第三日
17/Oct/2009
函館 -> 登別 (住第一淹本館)
今朝一早係民宿吃過早餐後, 我地就出發去登別浸浸浸喇!
由函館去登別需時最小要3個鐘,
我地九點半出發, 差不多一點才到達, 一到達後,
我地就立即係酒店擺底行李, 然後就去食食食喇!
我地又係去番已往幫襯開的食店, 不過今次食既東東就來個大革新,
同以往完全不同, 雖然不同, 但都係好好味呢!
食完午餐, 我地就返酒店check-in喇!
我地上房擺底行李, 然後就去地獄谷影紅葉喇!
嚟咗北海道好幾日, 係在登別見到最多紅葉,
真係好靚呢! 我地影咗好多相呀!
暢遊完畢, 我地就立即返酒店第一浸喇!
我同老公每人都差不多玩咗一個鐘, 浸完之後勁舒服, 我勁鐘意呀!
休息一陣, 我地就係酒店房間吃晚飯喇!
第一淹本館既食物既水準, 仍然都係咁好, 果然係我既至愛呀!
吃過晚飯後, 我地就立即出去地獄谷, 睇10月特別加開的”鬼花火開催”喇!
去到既時候, 已經有好多人喇! 我同老公立即快快搵個位坐下.
雖然整個表演都唔明佢講什麼, 不過我只知道佢地係為咗大家平安, 樣樣事順境, 國泰民安,
而表演花火, 祈求上天保佑.
睇完花火, 我地就返酒店第二浸喇!
5 comments:
今年有冇性感出浸照呢？KEKE
個 "show"好似好好睇wor.仲可以同佢地影相.好特別呀.
係呀， 我都覺得個花火表演好好睇呀。
d紅葉好靚呀， 仲以為十月北海道無紅葉睇添！
快d出埋balance個幾日啦; 雖然我無得去北海道, 不過有得睇都好滿足呀; 係呀; 點解今次無浸浴相?!
個個都期待你既浸浴相,哈哈
Post a Comment