Day 3
29/Sep/2014(Mon)
PARIS
Stay in Royal Hotel Paris
今日係shopping day, yeahhhhh!!!!!!
今朝巴黎天氣不太好呢! 好大雨呀! 我地在香榭麗舍大道隨意地找了間吃早餐, 提子酥, 杏仁牛角包及cappuccino, 唔知點解買大杯都係得一半 @@
首站先去位於Saint Suplice的 La Bagagerie買Rimowa喼, 睇網友介紹, 這間係在巴黎賣得最平的, 我地做咗間鋪的第一個客人呀! Haha 店員額外比了8% 折扣我地呀!
這是新色, 新size呀! 好靚仔呢!
帶住個新喼, 去嘆茶先(好似吃了早餐不久, 又再食)
去到Saint Suplice梗係要去著名經典咖啡室Café de Flore,
Café de Flore屬於咖啡室中的典範, 從1887年至今一直人氣高企的.她的外貌好古典好靚呢!
我地去到都已經好多人喇!好彩有位唔駛等!
我地點了熱古朱力, Darjeeling Himalaya Tea, 牛角包及Brioche
好好味, 好滿足, 好高興呀!!!!!
回程, 先去H店……………………………………………………………………….
去到H店(心想, 希望有我要既包包喇!), 首先買吓無謂東東打好關係先, 跟著就可以說出我想要的包包喇!
一問SA有無貨, 佢竟然問我想要什顏色, 跟住就入去拎個大橙盒出來喇! 我果刻真係超開心, 個袋仲要係我第一個睇的, 未有人睇過, 睇埋隻色, 係我喜歡的, 立即要呀! SA都話我好LUCKY, 這個包包剛剛是今天返貨, 全店只有兩個, 一個18CM, 一個22CM, 我果個係22CM呢! 另外再問她幾時再返TWILLY, 佢話明天和後天都有, 咁我地會再去呢! Hehe
我真係好好運呢! 去前睇了好多BLOG, 個個都話買H包包是睇你好唔好彩, 仲要有袋未必有啱你的色或者SIZE, 所以個個都話H包包唔係有錢就可以買到.
我的第一個H包包一買就買到, 真係無比的高興呀!
這是H包包的入門包包款, 香港好好好難先會買到呢!
希望我再有第二, 第三個H喇 XDDDDDDDDD
買完H, 再去LV幫家人買埋東東, 跟住就返酒店休息一會
今日第四個敗物店, CHANEL 總店,
總店超多人呀! 等了差不多二十分鐘才有SA招待, 選了要買的物品, 比錢也等了差不多二十分鐘, 原因係有班BIG 6唔夠錢, 問完朋友借, 再續張CREDIT CARD 碌, 她們令到CASHER不知幾炆呀! 後來好彩有另一位CASHER幫我地, 否則唔知仲要搞幾耐……
又到食野既時間喇!!!!!!!
吃了芝士火腿奄列配薯條 , 又係飲cappuccino, 味道又係好好呢! 正
去了瑪德蓮廣場附近睇錶……………………………..不過睇唔啱
Keep going 老佛爺及春天百貨
這兩間百貨公司, 我地只係行咗一陣咋! 太多人喇!
我地晚上有個重要約會, 不能遲到, 所以要返酒店換衫及裝扮一吓.
Taillevent是極具代表性的頂級法式餐廳，供應經典、精緻的傳統法餐。1946年由André Vrinat成立，1948年摘下第一顆星、1954年摘第二顆，1962年創辦人之子Jean-Claude Vrinat接班經營，1973年在主廚Claude Deligne領軍下正式成為米其林三星餐廳。餐廳之所以命名為Taillevent，是為了將這份榮耀獻給中世紀末，第一位撰寫法國食譜的料理大師Guillame Tirel，他的小名是Taillevent。當時，慕名來Taillevent用餐的人非富即貴，各國貴族與明星都趨之若鶩，一位難求；Jean-Claude Vrinat為了讓更多人都能品嚐Taillevent的用心與美味，將坐位數增加至110位，卻因此惹惱米其林指南，認為這樣容納太多人的餐廳，會破壞餐點的穩定度，因而在2007年將之降至米其林二星等。Valérie Vrinat在2008年接班，不僅將Taillevent多角化經營，更致力摘回米其林的第三顆星♦
我地訂了晚上七點, 早了小小到達, 竟然唔可以入住, 咁我地唯有行吓先喇!
