Day 9 (6/7) 札榥 住JR Tower 第九日 今日吃過早餐後, 我地就揸車去雪印史料館參觀, 去雪印參觀應該係要預約既, 不過我冇, 我諗住應該會有一d係冇料參觀既地方, 點知去到原來係一定要預約既, 好彩有個好好人既員, 佢比我地冇料參觀咗幾層, 而且佢仲o係門口等我地, 送咗2杯雪糕同埋2盒奶比我地, 其實依d手信應該係要預約參觀先有架!佢真係好好人呀! 不過我地係冇辦法之下就浪費咗一盒奶, 因為早餐都未落格, 真係冇辦法.
雪印史料館 --> サッポロさとらんど(Satoland) --> 国営滝野すずらん丘陵公園 -->
啤酒博物館 -->Norbesa shopping mall
跟住我地就去咗”サッポロさとらんど(Satoland)” Satoland 係位於札幌市東区丘珠町584番地2, 我地由雪印去大約半個鐘到, Satoland 係一個牧場, 佢又係可以近距離接觸多種動物, 例如山羊, 乳牛等等, 而且依個牧場除咗動物之外, 仲有好多薫衣草田, 靚過富良野好多呀! 我地o係到影咗好多相, 而且仲坐埋馬車tim呀!, 我地玩兩個鐘到就走喇! 
跟住我地就去咗一個好遠既地方, 就係位於札幌市南區淹野247番地既国営滝野すずらん丘陵公園-Takinopark, 這個公園o係係札幌既郊外, 距離市中心大約要個半鐘頭車程, 依個公園都幾有趣架! 佢有一d奇形怪狀既石山, 又有一d地下洞穴做到好似蟻”鬥”咁, 而且這裡好大, 我諗要2日先可以行晒, 所以我地淨係行咗d主景點, 影吓相, 食個lunch就出番市區喇! 
2 comments:
你竟然浪費左包奶??? 太晒了... 不過, 好在你都食晒兩杯雪糕. 佢個雪糕
真係好鬼滑架.
我對Satoland好有興趣, 有機會再去的話, 一定會去.
e 到 d 花靚咁多o既! 真係好開心呀! 睇到咁靚的花花. 真係心情都好 d!
Post a Comment