大焗爐(@v@)

早前托朋友買的大焗爐, 星期二終於送貸喇!

我足足得咗差不多2個月呀!



這個焗爐是從意大利訂回來,

價格不太貴, 而且又十分慳電,

又唔駛Build-in, 真係幾好呀!

你想擺在那兒都可以.



另外這個焗爐仲可以一次過焗幾層的東東

而且是不用轉tray的, 真係超好呀!







我係尋日終於同個爐剪綵喇!

我一次過焗咗兩樣唔同既東東,

入爐時間唔同, 出爐時間都唔同,

但完全無問題, 真係慳咗好多電呀!

我唔駛焗完一樣才另一樣呀!

元宵節

今日係中國情人節喇!

祝大家元宵節快樂, 甜甜蜜蜜呀!



今年兩個情人節都係屋企煮飯仔,

西方情人節就煎扒食, 不過果日無影相喇!

14號早上好忙呀!

我又要去飲, 又要送回禮CUPCAKE,

返到屋企煮完飯已經好累喇!











至於今晚又係煮西餐, 不過唔係煎扒,

我整咗粟米忌廉湯, 香草燒春雞,

白酒蜆肉意粉, 蒜粒西蘭花.



只係個湯有相睇咋! 其他食到一半先記得未影相,

SO……………………………………要等下次LU.



今次個湯超好飲呀!

我用2支新鮮粟米起粒,

再加上湯用夫人打成,

超甜超好味, 老公勁鐘意呀!



今日個甜點一定係湯圓喇!

黑糖薑茶湯圓

BD DINNER @ FOUR SEASONS CAPRICE

今日係我正日生日呀!!!!!!

年年生日都會在新年,

今年仲要在人日, 真係喜上加喜呀!!!!!



年年生日我都會有D情緒病,

今年亦唔例外, 仲要喊咗一陣,

不過好快就無事喇!

老公話我係傻架! HAHAHAHAHA



今日既上午沒有什麼特別節目, 老公都要返工,

不過晚上我地就BOOK咗去四季酒店既CAPRICE食法國菜

CAPRICE真係勁期待喇! 因為佢係一間專吃高質素法國菜的,

而且佢仲係米之蓮三星餐廳呢!!!!!!



CAPRICE果然無令我失望,

佢無論食物, 環境及服務都係超超超超好的,

佢既環境好優雅, 好舒服, 完全無侷促及拘謹既感覺,

侍應既服務態度係超超超好的,

完全無中國人社會高級餐廳的風氣呀!













至於食物, 又係勁滿意呀!

我地點咗”TASTE OF CAPRICE”

TOTAL 每人有8道菜

等我逐一介紹吓喇!



首先係有Welcome Dish – Garlic Bread及我地自己叫的white wine.





這是餐前的BREAD SET,

有法國的Unsalted & Salted Butter,

兩款都好香, 好滑.

有好多麵包揀的, 我只係影咗一片咋!







以下就是”TASTE OF CAPRICE”



1. Obsiblue Prawn Tartare with Osetra Caviar, Shellfish Jelly and Yuzu Aroma



佢用法國蝦再加面層既魚籽, 再配底層既Shellfish Jelly及柚子汁, 再加埋好脆既麵包片同吃,

酸酸的, 好醒胃, 味道好特別, 有層次感, 隻蝦非常新鮮, 因為老公食完個喉嚨即痕呀!







2. Crispy Cannelloni with Ratte Potato Mousse and Périgord Black Truffle



黑松露菌配薯仔慕絲脆筒及薯粒: 味道好夾, 黑松露配上淡味既Potato Mousse, 超讚.







3. Warm Duck Foie Gras and Pineapple Chutney in Pink Pepper Sauce



鴨肝配Pineapple Chutney in Pink Pepper Sauce, 好味到無野講,

連一向唔食鴨肝既老公, 都食咗2/3呀! 佢個汁配埋入口即溶既鴨肝係超好味呀!







4. Confit Wild Salmon with Green Lentils Coulis and Black Truffle Cream



三文魚配黑松露忌廉,好滑好鮮味, 個魚既質地好好, 唔會好熟, 

配埋個黑松露忌廉, 有個意想不到既味道呀!







5. Pyrénées Milk Fed Lamb with Shoulder Pastilla and Eggplant Caviar in Olive Oil Jus



主菜: 羊 – 三個唔同部位既羊(唔記得什麼PART喇!), 再有三種煮法,

三種煮法都好好味, 尤其個酥皮內釀羊肉, 好特別, 好有新彊菜既風味, 

個羊好靚, 好嫩, 好有羊味, 但唔”穌”, 超超超超讚!







