Day 2
28/Sep/2014(Sun)
PARIS
Stay in Royal Hotel Paris
今日在酒店自付吃早餐, 選擇不算多, 但味道都可以.
約了司機10:00來接我地到市中心的酒店, 時間尚早, 我地周圍影吓!!
司機好準時, 又好好人, 在行車途中他講咗多巴黎要注意既事項比我地知(他是香港人來的, 我係從travel life 討論區找到介紹的), 我地大約半個鐘就到酒店喇!
Royal Hotel好近凱旋門, 又近香榭麗舍大道, 位置超讚呀! 酒店外貌仲好靚tim.
放低行李去凱旋門影吓相,
跟住去了吃個午餐. 我地隨意在香榭麗舍大道選了一間餐廳, 坐在戶外, 點了cappuccino, 熱朱古力, 牛角包及法包, 超寫意呀!!!!!!!
而家先去concord的遊客中心取已訂購的museum pass,
跟住就去La Vallee Outlet, 因為今日是星期日, 歐洲地區星期日好多地方都唔會開門, 去outlet係最好選擇.
這個outlet位於巴黎近郊, 屬於zone 5. 我地先到地鐵站買mobills(即是one day pass, 可以一日內任搭metro OR RER), 選zone 1 – zone 5, euro 16.1
一個人.
從Charles
De Goulle – Etoile 到 Val D’Eurpe, Serris太約需時35分鐘, 到站後要再行約15分鐘才可到達呢!
第一次搭巴黎既RER好緊張呀! 因為之前聽到太多遊客在巴黎乘搭鐵路被搶劫的消息, 所以我地都比較小心和緊張! 全程打醒十二分精神呀!
在火車的車箱內沒有什麼事情發生, 但下車上電梯時, 就有吉卜賽少女有所行動了. 她和我們一同上電梯，我和老公一前一後站著，她突然站在老公隔離，仲要用身貼著，老公立即覺得她有所企圖，示意我行上去不要站著，於是我同老公立即快速行上去，行時再回頭特意bear住她，她立即裝出一幅發生什麼事的樣子。
一離開車站, 果位少女就消失的無影無蹤喇! 行咗真係差不多十五分鐘就到outlet喇!
本來諗住會買到好多抵東西架, 點知……………………………………只係買了一對rain boots, 想買多對都無我size, burberry 又係無我size, 雞毛睇中兩款都係無我size, 激屎人喇!!!!!!!!!老公又係咩都唔啱@@”
行到累, 吃了杯花花gelato,才順返條氣呀! 這間Amorino Gelato係巴黎好出名的, 估唔到去到outlet都會有, 仲有好多間o係裡面添.
我吃了開心果, 紅桑子及tiramisu味道, 好滑好好味呀!
無野買, 回程luuuuuuuu!
我地先返酒店休息一陣, 跟住就去香榭麗舍大道行吓!
吃晚餐lu, 今次歐洲之旅既晚餐, 差不多晚晚都已經安排好及訂了枱呢!
今晚在香榭麗舍大道的chez clement吃海鮮,
我地點了海鮮拼盆, 玫瑰酒, 法式洋葱湯, 法式油鴨腿, 牛柳拌法式薯蓉及甜點熱朱古蛋糕配雪糕.
玫瑰酒
法式洋蔥湯，同香港飲既味道差好遠呢！這個好濃好好味架！
海鮮拼盆好新鮮好好味,
油鴨腿超讚, 同香港無得比呀!
其他樣樣都不錯呀!
2 comments:
樣樣都好似好好味咁呀, 花花雪糕好得意, 可以BOOK到香港人既司機真係好, 方便好多
係好好味架！雪糕好滑架！
有香港人司機真係方面好多呢！
Post a Comment