Day 4
新宿 － 富士山河口湖
住：風のテラスKUKUNA
今日一早就出發去富士山河口湖
早餐都係去返Excelsior Caffe
出發前已經ONLINE買咗高速巴士既車票
我地喺新宿南口既巴士站上車
（即係NEWOMEN 最高果層）
本來諗住搭JR的，不過睇咗好多資料，
好多人都係話搭巴士係最快和最方便呢！
事實都係巴士最方便既，
如果唔塞車，一定係巴士最快
這是去富士山河口湖的方法
日本既高速巴士
好新，好舒服
到達河口湖駅前會經過富士急遊樂場
這個過山車超超超超高
我睇見都覺得驚呀！
我地9:15上車
太約11點就到喇！
天氣十分不穩定，仲要好凍
當時得16度咋！
我地去旅客服務中心打算CALL酒店接送巴士
不過去到才知道， 接送巴士要在下午二時才開始服務
又凍，又下雨，又無地方行
我地去咗間地道食店食午餐
餐廳既裝修好懷舊呢！
好似係一間老店來
佢既選揀唔多，不過味道非常可口呢！
食飽後，再在河口湖駅HEA咗一陣，
就可以CALL車喇！
在河口湖駅去到KUKUNA酒店
太約車程5-8分鐘
KUKUNA 既服務非常非常好呢！
坐底等CHECK－IN既時，有豐富茶點招待
好快就已經可以上房喇！
我訂了展望台既樓層，住在7樓
房間好大，好新，設備齊存
房間露天風呂景色
如果天氣好，在這裡係可以好清楚地看到富士山的
不過而家係被厚雲遮住咗
我住既樓層是有一些特別招待的
這裡會有無限茶點供應
味道仲要好好味的
浸完溫泉就好方便咁出去拎茶點
超貼心呀！
房間內的歡迎小食
好精緻既富士山曲奇餅
酒店內既環境
今晚晚餐非常特別
住溫泉酒店食日式鐵板燒都係第一次
我地一定飲酒的，哈哈
質數非常好的牛
龍蝦和魚
頭盆
有調味既刺身
酸酸的，好開胃
主廚開始整喇！
他們係一道道菜既SERVE的
唔係一燒完就SERVE 比你的
非常有心思，同埋好好好好味架！
這個煎香咗既魚，再用湯浸住上
食時要連湯一起吃，好鮮甜的
龍蝦，
已經拆好殼
彈牙，肉口，美味
這個牛。。。係人間極品
煎封牛後，再用醬汁煮一會
吃時要配WASABI
平時老公唔吃WASABI的
今次每一舊都有伴著吃
表面平平無奇既炒飯
味道超讚
龍蝦頭麵豉湯
睇見已經知味道好
主廚仲非常細心
龍蝦頭通常我地起咗D糕之後，
就唔會點食
主廚見我地個個食客停晒手
佢主動再幫我地把 龍蝦頭拆好
令我地可以全完唔浪費地食晒
超貼心既服務
他們會用鹽來表演畫富士山
好勁呢！
甜點
樣衰衰的
不過又係好好味的
底層係豆乳布甸加果味雪芭配上雜莓醬
這頓晚餐
真係超超超滿意呀！
No comments:
Post a Comment