第九日
23/Oct/2009
札幌 (住CROSS HOTEL)
今日沒有什麼特別行程, 主要係行街同不停地食.
今日既午餐, 我地去咗一間係四年前食過既湯咖哩店鋪,
這裡既湯咖哩係我地食過最好味既一間, 之前幾年一直都搵唔返個地點,
今次有時間, 我地憑記憶慢慢搵, 終於搵到, 勁開心呢! 真係非常好味.
今日五點鐘, 我地就開始晚餐, 我地要食兩餐呢!
第一餐去咗食串鳥, 今次我地無往年食得咁多,
每人食咗10串咋! 因為我地要留肚呢!
串鳥既串燒真係整得好好味, 食咗咁多次,
仍然都想再食, 如果香港有一間就好lu.
食完休息咗兩個鐘, 我地就去食第二餐喇!
我地去咗活一鮮呢! 活一鮮又係我地次次都會幫襯既,
雖然好似悶d, 不過真係好好味, 唔去對唔住自己呢!
食完返酒店再食cake, 今日真係好飽呢!
第十日
24/Oct/2009
札幌 -> 香港
今日要返香港喇! 真係萬般捨不得呢!
我地食完早餐check-out後, 就keep行李係酒店, 跟住再行咗一陣街, 就搭JR去機場喇!
今次去到機場, 無什麼特別要買, 只係要買芝士蛋糕啫! 其他東東係早兩日已經買咗喇!
既然無東東要買, 就去check-in先喇! 當行李過磅既時候,
竟然超重七磅呀! 要比兩萬幾日元呀! 我地梗係唔比喇!
立即無奈地開喼執執執, 最後過磅都過3磅, 要比一萬日元, 真係勁唔抵呀!
今年唔知什麼問題, 過小小都唔得, 我上年過咗好多都唔駛比架! 不過都無辦法喇!
辦理晒登機手續後, 我地就去食拉麵喇! 今次只係老公一個人食.
因為我心情唔好, 食唔落呢!
老公食完函館鹽拉麵之後, 就知道同早幾年食既有什麼不同喇!
就係d麵差咗, 好重鹼水味, 所以無以前咁好味呢!
至於我就食咗個便當, 就上機lu.
4 comments:
點解心情唔好呀? 十日之旅對你地來說應該唔夠呢~!
ALICE,你真係好幸福
很羨慕你的美味之旅，我也在準備北海道紅葉之旅，看了你的介紹，很有啓發，謝謝。請問‘串鳥’和‘’活一鮮‘在哪個位置，容易找到嗎？初次到北海道的話，還有甚麼
特別好吃好玩的地方，至於看紅葉方面，可否提供一些建議？謝謝。
Hi Grace,
多謝你的觀看, 串鳥是在"Cross Hotel"的隔離, 是在同一條街, 至卡活一鮮是在有摩天輪的SHOPPING MALL內, 正確商場名稱, 我要找
找才可以給你, 不過你可以看回我以往的遊記應該會有記錄的.(所有遊記會在MY TRAVEL LINK 內)
紅葉方便, 登別, 定山溪&層雲埉, 都會幾多同幾靚呢!
Post a Comment