2006年見^.^

Hi!好耐冇整嘢食比大家食喇! 今日終於有小小時間, 就整咗依個有益嘅~~小麥胚芽牛油酥餅~~
希望大家會鐘意喇! 就當係告別大家3個星期嘅小禮物喇!
2006年再見, 再祝聖誕快樂!新年快樂!

預祝大家"聖誕快樂 & 新年快樂"

祝大家"聖誕快樂 & 新年快樂"呀!
大家有係咪覺得Alice Kitchen依排冇乜update呢! 冇錯, 係架!
我依排真係超忙呀! 又要返學, 又有好多朋友生日,
老公又就嚟生日, 又會去旅行. 連我最愛上既”Leisure-cat”,
每日只係可以比15-20分鐘佢咋>.<
希望大家唔會介意喇!
我由12月21日開始會去北海道旅行, 2006年1月2曰就返嚟架啦!
到時我會再整多d美食送比大家^.^

~~南瓜粟米蛋糕仔~~

我係將某個食譜改咗d材料而整成架!
因為我屋企果日整完"椰汁南瓜粟米甜湯"後,
仲有一些材料剩咗, 為免浪費,
所以就整咗依個蛋糕仔!
個蛋糕仔整出嚟好鬆軟, 好好味呀! 好開心, 一d都冇浪費.

~~椰汁南瓜粟米甜湯~~

今朝啱啱整咗椰汁南瓜粟米甜湯, 又有益又好味, 請你哋食呀!

Comment內附食譜

層層疊小法包

我啱啱整咗小法包, 外脆內軟, 好好味呀!

Comment 內附食譜

我整咗雲哩拿椰子球呀

這個雲哩拿椰子球係一位貓友教我整架!
又好味又易整, 真係好多謝(L@RUKU)

~~Blueberry雪芳蛋糕 & Poon Poon Cookie~~

我足足兩個星期冇整嘢食喇!今日終於有時間整喇!
請你哋食Blueberry雪芳蛋糕 & Poon Poon Cookie呀

士多啤梨味Ice-cream Muffin.

我今日整咗Ice-cream Muffin呀!又易整, 又好味, 請你哋食呀!

食譜係一位貓友提供

Ice-cream Muffin
2杯ice-cream (咩味都得)軟,但未溶
1.5杯自發份
1.5 tbsp 糖
預熱焗爐200度
step1:混合二種材料,拌勻
step 2:倒入8個muffins 紙杯
step3: 焗18-20分鐘or直至金黃色

<香橙蘇格蘭酥餅>

好多謝"Leisure-cat L@RUKU"呀! 係你令我對整cookie, 酥餅再有番信心呀!
個cookie好鬆脆, 好好味呀!
我由識整蛋糕, 曲奇開始, 整蛋糕就冇問題, 但整曲奇次次都失敗架!
但係今次好開心呀 一整就成功.

忌廉芝士香草包

我今日整咗忌廉芝士香草包, 好鬆軟 好好味呀! 而且好容易整咋, 你哋都試吓喇>V<

忌廉芝士香草包 (來自"Leisure-cat" ~Icy~)
(A)
水--半杯
乾 yeast--1.5tsp

(B)
高筋粉--3cups (360g)
糖--4-5tsp
鹽--1tsp
蛋(大散)--1

(C)
忌廉芝士cream cheese (放軟)--5oz
牛油--2tsp
香草--1 to 2 tsp (可加在麵團裡--step3, or 加在麵包上---step7)

1.將A伴勻，靜止10分鐘
2。加入B攪拌成糰
3。加入C材料，搓至光滑有彈性的麵團
4。作第一次發酵
5。將麵團分成12 份，做形
6。作第二次發酵
7。塗上蛋液(份量外)
8。190C (375F) ---15 至17 分鐘

~~ 湯種芝士條 & 蘋果批~~

我啱啱整咗湯種芝士條& 蘋果批呀!不過個蘋果批焗得燶咗小小呀!
但係個味道都好好, 希望你哋唔會介意喇!因為我係第一次整架咋!
至於個芝士條就好鬆軟, 好好味呀!

懶人蛋糕 (Steam Cake)

我整咗懶人蛋糕, 其實係蒸蛋糕. 真係好易整, 好好味呀!
真係多謝"Leisure-cat starryear"嘅分享呀!

今日晚餐

我今日整完小椰塔次後, 就整兩送一湯白飯任裝嘅晚餐喇!
分別係黑椒洋蔥炒雞柳, 豆豉鯪魚油麥菜和青紅蘿蔔粟米豬展花膠湯
你哋都一齊食喔

小椰塔

我今日整咗小椰塔, 請你哋食呀!

木槺布甸

我今日整咗木槺布甸, 不過用咗Oreo餅碎,
依家o係雪櫃雪緊, 好想快d食呀>V<

芒果布甸

我啱啱整咗芒果布甸呀! 好好味, 你哋都試吓喇!

