Day 4
(25/Jun) 大阪 ->海遊館 ->天保山Market Place (住Hilton Osaka)
今朝吃過早餐後, 我地就去海遊館喇!
臨搭地下鐵之前, 我地要去買[OSAKA 海遊きっぷ]的車票,
呢張票係海遊館入場卷加全日地鐵及巴士既ONE DAY PASS嚟既,
一個人2400YEN, 抵好多呢!
一般呢類既套票通常都係在地鐵客戶服務中心購買的,
但這個竟然在一間毫不起眼既報紙檔售賣,
而且仲要一張宣傳單張都無,
好彩有個地下鐵人員幫助咋! 如果唔係都幾難買到呀!
買好票後, 我地就搭地下鐵御堂筋線,
由梅田去本町, 再轉中央線去 大阪港,
我地太約搭咗半個鐘就到喇!
去到大阪港再行多5-10分鐘就會去到海遊館喇!
這間海遊館據稱是世界最大的城市型屋內水族館,
內裡展示約三萬種海洋生物, 有鯨鯊, 企鵝,
海獺, 太平洋斑紋海豚, 海龜, 長腳蟹等等, 真係多不勝數呀!
我地四維睇, 四維影相,
去到加州海驢館(California sea lion)既時候,
就發生咗d勁開心既事呀!
就係有一隻海驢隔著玻璃不停同我玩吖!
又同我對望, 又撓著我隻手來打轉,
其他遊人行過來既時候佢完全無反應架!
只是不停地望住我, 不停同我玩, 我地同佢都玩咗好耐呀!
走既時候真係勁唔捨得, 佢真係好特別呀!
我從未試過係水族館會有一隻海洋生物同自己咁close架!
同海驢玩完後, 我地繼續四維睇, 跟住就去咗摸魔鬼魚同好似鯊魚既魚仔喇!
魔鬼魚唔係第一次摸, 所以無乜特別, 都係滑潺潺的,
但果種鯊魚仔, 個身好鞋呀!
好似有層沙係到咁架! 個感覺好古怪的.
我地同d魚玩完就出館喇!
我地去海遊館隔離既天保山Market Place坐摩天輪呀!
這個摩天輪直徑100米, 高112.5米,
是世界最大的摩天輪之一, 剛剛坐上去既時候都無乜感覺,
但佢越升越高既時候, 真係個心有d驚,
因為真係好高, 好驚佢突然停咗唔知點算呀!wakakakakaka.
坐完摩天輪, 我地要去搵食喇! 我地去咗Market Place既難波美食小巷,
係小巷左看右看, 好似樣樣都唔係好啱食,
後來發現到[大阪名物] 老字號咖哩飯-自由軒既蹤影,
立即試試, 我地叫咗一個滑蛋咖哩飯和豬扒咖哩飯,
雖然兩個飯都好清, 無乜餸, 但都好好味,
我同老公都好鐘意佢既咖哩味, 正呀!
食飽後, 我地係Market Place行咗一陣,
跟住就再去心齋橋同道頓屈 shopping,
買物完畢, 我地就返酒店小休一陣喇!
休息完後, 我地又去咗Yodobashi行街,
一上到Sweet Museum個層, 見到d好靚蛋糕,
我地兩個又忍住喇! 又要坐底食野喇!
我地每人食咗件蛋糕, 我要無花果芒果芝士蛋糕,
老公要蘋果芒果忌廉蛋糕,
我個芝士蛋糕好味過老公既忌廉蛋糕,
但整體來講, 兩個都做得不錯架!
食完甜點後, 我地又繼續Shopping喇!
買到差不多時間, 我地又去搵食喇!
其實未肚餓架! 不過我地覺得要吃dinner喇!
所以要立即出發, 今晚我地要去お初天神通內既手羽一郎,
我地跟住書既方向, 行咗10分鐘就到喇!
去到お初天神通有左右兩邊的, 我地隨便揀咗一邊來行,
希望無揀錯, 好彩全中的
(因為果到係無門牌的, 所以只可以亂來呀! Hahahaha).
手羽一郎係一間居酒屋,
佢係食炸雞翼出名的, 我地一定唔會錯過喇!
我地點咗炸雞翼, 串鳥合盛, 大雞串,
塘心玉子和蒜子白豚片.
炸雞翼超級好味道, 炸得香脆酥化, 又唔會油膩,
味道又夠惹味, 我地最後仲叫多一碟呀!
其他樣樣都好好味, 做得十分出色, 超讚呀!
{###_alice0209/15/1977724182.jpg_###}
No comments:
Post a Comment