四季彩之丘 --> 富良野花園
第四日 今朝食咗個幾好既早餐, 我地就check-out出發去四季彩之丘喇!,今次我地都唔係抱太大希望會有靚花睇, 因為尋日兩個花田d花都開得唔係咁好, 點知去到真係令我地眼前一亮, 四季有好多靚花, 仲有我既至愛向日葵, 好大朵, 好靚呀! 而且仲有彩色花田tim, 我地係到左影右影, 玩咗好耐先走呀! 
跟住我地就去咗一個要比錢既花田, 就係Flower Land喇! 
我地諗住要比錢, 就一定會有靚睇喇! 點知好失望, 佢仲差過富田同埋彩香, 如果同四季簡直冇得比呀! 我地行咗唔夠十分鐘, 食咗個牛奶布甸, 買咗包紅豆就走喇! 
原本今日plan既行程又去晒喇! 但係果時先十點鍾, 於是我同老公就勁睇書, 睇吓有咩好玩. 首先我地去就去咗食雲呢拿味雪糕蜜瓜, 一啖蜜瓜, 一啖雪糕, 真係超級好味呀! 
跟住我地就去咗一間叫”為我獨尊”到食飯, 佢開咗三十年架喇, 係一間尊食咖哩既鋪頭, 我地差d搵唔到間鋪, 好彩有好多人o係到排隊, 我地先見到咋, 我地去到每人都食咗一個咖哩大腸飯, 佢地既咖哩同大腸都係自家制架! 所以果味道非常之好, 值得一試. 
3 comments:
個蜜瓜雪糕我都食過, 真係超好味... 唸起都想食多次呀!
好鐘意呢度呀, 一片花海咁
咖喱飯~~~~~~~~又係我至愛!
咖喱咖喱加喱~~~
Post a Comment