尋日係老公生日呀!
今年我地去咗THE ONE的HARLAN’S慶祝
本來老公揀咗去西貢匡湖居食架!
不過果間餐廳成日叫我留食物,
而且仲獅子開大口, 所以我地改地方喇.
今年我又係無整蛋糕比老公,
因為想比個驚喜佢, 如果我自己整, 佢一定知呢!
我買了AMANDA S的蛋糕, 個蛋糕好似HOME MADE CAKE,
味道都可以, 不過係貴咗一些, 唔係咁值.
而HARLANS 呢一餐, 又係食物味道可以, 不過服務就差少少,
價格又同spoon差不多, 我會鐘意SPOON多D LOR.
我好鐘意以下呢張相呀!
今日係屋企整咗好多美食呀! 由朝早九點半, 整到下午三點呀!
今日整咗有朱古力曲奇, 係同事同我訂購既, 另外仲有藍莓戚風蛋糕,
送比一位好朋友食既, 最後就係整咗綠茶芝士凍餅比咀鵰王食喇!
今次樣樣都好滿意, 尤其是個綠茶芝士凍餅, 咀鵰王話超好味呀!(佢咁樣讚我, 係第一次架咋!)
不過佢話甜d仲好, 佢話我終於整到佢想食既口感同味道喇!
(我果一刻不知幾開心呀! 因為佢真係好"奄"尖架!)
以下食譜來自"精緻手作蛋糕"一書
綠茶芝士凍餅
6吋餅模一個
餅底材料:
消化餅碎 60g
牛油溶液 30g
芝士餡:
1. 忌廉芝士 120g
2. 砂糖 40g
3. 牛奶 60g
4. 綠茶粉 6g (我用咗8g)
5. 蛋黃 2隻
6. 淡忌廉 150g
7. 魚膠粉 8g
8. 清水 40g
9. 綠茶香油 少許 (我冇加)
做法:
1. 先將魚膠粉和清水置放碗調勻, 放在熱水中坐至完全溶解, 備用.
2. 淡忌廉打起, 備用.
3. 餅碎與牛油溶液攪勻, 倒入模內壓實, 放入雪櫃內雪硬.
4. 忌廉芝士室溫放軟, 用膠刮攪滑, 分次把糖加入及拌勻，再慢慢加入蛋黃拌勻.
5. 牛奶與綠茶粉煮勻, 過篩, 再慢慢加入芝士餡料, 拌入淡忌廉,
再加入魚膠溶液拌勻, 拌入綠茶香油, 做成餡料.
6. 取出餅底, 倒入餡料, 放入雪櫃雪至凝固, 即成.吋餅模一個
呢排超級忙呀! 有大大大PROJECT進行緊,
真係日日都好唔得閒呀!
最快都要過埋年先忙完呀!
早前同老公去了中環大喜屋食日式放題,
估不到又平又抵食, 又唔會拖慢比你.
刺身又厚切又新鮮, 其他樣樣食物都好好呀!
我同老公食咗好好好多野呀!
真係勁飽呢!
LC剛剛開倉完畢喇!
今次既開倉真係滿載而歸呀!
而且同埋一班好朋友去買, 真係超級開心的.
我除咗頭兩日無去到, 足足去了四日.
日日都大包小包咁搬返屋企,
真係攰過返工呀! 哈哈!
今次買咗好多stoneware既物品,
我希望可以打造一個全LC物品的廚房呀!
大家睇吓係咪好靚呢!
除咗靚.......都好好用架!
第三日
今次有我至愛既cassis色, 沙律bowl及焗盆.
後面兩個大jar好抵呢!
有小碟, salt pig-我會用來放蒜頭和薑, creamy 色小焗杯及胡椒粉及鹽樽.
兩大湯碗和四小飯碗.
完部都係珍珠底綠色, 好靚呢!
超靚煲墊和後面的湯杯
第五日 - 買的, 有紫色杯, 小小焗盅及再補飯碗
第六日
有紫色煲墊超超超靚呀!
心心杯及心心碟又係勁鐘意.
仲有品味啡四方焗盆,好grand的.
最後一日
橙色心心杯,襯黃色碟,
兩個品味啡細杯,再加兩碟.
32cm OVAL - YELLOW DIJON,
第一次有咁大個呀! 好正呢!
這個32cm是3位好好好朋友送給我的,
真係好多謝你地(Chingman Leung, Esther Yungr& Ada Law),
好好好靚, 好好好鐘意呀!
買完luuuuuuuuuuu!
期待已久的”囍.宴”私房菜尋晚終於食咗喇!
結果係好味, 好味, 好好好味,
唔係淨止我同老公覺得架!
而係全部朋友都好鐘意呢!
我地尋晚好好彩,
猛車邊吃到特別為中秋而設的Menu, 非常滿足呢!
這裡除了食物好有水準外,
jacky 都十分好人,
我地本來是8位好朋友一齊去架!
不過喺尋日突然有兩位好朋友有好緊要既事來不到吃!
起初我地一心都諗住無得改人數架喇!
因為私房菜係唔可以的, 最多大家吃多一些喇!
不過我一通知jacky, 佢就已經說無問題, 可以幫我地改.
真係麻煩晒呀!
另外佢仲好慷慨地請我地飲梅酒呀!
酸酸甜甜好好味, 有朋友話真係好”梅”呀! Haha
以下是Jacky浸的佳釀
松茸菌香煎帶子皇
炭燒豬肉乾鮮蝦柚子沙律
芥末橙影牛肉
黑松露脆皮燒雞
雲上東坡醉千層
秘製楊桃雪葩
魚花似玉
千絲萬縷菌王豆腐羹
金鈎龍鬚菜
囍宴私房黃金湯圓
一係唔整包, 整開就連續3個星期都有整.
而家貼出來既包包已經係早幾個星期既製品嚟架喇!
第一幅係十七小時合桃無花果包,
這款包不嬲都鐘意食, 自己整都係第一次,
成品尚算滿意, 不過仍然要努力呀!
下次再整要掌握得好一些呢!
第二幅係直接法的全麥山形吐司
本來唔係整全麥的,
不過屋企唔夠筋粉,
所以就加咗全麥粉去整,
點知出來既效果非常好,
好鬆軟, 好香麥味,
放咗3日都好好味呀!
第三幅, 一睇就知係咩包喇!
這個粟米包, 又係用直接法做,
今次一口氣做了12個做了一個試驗,
就係放了6個入冰箱, 其他就放室溫,
放入冰箱的放了5日再焗熱來吃,
完全沒有問題, 仍然都係咁好吃,
放室溫的, 放2日都仍然可以.
早幾日同老公去睇咗藍精靈3D電影,
估唔到咁好睇, 佢宣傳既時候, 一直都無諗住睇的,
因為由從前熟識的2D, 變為陌生的3D,
個個藍精靈都變了立體板, 感覺真係有些古怪.
不過聽咗電台既影評後, 就好想去睇睇喇!
這套電影真係充滿童年回憶,
每一位角色都十分熟識,
每首樂曲都是耳熟能詳,
真係睇得十分投入呀!
而且這套藍精靈真係十分好笑,
真係好耐無試過有套戲,
可以令我笑到肚痛同埋流眼淚喇!
大家有興趣真係要去睇呀!!!!!!
