旅遊後記

大家好呀! 自從打晒遊記之後都無出個post喇!

我都唔想架! 不過我真係好忙呀!

有好多蛋糕order, 日日做不停呀!

 真係好多謝大家對粒珠甜點既支持呀!

 

 

嘩! 拉得太開個話題喇! 明明係想寫旅遊後記架嗎!!!!!!

今次個日本之旅真係好開心呀!

十二日既旅程剛剛好, 我同老公都好滿意,

 雖然唔係去北海道, 但整體來講都係十分正呀!

除咗我真係好唔鐘意東京之外, 其他樣樣都幾好呀!

尤其係大阪, 我本來對這個地方既印象真係唔係太好,

因為好多去過大阪既朋友都話無野好食, 而且亦都無乜野好味,

大家都知架喇! 我同老公最鐘意就係食架嗎!

如果無野好食, 好慘架!

於是我地去既時候 就嚴選食店, 大部分都揀一些全日本人無中國員工的,

 而且有d仲要係無圖既日本食店, 這些就一定無問題喇!

因為我有日本朋友同我講, 佢話而家好多中國人在大阪開食店,

佢地係到扮真正日本人開的, 所以食物質數那麼差.

好彩有朋友的提示, 所以我地餐餐都好好味呀!   

 

 

東京這個地方,

如果唔係要去入貨, 我諗我唔會再去架喇!

因為係東京識日文都無用架! 佢地d東京人真係以為自己大晒架!

佢地係唔會理我地架! 佢地對我地呢d遊客既態度真係超差呀!

 同日本其他地方既人比起, 真係差好遠呀!

我起初都唔明白點解d東京人會咁樣架!

但後來問咗我個日本朋友後, 就完全明白喇!

原來在東京出世或者在東京生活既人, 在佢地既角度係高人一等的,

因為日本既首都係東京, 在佢地既角度已經係高一等,

如果佢地在首都做事或出生, 就一定與眾不同喇!"

所以在東京既日本人對遊客既態度, 係非常之差架!



非不必要, 我都唔想再去呀!!!!!!

 

我越來越發覺我同老公去旅行既諗法真係好夾, 

可以每次每樣事情都安排得好妥當, 真係超good呀!

而家我又安排緊另一個旅程喇!

究竟會去邊到………………..遲些先同大家講!

hahahahahah

 

 

12日京阪神及東京近郊之旅2010 - Day 11 & 12

Day 11

2/Jul) 新宿 ->小岩 (住Century Southern Tower)



今日最後一日喇! 明天就返香港lu,

今日行程沒有什麼特別, 主要都係shopping,

同埋去我好朋友屋企.



今日既午餐去咗和幸食吉列朱扒, 本來係大阪已經想去架喇! 但我地搵唔到呀!

所以無去到! 而家係高島屋有, 所以一定要試吓.

我同老公每人叫咗一個吉列朱扒set,

個朱扒好juice, 炸漿香脆可口, 椰菜好新鮮,

整體來講係好好味. 我覺得好味過香港,

而且平過香港, 真係好抵食, 可以再去.









食飽後, 我地到再去行咗一陣, 就搭JR去小岩喇!

我位好朋友是住在小岩的, 在新宿去半個鐘就到架喇!

去到小岩和好朋友相見, 真係十分開心呀!

我同佢識咗好耐架喇! 真係有講不完既話題呀!

另外 我好鐘意佢間屋呀! 有花園可以種花,

又三層高, 價錢又唔貴, 超鐘意呀!











我地傾到食飯時間, 朋友就帶我地去食地道既日本燒肉.

這間燒肉店, 朋友經常來吃的. 佢已經同老闆非常熟稔.

今日所有食物都係朋友叫的. 樣樣都好好味.

我地食咗生牛肉同生牛肝呀! 生牛肝係我咁大個女第一次食架咋!

唔係朋友介紹, 我都唔會試呀! 因為個賣相真係好血淋淋的.

生牛肝既口感好滑嘟嘟的, 味道非常鮮甜, 不過好膩,

我食咗3片就食唔到喇! 因為好飽喇!















食完飯, 朋友就送我地去JR站, 我地就返酒店喇!

真係好唔捨得呢! 又要等好耐先可以見喇!

返到酒店我地又食甜點喇! 這個甜點無論賣相和味道都係超讚的.











Day 12

3/Jul) 新宿 ->香港



今日返香港喇!

我地食完早餐 再去行咗一陣, 就返酒店check-out喇!