TAILLEVENT好近我地酒店呢! 我地唔駛5分鐘就行到去喇!
老公今晚要全套西裝上陣, 吃既途中仲唔可以除下外套呢!, 真係好傳統的禮儀呀!
而我打扮靚靚便可以喇! HEHE
一到七點, 立即入去, 門口已經有位西裝筆挺的侍應招待我們內進喇!
先要穿過一道門才可以入到用餐的地方呢!
他們安排咗SOFA位比我地, 位置好好呀!
我地去既時候唔係太多人呢! 但越夜越多人, 大部份都係法國人.
我地坐底無耐, 侍應就比咗DRINK MENU我地, 睇吓我地需不需要點餐前酒,
我地分別點了一杯香檳及白酒, 接著就遞上MAIN MENU…………
我地好多食物都想試, 食TASTING MENU就最好不過喇!
先來法包和牛油給我們送酒呢!
第一道菜是熱辣辣的炸春卷, 皮薄精緻, 炸得好酥脆, 餡料唔記得是什麼喇! 不過好好好好味呢!作為第一道茶, 仲要係炸品, 一點都唔油膩呢!
接著是龍蝦凍湯配魚籽醬, 這個湯極級好飲, 好鮮龍蝦味, 入口好濃郁, 但又唔會膩, 令人一口接一口, 配魚籽醬簡直有畫龍點精的效果, 老公不停地話好好飲! 好好飲!
香煎野生鱸魚配青醬和芥末
鱸魚外皮煎得非常香口, 肉質嫩滑鮮味, 配以青醬和芥末一起吃, 好特別呢!
野菌意大利飯
超超超超好味呀! 飯既口感係有小小生米的, 我歡喜的口感, 好濃郁野菌既味道, 又有小小芝士味, 但又唔覺膩, 真係好回味呀!
香煎鵝肝配提子及蘋果
外脆, 入口即溶, 配埋提子及蘋果一起吃, 中和了油膩感, 好味指數爆燈呀! HAHAHA
老公平時唔吃鵝肝的, 去到竟然吃了半份, 我就吃埋果半份, 勁滿足呀!
傳統鴨肉批
這菜好有層次感, 批皮酥鬆, 鴨肉唔鞋唔酥, 醬汁濃而不膩, 每一口都好豐富呀!
好好吃呢!
芝士拼盆
我只是選了兩款芝士, BRIE CHEESE及 BLUE CHEESE, 因為實在太飽喇!
芝士不是老公杯茶, 所以他沒有點呀!
SOBERT
我只係記得係檸檬味雪芭, 有一層脆既焦糖, 及紅桑子醬, 味道好清新的.
甜點
朱古力紅桑子慕絲蛋糕配榛子朱古力忌廉
一件蛋糕有多種口感, 又滑, 又脆, 又酸, 又甜, 超讚呀!!!!
吃完甜點,侍應問我地要不要咖啡或茶,
我地實在太飽喇! 完全飲不下呢!
埋單前, 還附上精緻的PETIT
FOUR
這個PETIT FOUR一點也不馬夫
有綿花糖, 朱古力, 馬卡龍及朱古力撻.
吃完真係飽到上心口呀! HAHAHA
這一餐吃了3個幾鐘, 聽落好似好耐, 但其實時間係啱啱好的.
這裡用料上盛, 製作認真又唔花巧, 服務及環境又好好,
真係好值得來一試真真正正傳統的法國菜呢!
如果我再去巴黎, 我估我會再去呢!
再去要散叫…………………………..
No comments:
Post a Comment