

炸花枝丸樣樣都美味非常,









我地食完晚飯, 本來打算去士林夜市架!

但老公話好飽, 於是就返酒店喇!

今日食得好滿足呢!

麻煩的人

點解佢地兩個咁麻煩架! 我阿媽又無得罪你地, 你地就成日張d問題簡單複雜化, 

搞到我阿媽個心囉囉”lu” , 你地兩個可唔可以唔好係到搞搞陣呀! 

一家人開開心心得唔得架啫!

我個身份跟本唔方便講任何既野, 你地可唔可以正常d呀! 話晒都一家人, 

又要憎人富貴厭人貧, 人地好過你地, 你地又唔抵得, 差過你地又避之則吉, 

你地真係好QQQQQQQQQQQQQ煩呀!

如果可以的話, 我真係想阿媽同你地唔好再有什麼交往…………………………………………………………………

但好惜, 這件事係永遠無可能發生.