Day 2
(23/Jun) 大阪 –道頓屈,心齋橋, 黑門市場 - > 神戶 (住Hilton Osaka)
今日食完豐富既早餐後, 我地就展開首個Shopping之旅喇^^
首先就係去難波既黑門市場, 道具街同道頓屈, 然後就去埋心齋橋,
黑門市場係一個好清潔既街市, 而且價格十分便宜,
睇到我好想買晒d蔬果, 肉類返香港呀! 不過唔可以吖>.<
而道頓屈同埋心齋橋就係遊客區, 好多賣手信既店舖, 同埋百貨公司,
我地行到lunch時間就去咗四天王食拉麵, 四天王好好味,
佢既肉片係煎熟既, 唔係烚熟, 所以特別香口好味,
而隻塘心玉子又入味, 又夠塘心, 超正呀!
剛剛食完拉麵, 我見有雪糕賣又立即買來吃喇!
真係肥屎喇! hahahaha
我食咗紅茶味既雪糕, 係宇治園出既, 超級好味道呀!
勁香茶味,又唔澀, 又滑, 諗起都好想食呀!
行咗差不多一整日, 不停睇, 不停買, 我地兩個都勁累呀!
於是就返酒店休息一陣, 跟住就去神戶食晚餐喇^^
我地由大阪去神戶搭特急JR 20分鐘就到喇! 去到就立即搵已揀好既食店.
本來5分鐘就可以去到架喇! 不過因為書本既誤導,
我地足足搵咗20分鐘都未搵到, 問埋人都搵唔到,
正想放棄既時候, 我地就見到我地想去嗰間食店既廣告箱,
於是立即仔細看食店位置所在, 跟住依足指示,
唔駛5分鐘就去到喇! 真係多得本書唔少呀!
去到間食店既時候, 我地兩個都超累呀!
我地揀這間食店, 係因為見影星金城武都話好好味, 所以就去試試嘞!
我地揀咗個神戶和牛鐵板餐, 而隻神戶牛係攞咗比賽既亞軍既.
食評: 好好好好好味, 入口即溶, 我地要5成熟,
厚切咬落去都好林, 而且肥瘦分佈得好均衡, 正呀!
環境舒適, 服務態度好好, 價格係貴既, 但物有所值.
食完這頓咁豐富既晚餐, 我地就搭JR返酒店喇!
返到酒店我地每人仲食咗個超甜靚桃先瞓覺 超滿足呢!
No comments:
Post a Comment