5. Roast Veal Sweetbreads with Périgord Black Truffle and Maxime Potato in Périgeux Sauce



主菜: 牛核配唔記什麼國家的薯仔再配黑松露SAUCE, 個牛核係由BB牛來的, 

佢係牛BB消化牛奶既部位, 佢個口感和味道都好特別, 幾好味, 

不過唔可以一個人吃一客, 會有些漏呢!







6. Caprice Cheese Cellar Selection



佢有超不過15款芝士比我地選擇, 每一款都各有特色

我揀咗5款, 有3款係有SIGNATURE的, 正呀!













7. Coconut Snowball with Green Apple and Kalamansi Sorbet



甜點 – 青檸雪芭拌底層的綿花糖及中層的椰子白朱古力CREAM

好特別, 有好多唔同既味道和口感, 好有心思, 讚!







8. Brazilian Chocolate with Arabica Coffee, Crunchy Toffees and Caramel Ice Cream



正常的朱古力甜點, 好味, 不過不太特色







9. Petit Four - 



第一層有黑加倫子味馬卡龍, 青檸朱古力, 唔記得什麼蛋糕

下一層榛子朱古力, 黑朱古力及有果仁的拖肥糖







10. Coffee or Tea

我地兩個最後都係飲咗檸水, 如果唔係晚上,

我一定會飲咖啡呀! 咁這一餐一定會更完美呀!!!!





今次個生日飯真係超超超超超級滿意呀!

真係好多謝老公呀!!!!

不過老公話我今次已經食咗部I-Phone 4喇!

hahahahahaha

High Tea @ Four Seasons The Lounge

今日同好朋友(靜雯)去咗四季既The Lounge High Tea呀!

超滿意, 超滿意呀!



好朋友真係無介紹錯,

四季無論食物, 服務及環境都好好,

一定要再去呀!









咸甜:樣樣都好味道.







佢既scone非常好味道, 一d發粉味都無, 勁正呀! 配埋個柑桔果醬, 超讚呀!!!!







以下就係甜點喇! 本來係可以每人refill 2件架!

但我地竟然每人可以refill 3件, 超開心呀!

係我地果枱有架咋! 哈哈!



當我地食完個奇異果梨杯..................







跟住就多咗六件喇!







等我仲記得...........就每件都講吓係什麼來喇!



綠色果杯係奇異果梨杯 - 酸酸的, 有梨肉粒, 有奇異果蓉中間白色的是馬令, 梨和奇異果的味道好夾, 正呀!



長方型有三粒啡色的是Tiramisu - 底層手指餅好乾唔好味, 不過中間的芝士餡就唔錯呀!



綠綠黃黃色長方型是 - 熱情果芒果mousse Cake - 我覺得唔夠熱情果味, 不過好滑好香, 都好味的.



面前半圓型的是柑桔柚子撻 - 果半個圓型, 全是柑桔柚子果肉好新鲜好好味, 再配埋個好鬆化既撻底, 超正呀!



有兩粒紅桑子在面的是紅桑子芝士蛋糕 - 正常, 好味道.



白紅啡的長方型是牛奶紅桑子朱古力蛋糕 - 面層是牛奶巴巴露亞好香好滑好味, 



中間的紅桑子果蓉再配上朱古力蛋糕脆脆, 又係勁好味呀!!!!!



有一粒黑桑子在面, 我都唔知是什麼, 好特別的, 佢既外層係用朱古力餅加玉桂粉整成, 

中間再有白朱力cream, 係好好好好味的.





食晒這些那麼美味既甜點後................

我的好朋友(靜雯) 原來仲整咗生日蛋糕比我吖!!!!

真係超開心呀!

好多謝你呀!

原來仲整咗生日蛋糕比我吖!!!!真係超開心呀!好多謝你呀!

開爐日!!!!!!

粒珠甜點今日就開爐呀!

好多謝各位既支持,

我在農曆新年既日子都接滿訂單呀!

好開心大家想訂蛋糕既時候, 都會諗起我呢!



今年兔年第一個蛋糕係個公仔忌廉蛋糕,

芝麻街公仔我都係第一次整,

好彩好順利, 好成功, 真係好滿意呀!



真係好多謝大家對粒珠甜點既支持呀!

我會更加努力, 整多d新出品呢!

新春快樂!!!粒珠福到!!!!

新年快樂呀!



祝大家



心想事成，



生意興隆，



事事順利 ,



身體健康，



財源廣進，



兔年行大運呀！

步步高升

話咁快明天就農曆年初一喇!

呢排都係咁忙, 有好多post都無時間出,

我只係不停地蛋糕蛋糕蛋糕.........

係今日先有d自己時間做吓野及辦年貨咋!



今年會整3round蘿蔔糕, 太約會係24底

而家已經整2round喇!

仲有一round會係初五先開工呀!



自從係早幾年試過自己整蘿蔔糕後,

而家每一年都會整lu,

自己整既好味過出面好多好多,

不過有一個美中不足, 就係唔可以放大耐喇!