我地搭下午五點鐘機返香港, 不過我地book咗shuttle bus去機場, 一點就要上車喇!

其實我地係可以自己搭JR的, 時間易就d, 但因為太多行李喇! 我地真係好難搬來搬去,

所以都係決定book shuttle bus. Shuttle Bus直接由酒店去機場, 方便好多呢!







去到機場立即去check-in 同寄行李喇!

今次好好彩, 我地兩個超重既行李都唔需收附加收費呀!

辦理完所有手續後, 過埋海關就去搵食喇!



我地去咗食拉麵, 味道可以喇!

食完拉麵, 我地就去候機室等上機喇!

這個12 日的旅程亦完滿結束喇!













多謝收看!!!

12日京阪神及東京近郊之旅2010 - Day 10

Day 10

(1/Jul) 新宿 ->原宿 –涉谷 (住Century Southern Tower)



今朝在酒店食早餐, 這裡既早餐十分多款式選擇,

而且無論日式或西式樣樣都做得 好好味, 非常滿意呀!



不過有一些來日本旅遊既香港人, 就真係非常唔要得呀!

佢地傾計既聲浪真係非常之嘈抄, 我同佢地相隔7張枱既距離,

都可以好清楚聽到佢地講什麼呀! 佢真係好影響到其他人進食既心情呀!

呢類香港人真係好失禮呀! 佢地當咗自己係酒樓飲緊茶呀>.<超討厭呀!!!!!!!!!!!



食完個豐富早餐, 我地就去淺草既雷門,

這裡不是第一次來喇! 所以都係影吓相, 四周購物.













行完雷門, 我就去合羽橋道具街入貨喇!

我係道具街買咗差不多兩個幾鐘烘焙用品呀!

真係辛苦老公喇! 買完東東,

我地就返雷門附近食午餐喇!

我地隨意揀咗一間食刺身的食店,

我地分別叫咗壽司set 和魚生飯set,

兩者味道都幾好, 幾滿意喇!

















食飽後, 我地就去秋葉原, 原宿, 涉谷等等地方繼續shopping喇!







我地行到差不多時間, 就去今日最重要既約會喇!

就係去新宿既六歌仙同好朋友一家食晚飯喇!

這一餐我地等咗好耐架喇! 而且仲十分期待添!

六歌仙係食放題既食店, 我地叫咗飲同埋食既放題, 有120分鐘既時間任食.

這裡既食物質數超好, 樣樣都好好好好味,

長腳蟹, 帶子, 和牛等等,

每一樣都好新鮮, 好好味,

我地每樣都叫咗好多around呀! 真係想再去食呀!

果晚食得非常開心, 同彤彤都玩得好開心呀!!!!!!!!!!!!!!!!

































食飽後, 我地仲行咗一陣先返酒店呀!

12日京阪神及東京近郊之旅2010 - Day 9

Day 9

(30/Jun) 輕井澤 ->東京 ->新宿 (住Century Southern Tower)



今朝食年輪蛋糕及飲小岩咖啡作早餐, 個年輪蛋糕好好味道,

係輕井澤消量No.1的, 食飽後, 我地就CHECK-OUT喇! 今日去東京LU.



我地先去輕井澤駅附近還車, 然後就搭JR新幹線去東京喇!

由輕井澤去東京一個鐘就到喇! 不過去到東京仲要轉半個鐘JR去新宿,

一去到新宿, 我地找啱出口就立即去酒店喇!













由新宿-新南口出, 大約行5-10分鐘就可以去到酒店喇!

而且全程一條直路, 不需要過馬路, 非常方便呢!

我地攞住兩個大喼再加3袋手提行李, 都唔會太吃力.



去到酒店CHECK-IN後, 我地立即上房放好行李及看看房間的觀景.

我地住在24樓個觀景好靚呀! 房間又會不太細,

洗手間都十分寛敞, 整體來說十分舒適.









我地休息咗一陣後, 就出發去OUTLET喇!

今次又係去三井OUTLET PARK,

號稱是全日本最大的新OUTLET, 由新宿去都要成個鐘呀!

這個OUTLET係好大, 不過唔係好啱我同老公,

我地買咗小小野就去食LUNCH喇!

我地在OUTLET揀咗一間專食雞丼的店舖, 這個滑蛋雞丼,

唔止外貌吸引, 而且味道仲十分之好呀! 真係有D估唔到呀!













食飽後, 我地行多一陣就走喇! 我地去池袋呀!

