第四日 - 北海道之旅2007~夏 (01/07) - part 2

Day 4 (1/7) 中富良野 至 上富良野 住Pension KIZUNA

四季彩之丘 --> 富良野花園 

Lunch後, 我地就去咗”千代田農場”參觀, 這個農場都幾大幾靚, 佢有一個好靚既展望台, 可以從高處遠望附近優美既景色, 而且這裡仲有得餵羊羊, 馬馬, 鹿鹿, 牛牛等等, 不過依到d動物都幾現實, 如果你唔餵佢食嘢, 佢係唔會同你影相架! 勁有性格.





















我地係到玩完就去咗一間超正既民宿喇!今次我地係住”KI.ZU.NA”, 依到我地係住一間既先進又靚, 環境優美的獨立屋, 依間部屋我同老公都十分鍾意, 屋裡面仲有一本比訪客留言既筆記薄, 裡面全部都係好既comment, 我地都寫咗小小呀! 我地休息咗一陣, 就周圍參觀, 影吓相, 















轉眼間就到食飯時間喇! 這個晚餐係由民宿既男, 女主人和嫲嫲主理. 晚餐有好特別既香蕉味豬扒, 芝士蕃茄焗肉鬆, 沙律, 湯及紅米飯, 甜品仲有好好味既蜜瓜, 食完這頓晚餐, 我地都覺得好warm, 同埋好有家的感覺, 雖然佢地唔係太識英語, 係溝通上有一定既困難, 但從這一頓豐富既晚餐, 就已經知道佢地既心意喇! 食完飯, 休息咗一陣, 我地就睡覺喇!

我相信這個民宿對好多香港人嚟講, 一定係一個與世隔絕既地方, 因為冇電視, 又冇得上網, 仲要周圍環境好靈靜, 但係我同老公都好鍾意依到呀! 如果退休可以過這樣既生活就好喇