食譜來自"貓友-Yves"
Mango Pudding
蛋 1 只
淡奶 150ml
熱水 200ml
Mango Jelly Powder 1 pack
芒果 2 個
1) 先用熱水開mango jelly powder, 待涼.
2) 蛋加入淡奶 , 再用篩倒入jelly liquid.
3) 倒入jelly cup, 最後加入芒果肉.

再來維也納牛油果醬酥

今次係我第二次整維也納牛油果醬酥, 佢真係又好味又易整 係曲奇和蛋糕嘅混合體, 你哋都試吓

維也納牛油果醬酥食譜 (食譜來自貓友-Zozo)

材料:
牛油 200g
糖霜 50g
麵粉 150g
粟粉 50g
雲呢拿香油1/4茶匙

裝飾:
果醬1/4杯, 糖霜適量(灑面用)

做法:
1. 牛油與糖霜打至鬆軟，篩入麵粉及粟粉，用木匙攪拌均勻，再拌入雲呢拿香油。
2. 把材料放入唧袋內，以螺旋形的方向唧在小紙杯內，以190度焗10至15分鐘。
3. 待牛油酥稍涼後，將果醬擠在牛油酥上，灑上糖霜即成

士多啤梨芝士蛋糕

我今日忙咗一日, 整咗老婆餅, 同埋士多啤梨芝士蛋糕,
個蛋糕係整比我朋友生日架, 希望佢鐘意喇

自製老婆餅

我啱啱整咗老婆餅呀! 雖然個樣唔係太似, 不過好開心呀!
原本自己整都好好味架!

朱古力豆香鬆餅 & 香滑芝麻糊

我今日整咗d有益健康嘅食物, 朱古力豆香鬆餅&香滑芝麻糊 個鬆餅係用豆漿, 豆渣整架!
而個芝麻糊亦都係一手一腳自己製造. hehe

Comment內有食譜

台北之旅

大家好呀!我早前剛剛去了台灣旅遊, 而且寫了遊記, 你哋入去睇睇

http://alicetaiwan.blogspot.com/

Chocolate Chips Scones (朱古力粒士干)

我今日跟Leisure-cat嘅食譜, 整咗Chocolate Chips Scones.
又好味!又易整呀!

Blueberry Cheese Cake

我今整咗個Blueberry Cheese Cake呀! o係幫我朋友整比佢個女食架!
希望佢鐘意喇!

奶黃糯米糍及花生椰絲糯米糍

奶黃餡
花生椰絲餡

今日整咗兩款糯米糍, 分別係奶黃餡同埋花生椰絲餡.
依次係我第一次整架咋 好成功, 好好味呀!

Earl Grey Chiffon Cake

今晚啱啱整咗伯爵茶雪芳蛋糕呀!有淡淡嘅茶香, 清清地幾好食呀! hehe

我今日都整咗"月餅"喇>v<

我年係第一次自己整蛋黃白蓮蓉月餅呀, 好開心呀!
我多謝"Kei 師傅"嘅教導, 我成功喇! hehe
等佢回完油就可以送禮喇!

綠豆蓉冰皮月餅

今日有時間又整咗冰皮月餅, 用咗綠豆蓉餡, 原來個餡自己整, 好味好多架! hehe

綠茶雪芳蛋糕

今日啱啱整咗綠茶雪芳蛋糕呀! 好鬆軟, 好好味!

意大利朱古力蛋糕

依排好忙呀! 今日有時間就即刻整咗意大利朱古力蛋糕喇!
好香朱古力味, 好好食呀! 如果係朱古力迷一定鐘意.

月餅派對

尋日奉獻咗我嘅第一次, 就係整月餅喇, hehe
尋日我哋一班貓友參加咗由"心心"攪嘅"五餅二娛"活動, 我哋由貓友"Kei師傅"主持大局,教我哋整廣式月餅.
這次活動既開心, 又興奮, 又滿足呀! 開心係因為又可以同一班貓友相聚, 大家傾吓整嘢食嘅樂趣和心得; 興奮係因為當我整月餅嘅時候, 心裏有一種無明嘅興奮心情, 就係原來自己都可以識整月餅架>v<, 至於滿足就係當我整好一個月餅嘅時候, 由模具拍出, 雖然 未焗, 但係已經好有滿足感喇! 另外o係這個整月餅嘅過程, 真係好多謝"Kei師傅"嘅悉心教導, 又有耐性, 同埋有問必答. 其次我亦都要多謝"心心"借出屋企作為月餅工場, 又幫我哋預備咗好多用品. 今次嘅活動好開心呀!

以下就係焗月餅嘅前後喇!






依d係我尋晚o係屋企整嘅冰皮月餅喇! 有綠豆餡及綠茶餡, 好好味呀!