去到池袋, 我地都係四維行吓及SHOPPING,

行到差不多時間, 我地就去食DINNER,



今晚我地去一蘭食拉麵,

一蘭係被日本旅遊雜誌(Tokyo Walker)在2006年選為十大拉麵第一位的.

吃麵前要先填FORM, 選擇湯味濃度, 蔥蒜, 麵軟硬度等等.



我地上次無食到, 所以今次一定要試,

旅遊書果然無介紹錯, 真係非常非常好味,

湯底濃郁得來又唔會油膩, 自家製生麵質爽口兼無鹼水味,

豚肉肥瘦剛好, 入口即溶, 塘心玉子, 更是出色之作,

係我今個TRIP食過最好味既一個玉子, 超正呀!











吃咗一碗這麼出色的拉麵, 真係超滿足呀!

我地再行咗一陣就返酒店喇!

12日京阪神及東京近郊之旅2010 - Day 8

Day 8

(29/Jun) 輕井澤 – 舊三笠酒店, 白糸の淹, 鬼押出し園 (住Cottage in Log-Cabin)



今早吃過民宿既早餐後, 我地就開車去舊三笠酒店參觀喇!

由民宿去15分鐘就到喇!



舊三笠酒店是1904年由明治製果的創辦人”山本直良”所興建的,

有百幾年歷史架喇! 是當年政商界重要人物的渡假勝地,

這座是洋式木酒店, 全由人手製作,

在1980年已被列入為日本重要文化財產.



這座酒店所有傢俬都保全得好好, 而且仲有當年既賬薄,

真係好犀利呀! 唔睇都唔知有百幾年喇!



















參觀完畢後, 我地就繼續去今日第二個景點-白糸の淹喇!

由三笠酒店 開車15分鐘就到架喇!

(不過這地方是無電話號碼作GPS的搜尋, 所以 去之前一定要預備地圖呀! )



白糸の淹是輕井澤著名的景點, 這裡的瀑布水是由淺山間的山頂積雪,

經過6年時間慢慢經岩石斷層流出. 沿路行去看瀑布時,

可以聽到潺潺的流水聲, 看到瀑布後,

細水的瀑布恍如絲般柔滑, 猶如一幅美麗的圖畫呀!

好靚呢! 我地不停地影相, 逗留咗好一陣先離開呀!



















臨離開前, 我仲係一間小食店買咗條燒魚來吃,

這條燒魚十分有風味, 相當好吃,

不過老公話我, 行行吓去食條魚, 你真係搞笑>.<







睇完瀑布, 我地就去第三個景點-鬼押出し園,

由白糸の淹去鬼押出し園, 太約20分鐘就到,

這裡又係無電話號碼作GPS搜尋架!

不過全部都係順路的, 好易就可以找到.



鬼押出し園是日本三大奇景之一,

北輕井澤的淺間火山, 在1783年曾經強烈爆發,

熔岩淹沒了山下整條村莊, 日本政府為了紀念這次天災,

特別興建這個し園, 又在山頂建淺間山觀音堂,

超度當年火山爆發的遇難者.



在這個し園可以欣賞到多種高原植物及由熔岩形成的天然奇景,

不過整個し園都是佈滿黑漆漆的岩石, 感覺都幾荒涼,















我地參觀完後, 去咗小食亭食拉麵作午餐,

跟住就回程返民宿小休喇!





當我地返到民宿 不出半小時就落大雨喇!

我地真係好好彩呢! 早前天氣咁好.









休息咗一陣, 我地就去Outlet食dinner喇!

今晚揀咗一間食炸豬扒的.

這間炸豬扒同我地食開既日式炸豬扒有小許分別,

佢無椰菜絲的, 又不會免費添加白飯,

但味道一樣好好, 豬扒有肉汁, 炸漿香脆可口,

除餐附送的豚肉麵豉湯, 更是出色之作, 超讚呀!

老公不停話好好味呀!







食完晚餐,我地係outlet行咗一陣,本來打算離開喇!

但臨離開前,我地經過INFORMATION CENTRE,

於是就入去拎個Floor Plan來看看,

唔看由至可, 一看就不得了喇!



原來這個Outlet係好大架! 而且仲有好多名牌店舖,

我地睇完之後, 就立即向某些心儀店舖進發喇!

結果我同老公都大有所獲, 超開心呀!







瘋狂購物完畢後, 我地就返民宿喇!



這是臨睡前吃的甜品, 好特別的布甸JELLY, 味道非常可口.