Day 2
(08/Sept) 住新宿-Kero Plaza
上野 -> 淺草 ->秋葉原 ->原宿 ->涉谷 ->新宿
我地今朝係酒店食咗早餐後，就搭JR去上野既合羽橋道具街喇！這條街係我去東京既唯一目的呀！
我地去到上野大約行咗十五分鐘就到喇!這裡係一條清潔整齊板既上海街，所有煮食用具都齊備，
真係你想買什麼都可以買到呀! 我地行咗差不多兩個鐘，買咗好多包裝用品及烘焙用品，
跟住我地就去淺草既雷門寺.
由道具街去雷門寺，大約要行十五分鐘，我地行咗一陣已經覺得又重又累，
於是我地就去咗途徑既星巴克飲咖啡，休息一會喇!
休息完，我地行多五分鐘就到雷門寺前既“仲見世通”喇! 這條路有好多傳統特色既物品買，
我地行吓，買吓，影吓，不經不覺就行到去雷門寺喇！我地入寺參觀咗一陣，
跟住我地就去秋葉原睇電器喇！
去到秋葉原JR 站，我地第一件事就係要搵locker，我地要放低我地所買既物品先呀!
因為實在太多同太重喇! 我地攞住咁多東西係行唔到街架! 放好物品後，
我地就四處走走喇! 我覺得這個地方都幾特別，每一間商店或者商場，
唔係買電器就係買figure，這裡真係好啱男士呀！而我就一般喇!至於老公呢!
佢都係覺得一般咋！因為香港既電器產品好update，所以在這裡都沒有特別既驚喜，
我地最後行咗一個鐘就走喇！
行完秋葉原，我地決定返酒店放低所買既物品，然後再去原宿．
我地係酒店休息咗一陣，就去咗酒店附近既間居酒屋醫肚.
跟住我地就去原宿既竹下通喇!這裡係日本既女人街，衣飾鞋襪，古靈精怪物品樣樣齊，
我地源住竹下通行去明治通，再由明治通行咗去涉谷，我地係涉谷行咗ｄ大型商場就返新宿喇!
返到新宿已經八點喇!我地第一件事就去Takashimaya 14樓”今半”食全牛宴喇! 返到酒店，我地仲食咗兩件cake先瞓，真係又累又滿足呀!
這間食肆係我個家庭醫生介紹既，環境好，服務好，味道一流,
我地兩個人先食咗HK$1400咋，超抵呀！
8 comments:
太過「行貨」既說話，
例如：d相好靚呀，d野食好好味呀，好多野賣呀，
買得好開心呀，玩得好開心呀.......等等一大堆，
我講唔出口呀.....
總之，大家心照啦...yeah
我有一提議：下次去旅行，記得問粒珠借架「車」呀，
我估，真係用得著囉．．．．．haha
嘩....V..V... 你條裙 so sexy
嘩, 間烘焙店好多野賣呀, 你一定大出血. 咁既地方都比你揾到 , 真係做哂功課呀 !!
用牛肉整成嘅玖瑰花，真係唔捨得食呀！
東京上海街, 真係呀...真係呀......真係可以買不停呀......我諗我要將我日本的行程再諗一諗先呀!
好睇~~ 快d去day 3!!!!
我同老公講話要去上野, 點知佢話:上兩次我地都有去上野. 又去?! 我話係, 因為要買野, hehe. 好期待呀.
Ahcool,
心照, 心照.......
Catherine,
一d都唔Sexy呢!
Yumi,
係呀! 係香港已經整好晒架喇!
Travelcake,
佢地d食物, 真係整得好靚, 會好唔捨得食.
Ter,
你真係要好好研究吓! 果到真係要去架!
QQ,
係喇!一定要去呀!
睇過上網既地圖, 原來上野同田原町站都可以去到, 我上次都係黎呢
條街呀, 上野15mins行到, 田原町站出就5mins行到, 我諗係街頭街
尾既分別, 我上次都行唔哂, 好想去多次呀
Post a Comment